عرض للطباعة
السلام عليكم ورحمة الله وبركاته
احبيت انقل لكم هذه القصيده اتمنى ان تعجبكم
غابت ثمان سنين حل وترحال = غابت ثمان كلها مد لهمهمنقول
بعد الثمان اللي تعبها برى الحال = جاب الزمان الكارثه والمطمه
جاني ولدها مبتسم بين الاطفال = ومن بسمته ذكرت انا بسمة امه
ساعة حضنته والطفل في يدي مال = شميت ريحتها على اطراف كمه
الله اكبر عقب ذيك الاجيال = عطرها اليوم في ولدها اشمه
والحين بنت الناس في بيت رجال = وحب على غير الشرف لي مذمه
ـــــــــــــــــــــــــــــــــــــــ
احمد عبدالله البلوي
والحين بنت الناس في بيت رجـال
وحب على غير الشرف لـي مذمـه
تسلم يا احمد على القصيدة اللي تعبر بين مكنونها الكثير من المعاني
واكيد اولها الاشتياق
تحياتي لك
الغالي
احمد عبد الله البلوي
مشكور على نقل هذه الرائعه
واختيارك لها دليل على ذائقتك الفريده والشامخه
وبالفعل هذه القصيده عجيبه ورائعه الى ماله نهايه
وسرقا اكثر من مستشعر .
وهي للشاعر : محمد البلاهدي
وبعلمك القصيده ناقصه وانا حافضها كامله
واستاذنك أخ : احمد لكملها فهل تسمح لي
وياليتك ذيلت القصيده بأسم شاعرها الحقيقي بدل من تركها عرضه للحراميه وحرام قصيده بمثل هذه ان لا تنسب لشاعرها وهذا احقاق للحق
شكراً لك
احمد عبدالله البلوي
اختيار موفق واليك القصيده في نسختها الحقيقيه
الله يعطيك العافيه
عدت ثمـان سنيـن حـل وتـرحـال=عدت ثـمـان كـلـهـا مـــد لـهـمـه
قضيتها بالحب والشوق رحال=شوقٍ تحدا كل ياسا وهمه
وبعد الثمان اللي تعبهـا بـرى الحـال=جــاب الـزمـان الكـارثـه والمطـمـه
جانـي ولدهـا مبتسـم بيـن الاطفـال=ومن بسمته ذكرت انـا بسمـة امـه
شفته وصاحت داخلي كل الامال=صوتٍ عجزت بكتم الانفاس المه
ساعة حضنته والطفل في يدي مال=شميت ريحتهـا علـى اطـراف كمـه
وستلهمت نفسي مقادير الاهوال= وتم الضياع واكدت لي متمه
واليوم بنت الناس في بيت رجال= وحب على غير الشرف لـي مذمـه
برجع غريبٍ سكته ير ورمال=يموت يحيا يندفن مايهمه
اخواني
عبد العزيز البلوي
بدر الألبد
اليكم القصيده الصحيحه وبنفس صياغة شاعرها لها وبنفس العنوان الذي نشرت به وبأسم صاحبها لحقيقي
___________________
غابت
ثمان
سنين
_____
غـابت ثـمـان سـنـيـن حـلٍ وتـرحـال = غـابـت ثـمــانٍ كــلـهــا مــدلـهــمـــه
قـضـيـتـهـا بالـحـب والـشـوق رحــال = شـوقٍ تـحـدى كــل يــاسٍ وهـمـه
سـألـت عـنهـا سـنين وشهور وليال = ولا فـيــه فــجٍ غـيـر وجـــهـت يــمـــه
وعـقب الثمان اللـي تعبها بـرا الحال = جــاب الـزمـان الـكـارثـه والـمـطـمـه
جـانـي ولـدها مبـتسم بين الأطفال = ومن بـسمـته ذكرت أنا بسمة امــه
شـفتـه وصــاحات داخـلي كـل الأمـال = بصـوتٍ عـجزت بكتـم الأنفاس المـه
وركـضت له دمـعي على الخد همال = ومن كثر شوقي قمت بالحيل اظمه
ولحظة حضنته والطفل في يدي مال = شـمـيـت ريـحـتهـا على اطراف كمه
واستلهمت نفسي مقاديم الأهـوال = وتــم الـضــيـاع واكــدت لــي مـتـمــه
ليـت الغياب اللي شغل غربتي طال = ولا دور الــعــاشق عـلـى حـرق دمـه
واليـوم بنـت النـاس فـي بيـت رجــال = وحبٍ عـلى غـيـر الشــرف لي مذمه
مـجبور اعـود واشتـكي كـل الأميــال = بـنـفـسٍ حـزيــنـه كـائـبـه مـسـتـهمه
بـرجــع غريـبٍ ســكتــه بــــر ورمـــال = يـمــوت : يـحــيـا : يـندفن : ما يهـمه
استاذي عايد السميري
احــــــــــــــــــسنت
وانا كنت اضن اني حافضها والكن اتضح العكس
اشكرك من كل قلبي على تصحيح اخطاء القصيده
دمت بخير
اشكركم اخواني على التعقيب وتعديل القصيده وتصحيحها
انا لم اعرف الشاعر ونقلتها مثل ما وجدتها باحد المنتديات
وشكرا
ـــــــــــــــــــــــــــــــــــ
احمد عبدالله البلوي