أقسى خبر عم الوطن يوم الاثنين "" موت الزعيم اللي وفاتـه فجيعـه
اللي تهادت لجلهم دمعـة العيـن "" قايد حكم دار الفخـر بالشريعـه
مرحوم يامن عاش خـادم لبيتيـن "" ماكان فعله سـر نخشـى نذيعـه
من عام ألف واربع اميات واثنيـن "" والمملكه في وقت دايـم ربيعـه
بنى وطور بنيـة المملكـه ليـن "" صارت بـلاده دايمـاً بالطليعـه
عاشت بلاده في رغد عيش عقدين "" واربع سنين وهـي ديـارٍ منيعـه
عطفه شمل ناسٍ بعديـن وادنيـن "" حتى كبير السن وايضاً رضيعـه
من قبل حكمه وين واليوم هي وين "" في ظل حكم الفهد صارت رفيعه
واليوم عبدالله حكم زين في زيـن "" طيبه كسى كل الديـار الوسيعـه
ونبايعـه قايـد وطـنـا بيـديـن "" فوق المصاحف والعهد مانضيعـه
ياشيخ أبو متعب ترى حبكم ديـن "" بقلوبنـا والامـر منكـم نطيعـه
ويبقى علم أخضر ونخله وسيفين "" ويبقـى غـلا حكامنـا مانبيعـه
الشاعر صالح سليمان العرادي البلوي
صـــــــــح لسانك
قصيدة معبرة جدا بحق فقيد الامتين العربية والاسلامية خادم الحرمين الشريفين المغفور له
الملك فهد ابن عبدالعزيز ال سعود ......
يعطيك العافيه ومشكور اخي سلمان العرادي
تحياتي
