مبرووك جاك ولد...بعيون عربية...
طبعا احنا عارفين ان الكذب حرام في النهار وحتى في الليل بس لاني قاعد اكتب احب اذكر نفسي بالتوقيت وبما اني طفشان احب احكي لكم قصة حياتي
تنبيه : تحتوي هذه القصة على مشاهد ولقطات واقعيه 80% للكبار فقط
تقول امي لما انولدت عين الممرضات يلمسني الا بعد ما صرف لهن الدكتور لقاوي وهي جمع لقوة
اللقوه :ما يمسك به البراد الساخنhttp://www.greatxp.com/vb/images/smi...ab1%20(35).gif
اما الدكتور قعد يقلبني بعصا المكنسه يقول هذا ادمي ولا كرشة حاشي
http://www.greatxp.com/vb/images/smi...ab1%20(21).gif
امي احتارت وابوي قال و وش نسميه ؟؟؟
قرروا يسووا قرعه واللي يندعس 3 مرات يطلع برا
وقالوا لازم نختار لهذا القمر احلى 3 اسامي فحطوا خالد
وسعود
وسكر
اول مره طلعت الورقه فاضيه
ثاني مره طلع الاسم ممــــدوح
فاعترضت امي لانه اسم اخوي الصغير
والثالثه ثابته
ابوي يفتح الورقه
ابوي يلبس النظاره
ابوي يطالع الورقه
طلع الاسم خالد
وما تسمع الا امي تصفر .......... http://www.greatxp.com/vb/images/smi...ab1%20(16).gif
اما عاد تصفر قصدي اخوي الصغير يصفر
وعمت مظاهر الفرحه كل ارجاء المنتدىhttp://www.greatxp.com/vb/images/smi.../ab1%20(2).gifhttp://www.greatxp.com/vb/images/smi.../ab1%20(2).gifhttp://www.greatxp.com/vb/images/smi.../ab1%20(2).gifhttp://www.greatxp.com/vb/images/smi.../ab1%20(2).gif
بدات اترعرع ليييييييييييييين صار عمري التاسعه صباحا ودخلوني المدرسه
الاسبوع الاول في صف اول
كانوا يوزعون علينا بسكوت وعصير ابو شفاط او سنتوب كما يسميه العلوج
http://www.greatxp.com/vb/images/smilies/NEW1/ab1.gif
الاسبوع الثاني
بداية الحرب على الارهاب وترويض الشباب
تدري
هذي الحقبه من التاريخ تحتوي على مناظر مرعبه ولذلك تقرر حذفها
خلوني اكمل لكم
ولا اقلكم خلوني اتجاوز الحزن الي تسببتو ا لي فيه بتذكيري للتاريخ المرير
كان المدرسين في وقتنا اشرار
الواحد منهم تقل بودي جارد ياااا كبره يا الله انك تشوف ركبه من طوله
اذكر اني في مرره من المراريت الماره وبعد الانصراف من طابور الفسحه لازم كل صف يمشي ورى مدرس الحصه ومدرسنا يمشي على مهله واحنا وراه يدفع بعضنا بعضا وكنت انا ورى المدرس مباشرة اناظر لدرب من بين رجليه ووراي واحد من الملاقيف يدفني
الملقوف دفني بقوه
وجهي صك في ... المدرس
وداست رجلي على عراقيبه
المدرس كان لابس جزمه بدون شراب وانا لابس جزمه اديداس
والجو بااارد
طبعا الورع دفني من هنا وانا دست على عراقيب المدرس وفجأه
ذاك الكف اللي عكس وجهي من المشرق الى المغرب
بس تراني ما بكيت http://www.greatxp.com/vb/images/smi...ab1%20(23).gifhttp://www.greatxp.com/vb/images/smi...ab1%20(23).gif
انا بصراحه عذرت المدرس وتسامحت معاه لان الجو بارد والكنادر حقتي نوعية اديداس اللي من تحت فيها زي المسامير زي حقت متسلقين الجبال فطبيعي انها راح يحس بالالم لما ادوس على عرقوبه
والله ذكريات http://www.greatxp.com/vb/images/smi.../ab1%20(7).gif
يا كثر ما كنت اخذ ضربات جويه غير مقصوده لكن مع تقدم التكنولوجيا اصبح من السهل تحديد الهدف بدون اخطاء
اما احلى ضربه جويه اخذتها كانت من قاعدة وكيل المدرسه اليدويه الجويه
وهذي قصة لحالها
لكن بما اني فاضي خلوني احكيها لكم على عجاله
في صباح يوم نحس والعلم عند الله اني ما صليت الفجر ذ1اك اليوم او صليته بدون وضوء عفوا بدون خشوع
كنت واقف في الطابور " انحس بقعه على وجه الارض "
جاني الوكيل وكنت حاط بجيبي نظاره حركة استعراض يعني
فقال لي : وش اللي في جيبك يا ولد ؟؟
فقلت بعزة نفس : نظاره انت ما تشوف http://www.greatxp.com/vb/images/smi...ab1%20(22).gif<<< والله مدري شلون قلتها
اللقافه سبب كل بلاء <<< كلمة مضيئه نورت على وجهي
طلع الوكيل رجال طيب وقال لي روح غرفة التعذيب وانتظرني http://www.greatxp.com/vb/images/smi...ab1%20(34).gif
رحت المكتب وجاك الموت يا تارك الصلاه
وصل الوكيل وعلى فكره حتى هو من فئة العمالقه
المشهد بالتفصيل :
العملاق : ليش تقل ادبك يا ولد ؟ http://www.greatxp.com/vb/images/smi...ab1%20(47).gif
الطفل اللي هو نا : امزح ههه http://www.greatxp.com/vb/images/smi...ab1%20(46).gif
العملاق : تمزح هاه ........ اكمخخخخخخخخ >>> على فكره هذا صوت الكف مو مسدس توفي
الطفل يلقط اشلاء وجهه المتناثره في المكتب بعد الضربه الصادره من مكتب الوكيل برقم وتاريخ
العملاق : انقلع جاك البلا فوجهك
اصلا ما قعد وجه كل من جا اخذ له شوط
شوط = كلمة تطلق على تجربة السيكل يقال اخذ شوطا في السيكل أي جربه
لكن هذا الارهاب المتكرر خلاني افكر االف كتاب اسميه
الطفل في المدارس كالكره بين اللاعب والحارس
طبعا لم تنتهي الهجمة الا والصافره تعلن ابتداء الحصه الاولى
ترى على ايامنا ما كان فيه جرس كانت صفيره بتشديد الفاء
يا سلاااااام
ذكريات
والله ذكريات
وين ما تروح تلقى ضربات
بالخطأ طبعا كاني مغناطيس اجذب امخمسات
حتى لما كنا نلعب في حصة الرياضه
واحد سدد علي الكوره يحسبني المرمى وجات الكوره في بطني
وشالوني متعفص على بعضي تقل جلد ناشف مرمي في الشمس سنيين
اكمل لكم بعدين الحين ابي اتصل على ارنوب
أرنوب هذا واحد فله أنواع الصرقعه بروح أتعشى أنا وياه بالطازج
طيب بعدين أكملكم القصة
تابعونا....
أجمل تحية...
