أخواني اخوتي إعضاء منتدانا الغالي
هذا ابيات نثره راعي سوداني علي عنزة اعه عنيره
السلام عليكم ورحمة الله وبركاته
من الصعب على الانسان ان يفقد جزء لايتجزء من حياته ..
ولكن هذه سنة الحياه فبالامس القريب رحلت عنز امي منيره
رحلت بلا امتعه
رحلت والدمع ينزل مدرارا من عيوني
رحلت حلوة الحليب
رحلت ولها معزه في قلبي وبين احشاء تسبدي
وترحل معها اجزاء من حياتي
وترحل معها ذكريات جميله احببتها واحببت الذكرى من اجلها
مجلس الحب .بطن حوي العاطفه .بيت الحنان.فيلا الذكريات قصر الافراح مطابخ الاحزان شغل السعادة بنشري الآلام تكان الاحاسيس مخبز تميس فوال المشاع ر سباك الخجل دنيا دنيا آآآآآآآآآآآه يالزمن آآآآآآآآه يالحزن آآآآآآآه على فرقى الحبايب
وماتت عنز امي منيره كم من ليلة سهرت لكي اكتب على الجدران باعواد البرسيم كلمة احبك
كم من يوم صقعتني شمس القايله وانا اجني لكي البرسيم من اشرابه ,,ياترى هل ستعودي لي مرة اخرى
هل السهر يجدي ؟؟ هل البكاء ينفع ؟؟ هل النحيب يفيد ؟؟ هل هل هل هل هل هل هل هل هل هل هل هل هل هل ؟؟؟؟؟
اريد اجابه واحده وسوف اكون لها بالمرصاد
وحتى لو طلبو مخ سيقان النمل لو طلبو زبدة لبن العصفور لو طلبو شعره من ابط قعس .لو طلبو خصله من جدايل نامو. لو طلبواضافر ذبانه حاطه مناكير ورديه. لو طلبو حمامه فوق شجره في وادي بالقمر لو طلبو طلبات تعجيزيه سوف تكون ردة فعلي موافق ولكن اعيدوها لي
وماتت عنز امي منيره كانت مريضه بعقده نفساويه من بعد ايام عيد الاضحى بسبب واحد
وهو رؤيتها لحبيب الطفوله يضحى به وكانت يدي الكريمتان هي التي ذبحته وكانت امامها بدون قصد مني فعرفت بعدها انني سبب وفاة عنز امي منيره لن اغفر لنفسي ماحييت
ورغم ان الطبيب جاء في ساعة متاخره من مساء البارح الا انه لم يستطع فعل اي شي سوا النظر لها وهي تحتضر وروحها تخرج بحرقه وحراره وهي تموت رغم تاكيد الطبيب انها سوف تكون بخير وعافيه عندما تخرج من العمليه الجراحيه يوم الاربعاء ولكن القضاء وهذا يومها رحمك الله ياعنزتاه
وماتت عنز امي منيره ( اذا حل القضاء ضاق الفضاء )من سيأنس وحشتي بعدها..؟
من سيرويني بحنانه؟ ويشربني كاس العاطفه ؟
آآه سأفتقد حليبك ايضا ماألذ طعم غضارة حليبك انها ترد روحي وتشفط الالام مني
آآه سأبحث عن غيرك هذا محاااال محال محال لن انفخ في دزربتن منشقه ولن ابحث عن غيرها
قلبي عيوني. اذاني خشمي مصابعي شعري براطمي ضروسي رقبتي صدري بطني.-----.---- سيقاني.. مصابع رجليني... كل مافيني يشهد اني
يشهد اني
أ
اح
احب
احبك
احبك الشاهي واصلحه بالنعناع يطلع محبوك
وماتت عنز امي منيره
في هذه اللحظات وعندما وصلني خبر موتتها ذهبت الى كل مكان كنا نتسامر ونتماعط فيه اطراف الحديث اتذكر وابكي ابكي كبكاء طفل مابعد جت امه من زواج بنت خالتها
. ابكي كبكاء بنشري منذو سبعة شهور لم يستلم راتبا
ابكي كبكاء وحرقت مضحي عندما يسجل فيه الثنيان هدفا ابكي كبكاء عنزة امي منيره عندما لااشرب حليبها في تالي القايله ابكي كبكاء من تكون عنده معامله في دائره حكوميه وماعنده فيتامين واو....ابكي كبكاء عبدالعال عندما بكى فرحا بزواجه من سعديه ابكي كبكاء فتاة لم تشتري بكله في يوم العيد
وماتت عنز امي منيره
استوقفتني قريحتي الشعريه وبدأت اكتب واكتب
كتبت فيها هذه الالفيه رثاااااااء
وهل يفيد الرثاء..؟؟
الالف ابتدي باسم الواحد العليم خالق الانس والبهم في خلقه حكيم سبحانه اللي يشفي السقيم طامن سبع ورافع سبع سماوات
الباء بقلبي حب مات البارح عفت النوم على الدواشق والمطارح
متشقلب البال وفكري سارح على وليف مات في لحظات التاء ترى قلبي عليك حزين رحتي وانا خابر انك ماتجين الموت مايعرف لانحيف ولاسمين ولا عنز لوهي رفيعت مقامات
