الرب واحد وابو متعب على الكرسي

الرب واحد وابو متعب على الكرسي = والعلم عند العرب والروم والفرسي
والخصم عظمه ما بين الناب والظرسي = والرب واحد وابو متعب على الكرسي
الأمن والخير بالديره جرى نهره = وأشوف بعض العرب يلهث ورى الشهره
من دون داعي يهايط مثل ابن فهره= والرب واحد وابو متعب على الكرسي
واللي يبي العلم الأبيض فاتحا"بابه= الأمن موجود والدولار بحسابه
يرتاح لا يلعب الشيطان بأعصابه =والرب واحد وابو متعب على الكرسي
موضوع بالمنطقه وابغى اتونس به = والطالب المحترم يتعب على النسبه
يحرص على الدين حتى تكمل الحسبه=والرب واحد وابو متعب على الكرسي
والشاعر اللي يبي يقضي على الفتنه = ماله هدف غيرها متني على متنه
والشر تقضي عليه الناس في حتنه = والرب واحد وابو متعب على الكرسي
شاعر واغني على الموال والشيله = وأكتب نبط وأعرف الحله من الحيله
وان شفت ماعفت جبت الذيب مع ذيله =والرب واحد وابو متعب على الكرسي

يشرفني أول من يرد عليكــ

صح السانك اطال الله بعمركـ على تميزكـ وذوقكـ الشعـري

المتألق

الله يحفظ ابو متعب ذخر للوطن الغالي

لاهنت يالغالي

كل التقدير

اقتباس:

---

المشاركة الأصلية كتبت بواسطة خالد سالم السرحاني

شاعر واغني على الموال والشيله = وأكتب نبط وأعرف الحله من الحيله

---

اقتباس:

---

المشاركة الأصلية كتبت بواسطة خالد سالم السرحاني

وان شفت ماعفت جبت الذيب مع ذيله =والرب واحد وابو متعب على الكرسي

---

شاعرا الكبير خالد بن سالم السرحاني
شاعر مميز كما عودتنا وشاعر واغني الموال والشيلة
صح لسانك ابا وليد وتقبل تحياتي

صح السانك ابا الوليد ,,,,,,,,, ربنا يعطيك الصحه والعافيه

صح لسانك
ويستاهل ابو متعب حبيب الشعب

خالد السرحاني



صح إلسانك



نص معبر عن المشاعر الوطنيه


محبتي لك

سلطان القنيدي

مبدع والكبير كبير يامستشاااااااااااااااااار


حكيم رزين بعيد نضر ياليت هناك عقول تفكر وعيون ترى وقلوب تنبض

ب1
لكم مني جزيل الشكر على مروركم المتألق وحضوركم المشرف
:|for you|: :|for you|: :|for you|: محبكم ابو وليد :|for you|: :|for you|: :|for you|: