قصيدة للشاعر بندر بن سرور
اتمنى ان تحوز على رضاكميامنير عمر لي مـن التتـن معمـار=يبري الغليل اللي على القلـب كالـي
ولا رفعت الصوت وابديـت ماصـار=من شان تـدري ويـش ولا بحالـي
مكفاك مني سجتي بعـض الأمـرار=انهـج جنـوب وحاجتـي بالشمالـي
اركض مع الدنيا كمـا ركـض دوار=ياما كسب زندي ويامـا غـدى لـي
الله على اللـي عايروهـا بالامتـار=طـراز بنـج شغـلـت بالعـدالـي
زادو هواها واطعموهـا مـن النـار=حتى امبير المنجضـع عـد صالـي
نشت سمـا ماجربوهـا مـع القـار=طارت مطير الطير ربـع الكحالـي
تلفي على اللي في طرف هجر سنجار=يشدي جبل سنجـار بيـن الجبالـي
باطـراف بيتـه للمواجيـب شنكـار=معلاق كبـش عنـد راعيـه غالـي
ثم قل لبو بنـدر تـرى الوقـت دوار=يفطن تراني منفعـه لـو شكـا لـي
ان زان وقته صـار بالسلـك ينـدار=وان شان قص مروبعـات الحبالـي
كـم واحـد بيـن العماهيـج هـذار=مغترتـه نفسـه بكبـر الضـلالـي
يبلس على ربعـه ويدنـع بالأسـوار=ويعد نفسـه مـن حسـاب الرجالـي
كفه بخيل وقلبه انجـس مـن الفـار=اسود طرف وادغم مـن السرمدالـي
هذاك بعـده خيـر ماكنـت بختـار=اجـزاه بالصـدات وابعـد مجالـي
ابعد مجال الرجل عـن كـل هـذار=واصبر على الصكات والعمـر بالـي
وليا وطنـي غبـر الأيـام بـأزوار=غيـري جماعـه ماوطنـي لحالـي
شفت الوزا واشتلت لي منـه قنطـار=وان جيت اعدله شرق للغرب مالـي
عبر على الدنيا من العسـر لايسـار=ماظنتـي فيهـا حــرام وحـلالـي
حـرام للفنجـال سوقـه ليـا فـار=الا على اللـي يرخصـون الريالـي
وانا اللذي ماقول فـي نجـد شعـار=وان كان به شعار محـد حكـى لـي
وســـلامـــتـــكــــم
__________________
أشــــوفكم ......... على خير