الثاء ثواليل ظهري تشهد بحبك وتذكر ودادي وشوقي بقربك وتقول انسى الوليف واذكر ربك. العمر فاني وياكثر الازمات الجيم جاني البارح خبر موتتها توجعت تكنبست من حرورتها
الطبيب تكسمر من رفستها قال نعنبو من يعالج العنزات الحاء حالي عقب فرقاها كسيره هذي حبيبتي عنز امي منيره الله العالم بالخافي والسريره ارحم بحالي ياكريم العطايات
الخاء خايف على قلبي بحب جديد . يبقى لي ونبقا بعمر مديد
وشلون ابمسح الحب الاكيد الله يرحمك ياقليل العثرات الدال دلاله علي زايد حده وليفي من قدي ومن قده رحت الدرعيه قالو في جده .لقاها مربوطه في عمود اللمبات الذال ذيب الفلا مايسوى عيونها. عنز امي منيره وانا مجنونها
هالقصيده بالسامري لاتشيلونها تتغنى بالاوبرا وباحلى الموسيقات الراء رماني الوقت في دهاليز الاحلام عقب فرقاها ماذقت المنام
بكيت وتلعب في راسي الاوهام ابلقا بديله من البشر والبريات ؟ الزاء زماني وان ماطاوعني طاوعته وان ماشقلني عن الحزن ماشقلته
وليل الاحزان من الليله سهرته اثر فرقى الغاليه عظيم الويلات السين سكين الفراق في قلبي طعينه والفرح والسعاده عن قلبي سجينه
اثر السكين كانت في يمينه طعنها فيني يوم وافته المنيات الشين شكيت للحزن لايطول سنينه السعاده مع غيرها يمكن بس وينه
وان قالو عيني ترتجي شوف عينه ماكذبو وربي شاهد فوق السماوات الصاد صادني بندق غرام برصاصه قالو دور لك سويّر ولا حصيصه
لاتصير مثل بزر بحفاظه ومصاصه امسح دموعك واطلب ربك بدعوات الضاد ضاق صدري من كل البنات مابي نوره ولاكل النورات
عنز امي منيره ولاغيرها عنزات تفرج همومي في زمن الضيقات
الطا طبيب بيطري جبته يعالجها قال فيها عقده نفساويه تعذبها
رفسته مع كرشته وشفت رفستها طار وتعلق في شبك الحوشات الظا ظلمها هالطبيب المداوي العنز رفسته وصار حاله شقاوي
انا الدرعاوي مااجرح بس اداوي . كل علّه لو زادت فيكم العلات العين عيني تنثر الدمع الكثير. بفراقها وش بقا لي وش بيصير من اشرب حليبه ؟؟ مابي شرب العصير اشوف حليبها وغيره تراني ضرير يازين شرب غضارة حليبها حدر السرير. ترد روحي لو اني في اشد الكربات
الغين غياب حبيبتي بيطوّل ...ماحسبت حساب هاليوم منوّل جال الحزن في قلبي وتجوّل ماتوفيك دموعي لوهي كبر المحيطات
الفا فكرت في غيرك وافكاري محدوده لقيت كل الدروب في وجهي مسدوده ابقعد ثواني ولا سنين معدوده مدري متى يجيني حبيب بالغنيمات
القاف قوطي السعاده في وجهي انعفط وحبل الامل بعيد عني انصفط وبمكنسة الاوهام الفرح انشفط مكنسة كهربائيه تشفط شفطات
الكاف كفاني عذاب الحزن والفرقى الموت يسرق الحبايب سرقى ابنزل مع الدرج واثرني ارقى من الهم تكنبست كل المعلومات
اللام لاتلوموني لو عقبها انتحرت ..ولو السهر يرجعها طول عمري سهرت ابن فرناس لو انتحرت مثله اشتهرت ماقدر وانا خابر انه عظيم المحرمات الميم مادرو عن اللي في بالي وليف ابيه بقلبي بس ماصفالي الكذب خيبه لو حصل لي ياهنيالي وهو اشرف واكرم من كل العنزات النون نامت عيوني من طول السهر وصارت الدقايق بعمري اطول من شهر
لو الفرح عذرا ابقدم لها المهر.. ابي سعاده مع حبيبه مابي حبيبات الها هويتها اول مادبجت عيني بعينها الله على الايام يازين سنينها
مرت في غمضة عين بيني وبينها حكم القدر مالنا فيه اعتراضات الواو ويلي على فراقا وليفي يسمونها عنز ويدلعونها خروفي
ابرقص مثل بنت عبده فيفي من الهم والاحزان صرنا رقاصات الياء ياناس مابي اسمع طاريها ابنساها ومن اليوم ناسيها
مهيب نذاله ولاخيانه اداريها بس هموم في قلبي اباريها الله العالم بالامور وخافيها والكلام المتكنبس منها اعاديها الماضي راح وانا لربي اتحمد وارجي ثوابه علي يتجدد وختامها صلو على النبي محمد عداد حبات الرمل فالصمان والتنهات
م/ن للفكاه
