السهـول :: للشـاعر / عبدالله بن محمود المعيقلي

بسم الله والصلاة والسلام على رسول الله
.
هذهـ القصيدهـ للشاعر : عبدالله بن محمود المعيقلي مهداهـ من خاله : عطالله بركة المعيقلي الى قبيلة السهول عامهـ والى المحلف من السهول خاصهـ وبالتحديد للشيخ جلعود بن لافي وإبنه : عبدالله بن جلعود لما لهم من الايادي البيضاء والوفاء وهي قليله بحقهم .
.

بديت باسمك يالمهيمن ذو الجلاله والكمال=يامن يجيب السائل المضطر ساعة يسأله
ما صك بابه دون عبده بالرجا والابتهال=قيّوم’ علّام الغيوب وما بوزن الخردله
ماله شريك بحكمه ولاله شبيهٍ بالجلآل=سبحان من يخلق بحكمه مايشاء ويكفله
واثني على المبعوث لإنقاذ العباد من الضلال=“محمد” اللي خصّه الله بالرساله وارسله
آمن بربّه وأمتثل شرعه على خير إمتثال=باب الفضيله فكّه وباب الرذيله قفّله
هذا وأمّا بعد : ياعيني تخيلين الخيال=امّا يظلك ظله المبروك والا وابله
إن سال ديوان العرب قبلي مع العربان سال=بلّل عروق الشعر واخضرّت نوامي سُنّبله
ولا يا هجوسٍ تَرفل بقلبي وادلّلها دلال=ذود امّهات الفكر جت يمّي تزرفل زرفله
لو هي من أول عن مرابعها يطقّقها الجفال=يبحل بها رجلاً يباريها على ظهر جمله
لاشك ذا الليله لزوم يطب اياديها العقال=تبطي وهي بمراح قارحة القصيد معقله
ثم القلم والبوك والمحبوك من عذب المقال=دعاني الداعي لعلمٍ غانم وقلت : ازهله
قال: “السهول” إلهم على خالك من الفعل العدال=ما يودع اكتافه بمدّات النشاما مثقله
قلت : ابشر بعزك ويا لبى كريمين السبال=اعذب قصيدي يردف اعجاز وينوء بكلكله
“سهول” والنعم يترادف من يمين ومن شمال=ماكنّه الا يتبع خطاهم سواة البوصله
“سهول” فيهم للوفا مذهب وللصاحب قبال=ذخر وفخر من لابـةٍ للي تقوله تفعله
قبيلةٍ من ولد عامر من مضر وامش وتعال=على بني عم النبي نعم النسب والمنزله
“حي السهول” اللي ليا حمي الوطيس من القتال=حريبها تقرا عليه القارعه و الزلزله
و”حي السهول” اللي ليا صكّة من الغبرا ليال=حليفها ما ياصله مكروه لو قدر أُنمله
اعمّهم بالنعم واخصّ “”محلف”” لان المجال=مجالها والطيب يقرن مع يمينّ تبذله
يا ناشد التاريخ خذ مني إجابه للسؤال=“آلآد مرصوع” بمواقيف الرجال مجمله
“الترك”من فعل “محلف” راحت كتايبها زوال=امست على “مجزل” طريحه بالفلاة مجندله
“اهل المتارس” واليمان اللي على البيضاء طوال=رجال تدحم باللوازيم وتحل المعضله
واخصّ “جلعود ابن لافي” ياعساه بطيب فال=عليه اسلّم والسلام ان قاله الله ياصله
سلام يا جلعود يابو سعود يا سمح الخصال=يا شيخ منه وفيه زينات الخصال مأصّله
ينساق له شعري وياخذ من معانيه الجزال=يفوح مسك وعنبر ويفداه عذبه واجمله
اللي يباشر زايره فنجال من صفر الدلال=عقبه يدسّم شاربه ماكنّه الا من هله
وسلام يا “عبدالله” وسلام ياباق العيال=-مافيهم العايل- وهم عز الرفيق ومدهله
والنعم والنعمين واكثر والرجال من الرجال=سلايلٍ من طيب أهاليها تجي متسلسله
وان جيت لآبو سعود وآبو نايف ابعطي مثال=خطو الولد وآبوه تفخر فيه زين الامثله
مثل الرشا لا حافه الحايف بزينات الحبال=يآرد على جمّة قليب الغانمين وينهله
والّا النخيل اللي عروقه بالثرا تشرب زلال=مجناه طيّب حاز طيب اعلاه مع طيب اسفله
جينات بين الاب وابنه في تتابع واتصال=الاجودي مثل النخل واللاش مثل الحنظله
هذا و”عبدالله” كما”جلعود” مافيها جدال=العود نشمي والولد ربّي على الخير جبله
نرفع لهم بيضاء على ديرة”بلي” في راس”رال”=الطيب يثمر طيب والمعروف محدٍ يجهله
وشعرٍ يمجّد فعلهم ماهوب من شعر الخيال=أنا عميله وأغرف من اليمّ واسوق اجزله
اكسيه ثوب الشكر واكسيه العمامه والعقال=هذا بعد ما اغربل حروف القصيده غربله
حتى تجي طرقا تفيض من المحاسن والجمال=تنثر جديلٍ -بارك الله- باليد اللي تجدله
الشعر لعيون”السهول” يزيد حبله بالوصال=وانا لعيناهم نظمت بيوتها مسترسله
لي الشرف يوم امدح الاجواد والآد الحلال=مدح الرجال الغانمين بحد ذاته مرجله
اختارني خالي وصال الشعر في راسي وجال=ينوز نوزة جيب كبسوله ليا اهتز دبله
كان البناخي ما يلبي لاعتزوا فيه الخوال=عساه لخلال ٍ يخلخل له عضامه خلخله
تمت بحمدالله وشكره ذو الجلاله والكمال=اللي يجيب السائل المضطر ساعة يسأله

