عندما تُهظم حقوق الناس ، وتستغل وتتجاهل حقوقهم !

السلام عليكم ورحمة الله وبركاته


بالحقيقة ماكان ودي يكون رجعتي بعد فتره غياب عن المنتدى الطويله ، افتتحه بهذا الموضوع ولكن الإنسان اذا تحده الظروف على فعل شيء ماراح يتراجع عنه
أنا عندي مشكلة في وضع احد الشركات بمنطقة الرياض ، واني عملت معهم حوالي 3 شهور
طبعاً خلال الفتره هذي اتفقت مع مدير قسم الدعاية والاعلام " محمد بن ناشر " أبو سعود وكان هو المدير المسؤول عن هذا القسم
طبعاً كنت معه في المكتب وكنت بالبداية استقبل المكالمات الواردة بخصوص ترتيب بعض اللقاءات وكان وقتها فيه مؤتمر للأمير نايف بن عبدالعزيز آل سعود
وكانت في ذيك اللحظة الاتصالات لم تسكت ، لدرجة وصلني ضغط مايعلم به الا الله سبحانه
فكان اتفاقه معي أبدأ على راتب وقدره ( 2000 ريال ) حتى لفتره 3 شهور وبعدها يتحسن الراتب على حسب ادائي وشغلي واتقاني بالعمل
والحمدالله قمت بالواجب ولا قصرت ، وبعد ذلك وكلني بالاشراف وادارة الموقع الخاص للشركة واشتغلت عليه تقريباً اسبوع على تحسين وتنظيم الموقع ومحتوياته

عدت الـ ثلاث أشهر وبدون ان احصل على ريال واحد ، حصلت على مبلغ وزي ما يقولوا كان مبلغ عباره عن مجهود يومي وكان 400 ريال فقط !
تخيلوا حسست اني شغال بنظام يومي وكأني أطلب شحده ماليه منهم ، وكان للأسف لم يراعي حقوقنا نحن كموظفين تحت ادارته ومسؤوليته
وكان يتجاهل طلباتنا بخصوص الراتب والحقوق المستحقه ، لدرجة وصلت ان بعض الموظفين زجروا وبعضهم استقال وبعضهم طلب يستلم حقوقه ويترك الشركة

يعني شركة كبيره راس مالها بـ 60,000,000 ريال سعودي ، معقول ماعندها توفير لرواتب موظفيها ؟

المهم ويشهد علي ربي الى يومكم هذا لم احصل على ريال واحد منهم ، انهضمت حقوقنا بشكل غير طبيعي ، اللي يشوفنا يقول واقفين عند باب بيته ونطلب سلفيه ولا شحاده
كلمت احد الاخوان هنا بالمنتدى ، وكتب موضوع عن شخص يخدم ولا يقصر مع احد فكلمته عن الموضوع عبر الرسائل الخاصة ، لكن للأسف والله كالعاده وجدت التجاهل منه وعدم الرد
يعني والله شيء يقهر ويغبن من جد ، انا ما همتني الفلوس على فكره لكن يتجاهلوني ويستحقرون تواصلي ومراسلاتي لهم ليش ؟
يعني تخيلوا ارسلت لهم فاكس شخصي لرئيس الشركة ، وللأسف ولا عبروني ولا فكروا يسألوا ...


لكن ماراح اسامحهم لأن مو بس انا اللي انهضمت حقوقه فيه اشخاص غيري كثر
وان شاءالله تكون في مالهم وحلالهم ، وربي لا يسامحهم !!!

اغلب الشركات على هذا النهج

وصدقني الله مايضيع لك حق ,,

الله ييسر لك امورك ..

الله يكون بعونكـ

اخوي بامكانكـ تقديم شكوى عليهم

بمكتب العمــل ..

لانه مثل هالشركات تستفيد من نسبة السعودة

ليتاح لها المجال بإستقدام وافدين اجانب ...

اهم شي بأنه فيه عقد وظيفي بينك وبين الشركة وانك مسجل بمكتب العمل

وبنظام التأمينات الاجتماعية

وإذا ماوجد هالعقد بقول لك من الحين ريح بالكـ

وماراح تاخذ حق منهم ..

اقتباس:

---

المشاركة الأصلية كتبت بواسطة سعود السحيمي

اغلب الشركات على هذا النهج

وصدقني الله مايضيع لك حق ,,

الله ييسر لك امورك ..

