الإبل للبيع (( بالصوره ))

بسم الله الرحمن الرحيم

صلوا على النبي

ناقتي ما تدخل السـوق لـو زاد المـزاد *** لوهل الربطـات جتنـي تشيـل أولوفهـا

لو يصبون الذهب صب والمهـار متقـاد *** ماأرخص الإبل واختيار النفوس شفوفهـا


ونستي ملحا من البـوش غاربهـا سنـاد *** فاهـق سنامـهـا ناشـبـن بردوفـهـا

بالخضيرا راسهـا كنهـا تطـرد جـراد *** يخزي الشيطـان يـوم العيـون تشوفهـا


والأذاني بالنصاقر كمـا الشلـف الحـداد ***افطـس عرنونهـا ضافـي غضروفهـا

================================================== =========

هذي ابل صاحبكم أبو حمود

هذي الناقه إلقحا في ثنوها وتسمى بالشيخه وعليها سوم 16ألف وعليها شاهد المقابله والكاز من قبيلة الدواسر

الرابط:

http://www.4shared.com/file/153615/2...b/_online.html

وأما الناقه الثانيه تسمى العليا وهي عشرا وعليها وسم آل مره وعليها سوم 17ألف والقعود عليه سوم 6000 ريال

الرابط:

http://www.4shared.com/file/153632/8...a/_online.html

أي استفسار عن الإبل

0551370646

أبو حمود

نياق مايحتاج يعطيك خيرهن

السلام عليكم ورحمة الله وبركاته

ابو حمود جعل ربي يعطيك من خيره ويصرف عنك وعنا وعن اخوانا المسلمين كل مكروه يارب

عطايا طيبه ولا اطيب الا معرفة اللحا الغانمه ومشاهد الطيبين ومعرفتهو

والله ماني راع بل لكن احبها واحب شوفتها ومطلاعها.

لكن والله العظيم اعسر علي بيع هالمزاييييييييييييييييييين اللي بالصور:mad: :mad:

لكن ماقول غير (( الله يطعمك منها يارب ))

الله يوفق عباااااااااااااااااااااااده

ابو حمود
الله يرزقك فيها...واطلب لك التوفيق

الله يربح البايع والشاري

أخوي ياسر وعبد العزيز الله يحيكم وأشكركم على دخولكم الكريم
ودمتم بخير

أبو حمـــود الجهني ..

الله يرزقك .. ونياق ماشاء الله مايحتاج ..

سلمان الـعــــرادي

أخوي قاسم بارك الله فيك
وأشكرك على حسن ذاتك ودخولك
ودمت بخير

أخوي فايز يا مرحبا بك وألف شكر لك يا راع الأوله والله يشرفني جدا حضورك وتعليقك وأسأل الله يجيب الساعه اللي تجيني أنت وتركي عند البل

ودمتما بخير

ابو حمود الجهني..

الله يوفقك . الله يطعمك منها ..

الا اقول .. ودك تعزمنا..:eek:

لك مودتي

محمود الجذلي

أخوي محمود مرحبا ألف وهلا هيل عداد السيل وجيتك عندنا شي يفرحنا جميع الله يحييك بين أهلك وربعك
ودمت بخير