عبدالله محمود المعيقلي البلوي

أكرم وانعم بالسهول يستاهلون هالقصيدة واكثر يعلم الله


رضا الجحرش


الله يطيب خاطرك يابعدي مثل ماطيبت خاطرنا بهالقصيدة الجزله


بحق شعر عبدالله محمود لايُمل


أطيب المُـنـى ،،

*

ونعم بالسهول .. ومن يفعل الطيب يستاهل المدح

رضا محمود المعيقلي

قبله على جبينك على إتحآفنا بهذه الشآمخه

وألف صح الله لسان عبدالله محمود المعيقلي

:)

الله يعافيك يا أبو سالم
.
وشهادة من مثلك تعد فخر
.
لاهنت على الحضور يالذيب
.

ثآمر ظميان
.
صح بدنك ولاهنت على حضورك
.
:)
.

عبد الله محمود : الكلام عن هذا الشاعر يطول ويطول

والإعجاب يتجدد دائماً


فــ / عبدالله شاعر حظوره مشرف لقبيلة بلي بكل تاكيد
ومن شعراء قبيلة بلي المحسوبين

وهذا الكلام ليس لإرضاء احد او مجامله لاحد أو ... أو

لا والله


هذا قول الحقيقه ( وراي شخص معجب ومتابع لهذا المبدع الذي يحق لقبيلة بلي أن تفتخر به )

وحقيقه : بالمنابر القبائليه يا إما حظور مثل هذا الحظور وإلا فلا .



رضاء / شكراً لكـ


والف الف نعم بقبيلة ( السهول ) وهم غنيين عن مدحي لهم

ولكن للإمانه يستحقون قولة نعم .


تحياتي

ونعم بالسهول ويستاهلون المذكورين والمخصوصين بالمدح
قصيده جزله ورائعه من شاعر جزل ورائع
يعطيك العافيه رضا على النقل والمتابعه
تحياتي

الخال رضا المعيقلي بيض الله وجهك يالغلا ..
وقصيده من شاعر جزل هو الشاعر / عبدالله المعيقلــي
ويستاهلون السهول .. من شاعر بلي عبدالله المعيقلــي ..

تقبل خالص تقديريـ

والله والنعم في قبيلة السهول والنعم بالشيخ جلعود بن لافي وإبنه : عبدالله بن جلعود وخالك يستهال الطيب

ماشاء الله تبارك الله

بكل امانه ان الاحرف والكلمات تقف عاجزه عن الثناء لمثل هذا الابداع وكيف لايكون ابداع والشاعر عبد الله محمود المعيقلي شاعرها

شعر ذكي

يوضف الكلمات والحكم في مكانه الصحيح فهذه لقصيده من النوع الفريد

رضا بارك الله فيك ولا تحرمنا جديدك

بيض الله وجه شاعرنا الكبير عبدالله على هذه القصيده الرائعة

ومن القلب لك الشكر يارضاء على تزويدنا بروائع هذا المبدع

( هذآ و أمآ بعد )
ملكيه خآصه تميّز بهآ / عبدالله محمود :)

صح لسآن الشآعر الأنيق / عبدالله
و كمآ قآل الأخ عآيد ( الحديث يطول و يطول عن عبدالله محمود )
و لآ نملك إلآ أن نقول بفخر و إعتزآز / أدآم الله شِعرك !

رضآ / لآ تبخل علينآ بقصآئد الشآعر العذب / عبدالله ..

لك جُل شكري !

ابولمار مهما كتبنا فيه لن نوفيه حقه

شاعر من الطراز الفريد

وشهادتي مجروحه فيه

.

الشاعر عبدالله محمود المعيقلي شاعر جزل واديب وحكيم

قصيده جزله فيها فيض من المعاني ومفردات وكلمات اناخت بباب هذا الشاعر

ولا أنعدت هذه القصيده الى في رجال تستحقها

والنعم فيهم


رضا سلمت ياغالي وبارك الله فيك

ونعم بالسهول .. ومن يفعل الطيب يستاهل المدح

رضا محمود المعيقلي

قبله على جبينك على إتحآفنا بهذه الشآمخه

وألف صح الله لسان عبدالله محمود المعيقلي

الأستاذ القدير : عايد السميري
.
المشرف حضورك القدير ..
.
وعبدالله محمود يبلغك تحياته وتقديرة ويشكرك على ليطف مشاعرك
.
ولك تحياتي وتقديري
.

ونعم فالسهــول وراع العلم الغانم يستاهل المدح

ماقول يارضا غير ماشالله تبارك الله قصيدة عبدالله هذه

جوهره من الافكار النيره ولاهي غريبه عليه

وتقبل مروري
/
وترانا في انتظارك

سلمت يمينك يارضا .,., يامالي الدنيا رضا

إذا لعبدالله جناااح .,., أنت السحايب والفضا

مقال يشرّف ومقام يشرّف




عبد الله شاعر غني التعريف


ولا أستغرب هذه الجزله الشامخه منه



والسهول يستاهلون هذي وأكثر




تحياتي وتقديري للجميع

صح لسانك لا هنت

صح الله لسان الشاعر العذب عبدالله الجحرش

على هذه الابيات التي بكل حق يستحقها ابناء قبيلة السهول

بارك الله فيك ابو محمود على جمال طرحك

وكل عام وانت بخير