---

تسلم اخووي سعود ماتقصر
وان شاءالله ربي يجزاي كل من أكل حقوق الناس

اقتباس:

---

المشاركة الأصلية كتبت بواسطة سعود السرحاني

الله يكون بعونكـ

اخوي بامكانكـ تقديم شكوى عليهم

بمكتب العمــل ..

لانه مثل هالشركات تستفيد من نسبة السعودة

ليتاح لها المجال بإستقدام وافدين اجانب ...

اهم شي بأنه فيه عقد وظيفي بينك وبين الشركة وانك مسجل بمكتب العمل

وبنظام التأمينات الاجتماعية

وإذا ماوجد هالعقد بقول لك من الحين ريح بالكـ

وماراح تاخذ حق منهم ..

---

للأسف اخووي سعود لا يوجد عقد بيننا ، لأن المده المطلوبة لكتابة العقد لازم انتظم معهم 5 شهور
لكن يكفي دعوة و ربي مايخيب رجائي به ، يمهل ولا يهمل ..

يعطيك العافية

أولا ـ اكتب نص الشكوى التي تريدن ارسالها .

ثانياـ اتصل على الرقم (969)
ثالثاً ـ سيطلب منك الموظف الجهة المراد الارسال إليها وقراء الشكوى بتمهل
رابعاًـ ستحصلي على رقم البرقية للمراجعة.
مع ملاحظه ان يكون الهاتف باسمك

اي شخص بالدولة ستجدها في مكتبة خلال يوم عمل واحد

اما بالنسبة لموضوعك هي عملية تخطية وستجد اسمك من العاملين بالشركة حتي لو لم تكن موجود

والله شئ يقهر صدقني ان الحق يغبن ولو ريال اذا اخذها دون حق

الله يعينك اخوي

والله مدري وش اقولك حاس فيك

مثل الجمرة على القلب
الله لايوفق هذه الأشكال لا بدنياهم ولا أخرتهم
المصيبة تحصل اغلبهم مخلفات ورافع خشمة يازين من دحسها بالتراب

اخوي المطنوخ

تحملني شوي بوضح لك طريقة مناسبة معـاكـ

الشركات اغلبها ثلاث شهور تحت التجربة وهذا شي معروف

اغلب الشركات خلال فترة الثلاث شهور تعطيك الراتب الاساسي بدون بدلات ..

وتضيف بدلات هالثلاث شهور مع راتب الشهر الرابع .. وهذا بالنظام موجود

الشركة توظف السعودي ليس حباً فيه ومقارنتن بالراتب اللي معطينكـ

واضح بأنه مثل ماذكرت يبون يحققون نسبة السعودة في مكتب العمل والعمال

ليتسنى لهم إستقدام وافدين .. لانه بالنظام كل 10 وافدين مقابله توظيف سعودي

طبعاً على حسب تصنيف الشركة اللي انت فيها ..

الاهم

وهو

هل تم تسجيلك بمكتب العمل والعمـال أم لا ؟؟

واعتقد بأنه مسجلينك بمكتب العمل لانه بالغالب بعض المعاملات توقف بسبب عدم

تحقيق نسبة السعودة .. ولايتم التسجيل الا بعد مايأخذ صورة من العقد المبرم بين

الشركة أو المؤسسة والموظف واذا مسجلينك بمكتب العمل ( فهم موقعينه بدالك )

تبي تتأكد مر على مكتب العمل واسحب برنت لك برقم الهوية تبعك تظهر لك

إذا تم اضافتك ام لا

واذا مضاف احتفظ بالبرنت واذهب للتأمينات الاجتماعية واسحب برنت بعد إذا مضاف

قدمها مع خطاب شكوى ضد الشركة لمكتب العمل والعمال ( إدارة التوظيف ) بأنه

لم تتسلم مستحقاتكـ ( إذا استطعت سحب كشف الحضور والانصراف ) بتكون حجتك أقوى

وصدقني بتجيك الشركة تترجاك تسحب الشكوى وبتعطيك اللي تبي ..

لانه مثل حالتك كثيرين من اللي اعرفهم مرت عليهم هكذا وطبقو هالطريقة واخذو حقهم ..

