إن مــت بـيـدك من يـفـككـ من أخـوانـي ًًًٌٌٌََُُُُُ ٌٌُ

جابك الله من غياب ٍ ضيّـق صـدور المبانـي
قبل لا الوحشه تزعزع بيتك الصلـب وتبيـده

بيتك اللي من رحلت وكـل جدرانـه تعانـي
ماتحمـل ينتظـر شهريـن وعيونـك بعيـده

الله العالـم لـو إنـك جيـت متأخـر ثوانـي
ماتشوف إلا بقايا من حصـاه ومـن حديـده

من عرفتك وأنت تايه من موانـي لـي موانـي
وتارك ٍ قلبي مولّع مـن وقيـده فـي وقيـده

ضاعـت سنينـي أحـد بهاليالـي وتحـدانـي
وأنت ماتشبع غياب ولاتخـاف مـن النقيـده

ودي أتحمـد لـك الله بالسلامـه , مامدانـي
كل ماتوصل برحله ترجـع برحلـه جديـده

دام تدري كل وجـه ٍ غيـر وجـه الله فانـي
ياخي أكسبلك ثواب وخاف ربك في عبيـده

كان فيني عيـب قلي:فينـي العيـب الفلانـي
كان هرجي مزعلك فـي شـي قلي:لاتعيـده

عيب تصغر في عيوني وأنـت برقـاب الغوانـي
كيف تستسهل طعوني وأنت خابرني وليـده ؟

لعنبوك أن مت بيدك من يفكك من أخوانـي ؟
لحزنوا ربعي على فرقاي شاللـي تستفيـده ؟

أنت منت اللي عشقته أنت أكيد انسـان ثانـي
ليه صرت بهالبرود وبهالاحاسيـس البليـده ؟

وين حبك للزعل .ويـن العنـاد الأولانـي ؟
وين حنّية زمـان وفرحـة العمـر الرغيـده ؟

وين ذاك اللي اليا أقبـل مايبـات إلا بمأنـي ؟
وين راح اللي اليا أقفى مايـروح ألا فقيـده ؟

واحد ٍ من جابـه الله بـس يامـر ويعصانـي
الوحيد اللي أخافه غصب وأمشي معه سيـده

(مابغيت أطيـح بيـده) ليـن ماربـي بلانـي
ولا أنا لو هي بكيفي (مابغيت أطيـح بيـده)

ذاك بس اللي يامـن جيتـه يلخبـط كيانـي
اللي بنظـره ينشـف دم قلبـي فـي وريـده

قبل أشوفه أجمع اله أحلـى القصايـد والمعانـي
وأن لقيته ماعرفت أقـول لـي جملـه مفيـده

الف مره قبله أعـد القصيـده مـن لسانـي
ولعنبوه أن جيت عنده قمت أخربط بالقصيـده

أمدحه وأنا أدري أنـه لـو تباطانـي نسانـي
أنطحه وانا أعرفـه مجنـون وأفكـاره عنيـده

من يسوي بي سواتك يالرهيـف الاسمرانـي ؟
منهو من الناس غيرك غلطته ترفـع رصيـده ؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبـي وواسـع بطانـي
ولا أنا لاجيت أكيد انسـان عـزالله بكيـده

أقدر أنزع لك ثيابـي وألبـس ثيـاب الأنانـي
وأقدر أطلع من عذابي والعب بدورك وأجيـده

ومستعد أكسب رهاني لو بغيت أكسب رهانـي
وأخدعك بحساس كاذب وأتحدى من يصيـده

أبك أنا لي شفت خلّي حط غيري فـي مكانـي
والله إني لتركه وأن صد لعشـق سيـد سيـده

جيت مابيك تحقرني جيت أبيـك تعـز شانـي
جيت أبي فزعة ظلوعك من مشاعرك البليـده

خلني داخل (حدودك) وأجبر بخاطـر زمانـي
أكذب بباقي (وعودك) وأصدق بلحظه سعيده

أنتشلني مـن (بـرودك) لـو تولّـع بالمحانـي
عطني أحساس (بوجودك) وأخذ كل اللي تريده

تكفى واليا قلت :تكفى بيع خلـق الله عشانـي
لاتضيّع من يدينـي فرصـة العمـر الوحيـده

يعلم الله شفت منك ومـن غيابـك ماكفانـي
كان ماتقدر تخفـف هـم قلبـي !! لاتزيـده

شف غيابك وش مسوي بالصـدور وبالمبانـي
وأنت تدري كيف كانت صدمت غيابك شديده

والله أنك لو وصلـت البيـت متأخـر ثوانـي
مالقيت إلا بقايا مـن حصـاه ومـن حديـده



مما راق لي


لـ / ح ـآمد زيد :|for you|:


أتمنى أع ـجبتكم ..

اختيار رائع ياسلطاااااااااااااااااااااااان
تقبل مروري

لآهنت ع آلنقل أخوي سلطآن
من جد مبدع . .
أنتقآء روووووعه
تقبل مروري . .

سلمت يمينك اخي سلطان 0000000000
ويعطيك العافيه ولاهنت على النقل0000

جداً جداً جداً رائعة
نقل رائع لذائقـه راقيه

استمر .. ونحن نتابع جديدك بكل شوق

ودي أتحمـد لـك الله بالسلامـه , مامدانـي
كل ماتوصل برحله ترجـع برحلـه جديـده


،،،،،،،،،،،،،،،،،،،،
لاااااااااااااااا تعليق
انت عارف رأيي :|for you|:< شمها لا تاكلها

(مابغيت أطيـح بيـده) ليـن ماربـي بلانـي
ولا أنا لو هي بكيفي (مابغيت أطيـح بيـده)

إنتقااااااااااااء ولا أروووع ياسلطااااااااااان

أخو يزيد-دانة الكون -مكابر-توفيق سليمان - سندس الحمراني -خيالة بلي

مروركم أسعدني وآنسني كثيرا

عساكم عالقوة تحياتي لكم :|for you|:

من اجمل قصااااااائد (حامد زيد)
ومن اجمل اختيارااااات ( سلطان بن مسعد)

يعطيك العافيه
أخ
سلطان
مارق لك راق لنا
أنتقاء رائع
سلمت يداك

الأخوات

شروق الامل - في الجنان نلتقي

الله يعافيكم والأروع مروركم

أسعدني تواجدكم في متصفحي

ألف شكر لكم