المهدره .. إحدى ديار بلي المعروفه
قصيده بحفل تكريم النقيب / علي حمدان البلوي
سلام الله على شيوخ القبيله بأول المسهاج=وعلى ناسٍ بطلتها مسانا مكتمل بدّره
يقولون العرب شوف الرفاقى للكبود علاج=وأنا أقول الرفاقى شوفهم متعليٍ قدّره
حنين الشاعر بصدره ويوحي للحنين خلاج=وينطق بيت بلسانه وتبقى أبيات في صدره
وأنا ما جيت أدوّر بالقصايد مدخل ومخراج =ولكن جيت أشيل الود والتقدير يا مهدّره
بحفلة رجلٍ بصيته تعلّت بالقلوب أبراج=من سلالة قضاعه من بطون العُرب منحدره
بعتمه من مواقيف الليالي في يديه إسراج=ونوره طيب ويدينه لمد النور مقتدّره
هل الفزعه ..هل العليا .. تلبّس بالزمان التاج= فداها من قصر فعله ربوع وجيهها ودّره
رجال الطيب صاحبها تشوف إن الدروب فجاج=والا اللاش شف دربه وسده ثم إبن جدره
رجالٍ لو براضي قفر مدّت لجلك الإنتاج=وبعض الناس لو في نهر ما تسقيك من بدره !!
وأنا شاعر وأحب الطيّب وفعله لنا منهاج=وعن الحاسد حفظت آيات قاريها بورق سدره
وأعرف إن الوزن ساس القصيد وقافيته سياج=وحلو الشعر أبياتٍ لها كيف ولها خدّره
وأنا ما جيت أدوّر بالقصايد مدخل ومخراج=ولكن جيت أشيل الود والتقدير يا مهدّره
يقولون العرب شوف الرفاقى للكبود علاج=وأنا أقول الرفاقى شوفهم متعليٍ قدره
.