الله يكون بعونك أخوي

اقتباس:

---

المشاركة الأصلية كتبت بواسطة حماد سعد السحيمي

أولا ـ اكتب نص الشكوى التي تريدن ارسالها .

ثانياـ اتصل على الرقم (969)
ثالثاً ـ سيطلب منك الموظف الجهة المراد الارسال إليها وقراء الشكوى بتمهل
رابعاًـ ستحصلي على رقم البرقية للمراجعة.
مع ملاحظه ان يكون الهاتف باسمك

اي شخص بالدولة ستجدها في مكتبة خلال يوم عمل واحد

اما بالنسبة لموضوعك هي عملية تخطية وستجد اسمك من العاملين بالشركة حتي لو لم تكن موجود

---

والله ياخوي مدري وش اقولك ، لكن فكرتك حلوه وان شاءالله غير اطبقها بإذن الله تعالى
لكن هل يلزم ان الهاتف المتصل منه يكون بإسمي ظروري ؟

اقتباس:

---

المشاركة الأصلية كتبت بواسطة ابوهيثم العرادي

والله شئ يقهر صدقني ان الحق يغبن ولو ريال اذا اخذها دون حق

الله يعينك اخوي

والله مدري وش اقولك حاس فيك

مثل الجمرة على القلب
الله لايوفق هذه الأشكال لا بدنياهم ولا أخرتهم
المصيبة تحصل اغلبهم مخلفات ورافع خشمة يازين من دحسها بالتراب

---

الله يهديهم بس ..
والمشكلة والله اغلب تعاملاتهم مع بعض الأمراء والشيوخ ، يعني من جد شيء عيب عليهم يسوون كذا
لكن الله المستعان وان شاءالله ماراح اسكت عن المهزله هذي ، معي تقريباً 7 موظفين نفس الحالة
والبعض منهم يطلبهم حقوقه المستحقه قرابه 27,000 ريال سعودي ..

اقتباس:

---

المشاركة الأصلية كتبت بواسطة سعود السرحاني

اخوي المطنوخ

تحملني شوي بوضح لك طريقة مناسبة معـاكـ

الشركات اغلبها ثلاث شهور تحت التجربة وهذا شي معروف

اغلب الشركات خلال فترة الثلاث شهور تعطيك الراتب الاساسي بدون بدلات ..

وتضيف بدلات هالثلاث شهور مع راتب الشهر الرابع .. وهذا بالنظام موجود

الشركة توظف السعودي ليس حباً فيه ومقارنتن بالراتب اللي معطينكـ

واضح بأنه مثل ماذكرت يبون يحققون نسبة السعودة في مكتب العمل والعمال

ليتسنى لهم إستقدام وافدين .. لانه بالنظام كل 10 وافدين مقابله توظيف سعودي

طبعاً على حسب تصنيف الشركة اللي انت فيها ..

الاهم

وهو

هل تم تسجيلك بمكتب العمل والعمـال أم لا ؟؟

واعتقد بأنه مسجلينك بمكتب العمل لانه بالغالب بعض المعاملات توقف بسبب عدم

تحقيق نسبة السعودة .. ولايتم التسجيل الا بعد مايأخذ صورة من العقد المبرم بين

الشركة أو المؤسسة والموظف واذا مسجلينك بمكتب العمل ( فهم موقعينه بدالك )

تبي تتأكد مر على مكتب العمل واسحب برنت لك برقم الهوية تبعك تظهر لك

إذا تم اضافتك ام لا

واذا مضاف احتفظ بالبرنت واذهب للتأمينات الاجتماعية واسحب برنت بعد إذا مضاف

قدمها مع خطاب شكوى ضد الشركة لمكتب العمل والعمال ( إدارة التوظيف ) بأنه

لم تتسلم مستحقاتكـ ( إذا استطعت سحب كشف الحضور والانصراف ) بتكون حجتك أقوى

وصدقني بتجيك الشركة تترجاك تسحب الشكوى وبتعطيك اللي تبي ..

لانه مثل حالتك كثيرين من اللي اعرفهم مرت عليهم هكذا وطبقو هالطريقة واخذو حقهم ..

