و هذي تبوك بعودة الجيش تزدان .( ترحيب بدروع الوطن )

السلام عليكم و رحمة الله وبركاته
احبتي ..عذرا ً على الانقطاع
و هذه للتواصل ترحيبية بدروع الوطن

ابدا بذكر الله علام الاكوان=الواحد المعبود منشي المخيلة
اللي نصر جنده على كل خوّان=رب العباد وكلنا نلتجي له
و يا مرحبا مليون من قلب ولسان=بحماة دين الله و من ينتمي له
افعالكم يشهد لها حد جيزان= و سجل بها التاريخ صفحة جميلة
بقرية الخوبة و في ضلع دخان=كلٍ على الأعداء مولع فتيله
و بالجابري يا ابطالنا فعلكم بان=خليتم الحوثي يضيع دليله
عدوكم من فعلكم دوم ينهان=أما بوجه لوجه والا بحيله
تمشون بحكم الرب مع قوّ الايمان=و قدامكم ماتصعب المستحيلة
و هذي رسالة للعدو وين ماكان= لا غره الشيطان واخطى دليله
بقيادة اللي لا فعل ضام عدوان=خالد ولد سلطان مزبن دخيله
قايد يكيد اعداه في كل الازمان= و عند اللقا بالحرب يخسر قبيله
وقت الرخا مده كما غيث هتان=يروي فجاج الأرض لو هي محيله
و أرواحنا ترخص فدى خير الأديان= منهاج خير الخلق مافيه ميله
و من دون عبدالله و من دون سلطان= و من دون نايف ماحسبنا الحصيلة
نزرع اجساد جبال من دون الاوطان= و ثراه لانادى نفز و نجي له
و هذي تبوك بعودة الجيش تزدان = تنثر عبيق الورد وسط الخميلة
بأميرها فهد سلايل كحيلان=كل الامور الكايدة تنحني له
و بقيادة العمري لواء زايد اركان=عبدالله الصالح فعوله جليله
واللي تسجل له على المجد عنوان= ذاك الشهيد اللي سعى للفضيله
ادعوا معي يارب يا عالم الشان=تجعل مقره بالجنان الظليلة
و ختامها صلوا على نسل عدنان=اللي طريق الحق نوّر سبيله

.................................................. ...............

بيض الله وجهك

و

كلمة حق قصيده جزله بكل ماتعنيه هذه الكلمه من معنى

واتشرف أن اكون اول من يصافح هذا الابداع




سلمت وصح لسانكـ

يستاهلون الابطال ..

وصح لسانك ولاهنت ,,

ولك خالص ودي

صح لسانك يا ابو خالد على هذه القصيدة الشامخه

ونحمد الله على عودة جيوشنا منتصرة

اقتباس:

---

المشاركة الأصلية كتبت بواسطة عايد السميري

بيض الله وجهك

و

كلمة حق قصيده جزله بكل ماتعنيه هذه الكلمه من معنى

واتشرف أن اكون اول من يصافح هذا الابداع




سلمت وصح لسانكـ

---

الأخ الناقد والشاعر الكبير \ عايد السميري
شرف كبير لي ان تكون اول من يصافح هذا النص
صح بدنك ولا هنت على هذا الحضور الطيب

لك خالص شكري و تقديري


\\\\\\\\\\\\\\\\

اقتباس:

---

المشاركة الأصلية كتبت بواسطة سعود السحيمي

يستاهلون الابطال ..

وصح لسانك ولاهنت ,,

ولك خالص ودي

---

صح بدنك ولا تهون يالغالي
تقبل خالص شكري و تقديري


\\\\\\\\\\\\\\\\

اقتباس:

---

المشاركة الأصلية كتبت بواسطة فالح عايض السميري

صح لسانك يا ابو خالد على هذه القصيدة الشامخه

ونحمد الله على عودة جيوشنا منتصرة

---

صح بدنك يا ابو عمـر
و ماتقوله وسام أفتخر فيه
تقبل خالص شكري و تقديري


\\\\\\\\\\\\\\\\

اللهم صلي وسلم على سيدنا محمد وعلى آله وصحبه أجمعين

صح لسانك قصيده وافيه من شاعر وافي وجزل

ويستاهل المدح رجال الفعل اليوم

صح لسانك ويستاهلون الابطال هذا ليس غريب علي ابناء هذا الوطن المعطي وصح لسانك ياسلامة سلمك الله من كل مكروه

صح لسانك ويستاهلو

اقتباس:

---

المشاركة الأصلية كتبت بواسطة طلال بن شليويح البلوي

اللهم صلي وسلم على سيدنا محمد وعلى آله وصحبه أجمعين

صح لسانك قصيده وافيه من شاعر وافي وجزل

ويستاهل المدح رجال الفعل اليوم

---

صح بدنك يالغالي
لا هنت على المرور
تقبل خالص شكري و تقديري


......................

اقتباس:

---

المشاركة الأصلية كتبت بواسطة ابوبدر عبدالله السرحاني

صح لسانك ويستاهلون الابطال هذا ليس غريب علي ابناء هذا الوطن المعطي وصح لسانك ياسلامة سلمك الله من كل مكروه

---

[b]

صح بدنك يالغالي
لا هنت على المرور
تقبل خالص شكري و تقديري


......................

[/b

اقتباس:

---

المشاركة الأصلية كتبت بواسطة فهيد بن صالح الحمري

صح لسانك ويستاهلو

---

[b]

صح بدنك يالغالي
و شكرا على المرور

تقبل خالص شكري و تقديري


......................

[/b