السلام عليكم ورحمة الله وبركاته
اسعد الله جميع اوقاتكم بكل خير
في نفس الاتجاه إليكم اليكم
ارجو ان تكسب بعض من رضاكم
وتصل
.
.
.
يـطــول الـسهـــر والــعـــيـــن لو تــســســتــلـــذ إنـــــعــــــاس=يـــــــديـــــــن الــــقـــــلـــــق عــــن مــــعْـــــســــل الـــــنــــوم تــمـــنـــعـــهـــا
وأنا كيف أنام ..؟ وبالي مكدره هوجاس..=مــــن الـعـصــر .. روحي طــــاري الــهـــم مـوجـعـهــا
عـُـيــون الأمــــل .. فـيــهــا الـمــســا حـــــط أصــابـــع يـــــاس=والأوضــاع كـــيــــف انـــظــــر وأركـــــــز وأراجــعــهـــا ...؟
لو الفكر سبحة ينقطع حبلها الحساس=مــا بين الـطـواري ..من كثر ما تـــنـــازعـــهـــا
وأبـــــــي قـــبْــــل أحـــــــس إنــي يـــبــــاس إســتــحـــق الــــفــــاس=أخّـــص الحــروف الــمـــورقـــه .. وأقــــطــــف أمــتــعــهـــا
مــــن الـضـيــق ابــــا اجــنــي كــــل مــــا يــطــرب الــجـــلاس=وانا .. لا معشم نفسي ولا مطمعها
احط أعمق من البحْر والطف من النسناس=على باب ... صح لسانك .. الله ما اروعها
أعيش القصيد إحساس وأكثر من الأحساس=محطه ما بين أوهام نفسي وواقعها
ومع الضيقه .. ألـبــكــر الـجـزيـلــه .. قوية باس=من عنادها ما كل شاعر يـــطــوعــهـــا..!
لها اجلس على أطراف السهر واقصر الأنفاس=واهوجس بمضمون المعاني ومطلعها
اشيل الــقــلــم وارميـه .. ما المس به الــكــــراس=وأشيلـه .. واعـبي كم صـفحـــه وأقــطّــعـــهـــا...!
والادراك.. كثر الهم .. وســـــــواســه الــــخـــــنّـــــاس=من أسبابه الأبيات كني وانا أبدعها ..
أجيب الــــشــــوارد مـن ســمـــاهـــا .. يــطـــيـــر الــراس=يجي راسي .. إتــــطــــيــــر الـشــوارد وأضـــيـــّعـــهـــا..!
ضياع .. اوجد الدهشه ولا خالف المقياس=أخذ خارج المنطق مساحه وولعها
لو أجدد أفكاري .. من يجدد الحـراس..؟=عشان الرساله ما تورط موقعها
هي الفضفضه لو أختصرها مـا بين أقــــواس=أقــول إن .. أهـم همومي اكبر دوافــعهـــا
انـا اخــــاف مع طــــول الــزمـــن واخــتـــلاف الـناس=عدو الثوابـت .. في برودة يميعها
أصيـــر بـــمــــقــــام الــلــــي عــلى دكــة الإفـــلاس=بـــســـط بـالـحــلــي وأغـــلى الجــواهـــر يـبـيّـعــهــا ..
دروب الـتــعــب .. ما جاب لــي عـلـمــهــا عـــسّـــاس ..!=وطــاهـــا الـقــدم غــصــبــن عــلــيــه .. ومـــشـــا مــعــهــا ..
تحد الحوايج نابها المـــــوغـــــل الدســاس=وتكبر بصدر اللي تسوقه ويدفعها
زمان .. اعتبر بيض النوايا هي الــنبـراس=أثرها ..هي أسباب الـــمـــشـــاكــــل ومــنــبعهـا ..!
أدوّر بميدان المكـــارم ســـبـــاق وكـــاس=وكلن مقيّد سابقه في مراتعها ...!!
واروح اسأل المضمار عن راعي النوماس ..؟=لكن الأجابه .. نظرت العين تقنعها
ولـــو قـلــت ويـــن الـطـيـب .. يـــا طـيـبـيـن الــســاس ..؟=تـــهـب الــردود أســــرع من الريح واسمعها
تعارض ..تؤيد ..تحتلف .. تتفق .. تحتاس=وكـــل الكــلام .. شـقـوقـــــه ..بــمثلــه أرقـــــعـــــهـــــا
وإذا قــــيــــل لـي عــــنــــد الــبـــحـــر يــــكــــذب الـــغـــطـــاس..=أقـــــول ... أقــســـم إنـــــي نـبــتــة الــعـــز مـــــا أقـلـعـهــا...!
.
.
.
تحياتي