الله يكون بعونك أخوي

---

والله كلامك عين العقل ، وبصراحة ماجاء على بالي اسوي هالشيء ولا فكرت فيه
لكن ان شاءالله من بكره محظر على مكتب الـ هـ مـل واسوي زي ماتفضلت فيه

الله يعطيكم العافية وما قصرتوا .. والموضوع اعتبروه تحذير من بعض الشركات مهما كانت سمعتها
وكان ودي افضح فيهم وانزل اسم الشركة وبعض المعلومات عنها ، لكن كلمني احد الاخوه ونصحني ما اسوي كذا ..

يواجه 40 شكوى في مكتب العمل

التحقيق مع مستثمر عربي يرفض صرف رواتب 60عاملاً

مريم الصغير ـ الرياض

اشتكى 60 عاملا في مصنع مملوك لمستثمر عربي من رفض المستثمر تسليمهم رواتبهم، وتلاعبه بقرارات اللجنة العمالية التابعة لوزارة العمل.
وقال لـ «عكـاظ» أحد العمال المتضررين من المستثمر، وهو من نفس جنسيته، «قدمت إلى المملكة بتاريخ24/7/2006م للعمل كمندوب مبيعات أنا وأكثر من 60عاملا في المصنع، وعند نهاية الشهر الأول لم نستلم رواتبنا فطالبنا بالراتب، لكن المستثمر رد على طلبنا بأنه لايعطي أي عامل راتبه إلابعد مرور ثلاثة أشهر، وبعد انتهاء المدة التي حددها بنفسه، فوجئنا بالمستثمر يأتي لنا ببعض الحجج الأخرى حتى أتممنا عشرة أشهر، أرهب خلالها العمال وهددهم إذا طالبوا برواتبهم مرة أخرى، وبالفعل نفذ تهديده وسجن بعض العمال، الذين لم يخرجهم من السجن إلا بعد أخذ توقيعاتهم -غصبا وكرها- على أنهم استلموا جميع مستحقاتهم». ويضيف العامل «ذهبت إلى المستثمر مطالبا براتبي، فما كان منه إلا أن قال لي بالحرف الواحد(أنا نصاب إش تقدر تعمل)، بعد ذلك توجهت إلى مكتب العمل مقدما شكوى لطلب مستحقاتي، كما تقدمت بشكوى إلى الإمارة، لكنني فوجئت بعد ذلك أن المستثمر أبلغ عن هروبي، بعد مرور 12 يوما على شكواي ولا أعلم كيف قام بالإبلاغ عن هروبي، وكان من المفترض أن يسلم جوازي إلى إدارة الوافدين ولكنه حتى الساعة لم يقم بتسليمه. سارت القضية في مجراها في مكتب العمل، وكان المستثمر يرسل معقبا لتأجيل القضية، إلى أن وجهت القضية إلى الهيئة الابتدائية للفصل في النزاعات العمالية التابعة لوزارة العمل،التي حكمت لصالحي- والكلام ما يزال للعامل الوافد-، فاستأنف المستثمر وإلى الآن والقضية منظورة، ولكن مكتب العمل أمر من 28 شهرا بنقل كفالتي، بناء على حكم الهيئة الابتدائية رغم وجود 12 أمرا بإلزام الكفيل بتسليم الجواز، لكن لم يحدث شيء.
ويضيف العامل «ذهبت إلى سفارة بلدي أكثر من خمس مرات وفي كل مرة كان المستشار العمالي في السفارة يقول لي (أنتم من نفس البلد وحلوا مشاكلكم مع بعضكم البعض).
ويتساءل العامل «ما يحيرني هو كيف يعصى المستثمر أمرا أكثر من 12 مرة وتقف إدارة الوافدين عاجزة عن إحضار الجواز».
وأكد العامل على وجود أكثر من 40 شكوى في مكتب العمل ضد هذا المستثمر، لكن المكتب لم يحرك ساكنا ضده.
«عكـاظ» واجهت المستثمر بما أثاره العامل لمعرفة رده على الشكوى،فقال: «إن هذا الكلام غير صحيح، وأن هذا العامل بالذات كان يريد نقل كفالته وعندما رفض نقل الكفالة أثار هذه الزوبعة، التي لا أساس لها من الصحة، وأن الشكاوى الموجودة في مكتب العمل شكاوى عادية تحصل في أي منشأة، والذي أسكتني عن هذا العامل أنه من نفس جنسيتي، لذلك لم أرد أن يكبر الموضوع ولا أريد ضرره».