اخاف ابو هيثم يقرا الموضوع
. 7
7
7
اللاب توب جهاز جميل سهل الحمل سريع التحميل
7
7
حركات تمويه عشان أبو هيثم لا يقرا الموضوع
أبكتب لكم اليوم عن موقف قديم عن أيام أول مره نسافر في العطله
هاذي الله يسلمكم عائلتنا المتعصبييين على أيش>>>>>>>>>>>>ما أدري نوو أو نوا أو خليني أجيب المضارع حقها ينوون ما عليه لا تواخذوني ما أعرف أكتب الاملاء العربي وش أسوي الخوال من لندن :D نوو يسافرون بعد محاولة دامت طعشر سنة بالزبط ..
انا من الفرحة ما عرفت وش أجهز بالشنطة رحت حطيت كل شئ قدامي<< بنقعد كل العطلة
حطيت الميداليه اللي فزت بها في سباق المارثون اللي يبدى من دوار خالد الين الصالحيه وطلعت فيه مايحضرني الان المركز بس اللي يحضرني أن هم صفقولي وأعطوني الميداليه المهم زبطت قشي وعفشي حقت الحر والبرد>> يمكن يتغير الجو إذا طولنا هناك>>>>>>>>>>>هناك ما ادري وين أهناك
لاتلوموني اول مره اسافر والله اني انرحم!
عاد انا الله يسلمكم جهزت عفشي كله وأستانست وابتسامتي واصله من اذني هاذي لهاذي يوم طلعت لأهلي لقيت كل واحد مجهز له أربع شنط المهم في عائلتنا نظام ينص على كل نهاية اسبوع أجتماع لمجلس العايلة
..
وينص على ان هناك اجتماع في الحالات الطارئة<< شكل الوالد ما خذ دوره في الدفاع المدني..
وبعد ماجهزنا العفش جانا ابو هيثم أسم الدلع للوالد عشان لو قرا الموضوع ما يعرفني )..وأطلق صفيرة الاجتماع ..وبسرعة البرق صفينا طابور ..
قال : بكره مع وطة الطير >>>>>>>>> الفجرقصده ألقاكم مدخلين العفش في الجمس<<عاد ذا الجمس ألي يسمعه يقول 2006 حدنا(فرعون)ويخب علينا >> الجمس حق الارهابيين ..
أشرقت شمس يومن جديد وانا مواصل ماعرفت انام ويالدلوخ الي معي ,,يسألوني وين بنروح ترانا ماندري وين نبغى انروح على بال أبو هيثم بيسوي مفاجئة..
والعفش دخلناه كله بالجمس << سوينا انجاز!!
يوم قام أبو هيثم أنواع الصراخ والملاعن والخبط والخبيط علشان الوالده يابعد الدنيا ماجهزت شنطته..من فرحتها نسيته
وراحت تجهز الشنطة وقام يقولها حطي لي ثوبين وسرواليين وفنيلتين .
أنا....جتني صدمة نفسية قوية جرحت مشاعري الداخلية..بس ثوبين والثوب الي لابسه صاروا ثلاث يعني السفره ما هي مطوله .عادي متعود على هالمفاجئات.من أبو هيثم
رحت بشرت خييني وقاموا يسوون أستعراضات الموسم >> سيرك عالمي في الحوش..
يوم جا وقت الروحه ..ماعرفنا نركب ..؟؟ >>>
العفش ماقصر..ماخلى مكان فاضي ..<< انا داري من يوم ما خليتهم يدخلون العفش وان السالفه خربانه..
رحت سويت خطه !!
أولن:يقوم ااخواني الدقدق الصغير بتصريف ابو هيثم بحمام السطح ووين بيحطونه ومن وين بياكل هالحمام ..
ثانين:يقوم الاخرين بتنزيل العفش واعادة صنعه وترتيبه ويحاولون يخلونه (يشمر (العفش)
..
.....ركبنا الهمر وقرينا دعاء السفر...
وبعد ست ساعات على طوووول انا واخواني نمنا اول مره نقعد في السياره هالمده ومدري وشلون قمت الا ابوي لاف خرقه لونها أبيض وما لبس فنيلته..ياعيباه..
وتذكرت الحج..>> أثرنا بنروح لمكة ..بس تونا على الحج.. حنا في شهر اربع >>>>>>>>أكيد بنعتمر<< لا والله
الا القى الوالد صافطن هالجمس على جنب ويقول للوالده يللا انزلوا لا اله الا الله الاولاد معي والبنات معك .......... والله
دخلنا الميقات..والله انه شي
..
..لييييين وصلنا الحمامات(الله يكرمكم)..دخلت الاأنواع الناس اللي يغسل.ملابسه واللي يروش ورعانه .
المهم خلصنا ومشينا لمكة ويوم وصلنا حسيت بشعور غريب كني ...مدري وشلون اوصف شعوري..
ودخلنا في أعماق مكة..وقام ابو هيثم يعطي التعليمات..وانا مولازم اسمع لاني اكبرهم وعارف كل شي..
قمت قلت لأبوي عندي خطة جهنميه تخلينا نعتمر بسهولة بدون ما نتعب بهالورعان ..ابوي اعطينا خطتك يا الفيلسوف ..أنا:أولن لازم نلقى شقة..
ثم ننقسم قسمين اول قسم أبوي والشباب وثاني قسم أمي والصبايا راح ابوي يدور شقة وبعد ساعة جا وقال يالله كل واحد يشيل معه عفش لقينا شقه في التوحيد انتركورنتانتال ورحنا لشقه وعينا خير..
انا بديت انفذ الخطة رحت قلت للقسم الاول روحوا اعتمروا والقسم الثاني يقعد عند البزارين ..بعد مارجعوا القسم الاول ..
رحنا القسم الثاني للعمره والقسم الاول عند البزارين <<الخطة معقدة شوي..الله من التعقيد
رحت انا والوالده واثنين من اخواني ..دخلنا الحرم ..ياسلااااااااام شي ..وجمعنا النعال في كيس ونتناوب على شيلتها..<< تقل زولات..
رحنا سعيناحول الكعبة مابقا عربية ما دهكت رجلي ......
ورحنا نطوف بين الصفا والمروه ويوم جا الشوط الرابع خلاص ما اقدر اكمل بأفدي فديه << متأثربدرس بالفقه
امي:مابقا الا عشر اشواط ..
انا:0000000لا لا من يقول يا الحبيبه ! ! :o بقى ثلاثة 7-4=3...
أمي :لا كل روحه ورجعه شوط ..
انا:لا لا..خلينا نتاكد من الناس ..
والحمد لله ظهر الحق وزهق الباطل ..صار صح علي..<< اجل تخليني الوالده اطوف أربع طعشر مره..
وبعد كذا وصلنا عند المروه ..وانا اخر وحدخلصت وابغى اقول يااللا مشينا..وتوني بالحقها الا جاء واحد من التكارنه
ويبي لله ما خلصت منه الا ويتكاثروا علي الشحادين اللي في الحرم كله وانا
التفت علشان ألحق الاهل ما حولي احد منهم ..
رحت ادور يمين يسار فوق تحت مالقيتهم..وانادي ولاحياة لمن تنادي ..أنا:خلااااااااااااص ضعت .. وفكرت اروح للشقة مع اني ماادلها بس نعالي معهم ..وشلون اروح؟
ياربييييييه وش اسوي..قلت مافيه الا حل واحد اكلم ابوي يجي ينقذني
ورحت أسأل الناس:ممكن جوال ..وذا الناس مامعهم جوالات اماعاد ذا االنصبه وان ادور لقيت لي شاب كاشخ وباين عليه ولد نعمه سألته ممكن الجوال دقيقه وقال :واللهي دحينه جوالي مافيه رصيد ياحبيبي ..أنا:يعني لوفيه رصيد بتعطينياه..ورحت ادور ولقيت مطوع وياعياله وقلت ذا المطوع ما راح يبخل علي
بيعطيني جواله,الا حرمته معه وقالت مامعه جوال ..
انا:خلاااااااااص قفلت معي رحت وقلت بروح للأمن ورحت ادور لما لقيت شرطي ويوم شفته يخوف ومعه جهاز يبربر فيه . .تركته ومشيت لقيت شباب متجمعين ومعهم جوالات فرحت
ورحت لهم لقيت الولد الكاشخ صار صديقهم وقال انت اللي قبل شوي قلت أيه قال.. ترى جوالاتهم مافيها رصيد..انا فهمت السالفة وقلت الله لايحوجني لكم
وانا ماشي لقيت شايب مصري قلت في نفسي اكيد مامعه جوال بس بروح له يواسيني <<لا يا شيخ ويوم وصلت له قلت له ممكن تساعدني قال أه وماله تفدل يا حبيبي ..انا:شكرن..بصراحة انا امضيع اهلي ورحمني وقال :الله..فين ببااك ؟..انا لو اعرف ما جيتك قال عارف رأم أهلك؟..انا:ايه بس وين اكلمهم ؟..قال معايا قوال بس مفيش فيه الا ريال والله العزيم..
انا:عطني بادق دقه بس وهو الي بيكلم..وبأعطيك الي تبغى قال :اوكيه,ألاببااك بيشتغل ايه..انا استغليت الموقف قلت يشتغل وزير الطيران ..
قال مشاء الله.... و الله اكبر .خود يا بني كلمه ..ودقيت دقه وسكرت..وبعد شوي دق وانا من التعب تقل صوتي صابته نعومه وتغير على الوالد ورديت عليه ..اهلين ..هو:هلاوالله وغلا..انا اكيد غلطان بالرقم مهو ذا الوالد ..
قلت له: انت ابو هيثم ..قال ايه يابعد عمري ..انا:هلايبه ..راح قفل في وجهي..دقيت مره ثانية وبعد خمس دقايق دق وقعدت اصيح وانا اقوله وينكم فيه ؟
قال:تعال عند باب الملك فهد تلقاني عنده ..وتوني باروح مسكني المصري وقال ممكن تساعدني
انا:في ايه؟<< قلبت مصري
قالوالله انا عاوز اقيب ابني من مصر..انا تورطت ....اصبر بروح اجيب لك زمزم واجي ..وبعدها فحطت ورحت لأبوي ..
ويوم وصلت لأبوي احسبه بيحضني راح مسكني مع كشتي للشقه ولاعاد اطلع منها ..
وقعدنا ثلاث ايام ورجعنا
وبس وسلامتكم
الى لقاء قريب في رحله أخرى مع أخوكم أوسكار
