http://store2.up-00.com/Jun11/PrY32558.jpg
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
الـبـارحـه بـاللـــيـل نـمــت و لاهــنـالـي مــرقــدي=كـنـّي مــريــض ٍ فـي فـراش وزايــد ٍ فـيه مرضه
كـلـّه سـبـايـب هــرجة ٍ عــوجـا وجتني مــن ردي=مدري وش الدافع ولا ادري ويش قصده وغرضه
مــا دام حـســده بـالحـنـايـا تــقـــل نـــار ٍ تــوقـدي=خـلـّه عـلـى فـالـه وابـى اجـنـّـب ولا نـي مبـغـضه
عــرفـة وجـه مـا هــو ولـد عـم ورفـيـق ومسنـدي=يعـنـي كـمـا غـبـار ٍ عـلـى ثــوبـي ويــدّي تنفـضه
وانـا عــلـى فـعــل الـمـراجـل مسـتـزيـد ٍ بجـهـدي=وعـلـى الـنـشـامـى دايـم ٍ كـل إحـتـرامـي أفــرضه
وانا غـرسـت الطـيب بالطـيّب مثـل غـرس الـودي=واسـقـيته الـمـي الـــزلال ودونـه العـفـن ادحـضه
مـن شـان تـقـديــر الــرجـال اغــادر اقطار بـلـدي=فـي لازم ٍ والحــر دايـــم يـنـعــرف مــن منهـضه
وان جـت عـلـى نظـم الشعـر مـانيب شاعر مبتدي=واذا فـتـلـت الـبـيـت تعجــز هـالـخـلايـق تـنـقـضه
بيت الشعـر مكسـيـه ثـوب ٍ صانـعـه مـن عسجدي=واسـمع فـريـد الشعـر يالمـبـدع وخـذ لك مـوعـظه
كـثيـر مـن فـكـره عـلـى فـكـري ويجهـل مقصـدي=وانا عـلـى وضـح النـقـا بالــزيـن والشـين ارفضه
دربـي سـنــود ٍ والـرديّه درب أهـلـهـا جــرهــدي=وعـن كـل حـاسـد محـتـمي بكـتـاب ربي وحفـظه
واذا بـــلاك الله بـعــرفـه مـــع ردي يـالاجـــودي=خـلـّه عـلـى فـالـه وتـلـقـى بالـرجـاجـيـل عـوضه
.
.
.
سلطان القنيدي
