الجزء الثاني لزواج أوسكار
أولاً : السلام عليكم ورحمة الله وبركاته
ثانيا : أعتذر لكم عن الغياب لظروف خاصه
ثالثا : رجاء وليس أمر ...............للمشرفين دمج التكمله للموضوع
7
ووصلنا عند اهل البنت وقلطنا الرجال ماقصر وهو يرحب ويهلي
المهم تقهوينا وخلصنا ونقز الشويب يمدحني شوي وكبر راسي قدامهم الين بغيت اخبط على وجهي من كثر ماكبر راسي وهو طبعا جالس يلمح المهم قال بالاخير والله حنا جايينك ونتشرف بنسبكم ونبي بنتكم لولدنا
وجلس يتفلفس الوالد ويقول كلام عجزت افهم نصه وانا ماغير اومي براسي ولا ادري وين الله حاطني
المهم قال والله لازم ناخذ راي البنت وابوي يقول حق وواجب
وذاك بعد ابوها مسوي نفسه اول مره يدري عن الموضوع وهو عارف
تعرف من الحريم كلش يصير سهل يعني واصلهم الخبر من بدري
و البنت ماصدقت خبر تبي تلزق بدفتر العايله حقي
المهم تقدر تقول غاب خمس دقايق وجا >>>>>>>>>>>>والله لو انه ايش مايمديه
قال بالمبارك يابو هيثم >>عاد ابوي ما صدق على الله وماصدق خبررررر وماغير يبوسني كأنه اول مره يشوفني وينقز ذاك ابوها اللي بيصير ابو نسب ويحضني ويسلم علي
وهذا كله مهو لله بس يبي يربطني ولاطاح الفاس بالراس يبي يصكني بشروط تحوسني حووووووس المهم قال ابوي وطلبتاكم
عاد انا اللحين صابتني ام الركب
مهوجايبها البر ابو نسب يبي يحط شروط تعجيزيه ، قال ابي ميه الف مهر لها
ونبيكم تسون الفرح بقاعة تبوك الكبرى
وخمس طعشر الف لمها وعشرين الف لي وخمسه الالاف لخوها وتجيبون دقاقات
الا وانقز تقل ذيب قلت وييييييييييييييييين يابو الشباب >>>>>>>>>>على بالي جالس مع الشله
وش ذا اللحين انا باخذ بنت واتزوجها والا بشتريها
يابوي حلمك علي شوي شوي وش هالشروط التعجيزيه
قال وشوووووووووو انت ياولد >>>>>>>>>> افااااااااا طلعت ولد
والله الاحترام لبوك والا عرفت وش ارد عليك
قلت يايبه وش هذا يرضيك بالله مهي شروط الا تعقيد قال الوالد صار انا ماقلت لك انطم قبل لاندخل >>>>>>>>>>>طاح وجهي وانطميت فعلا >>>>>>>>>>>>اثري الوالد مهو بسييييييييييط ذهين
عاد ابوي قال خلاص اطلع ورح احترني بالسياره
وفعلا طلعت وجلست احتريهم وهو يسولف معهم المهم رزعني تقريبا ساعه ونص
ونادى بعدها علي ودخلت وانه تقل كنه نزل شوي من الشروط
وطلبت اشوف الخطيبه
و شوي تبي تجي هالحين الخطيبه
قلت أنا للوالد صرِّف عمرك اطلع واحترني في السيارة >>>>>مثل ما سوى معي
ويوم طلع قعدت شوي وأسمع قرقعت كاسات قلت في نفسي : هذي هي جت وجايبةٍ لي عصير بردقان ومع الحياء قاعدةٍ تنافض واقوم اتنافض مثلها
واتنافض
واحمرت خدودي ونزّلت راسي ويوم دريت ولا هلّي تقول : ( يبغى مويه والا مافيه يبغى ) وارفع راسي والآهي
الشغالة لا و ( سرلنكيّة )
وقلت : أيه ميت من الضما هاتي بس ...........هاتي الما وطسي يللا
ويوم قعدت شوي والا التلفون يرن ومن الربكة شلته والآهي......... بنت وتضيع طاستي زود
قلت : نعم
قالت وين نورة
قلت مهي فيه قالت : من انت
وقلت مجموعة إنسان من كل ضد وضد تلقين فيني
قالت : وشّو!
قلت أقول زوجها
قالت اثرها متزوّجه ماعلمتني اورّيك فيها
وحاولت امسك اعصابي وقلت وش نورة اللي تبغين
قالت نوره صديقتي قلت لا هذا بيت نورة ثانية
ثمٍّ دخل ابو نورة وأنا اكلّم وانحرجت مرّه وعرقت مدري وشلون ابصرّفها
ان قلت التلفون رن بيقول وش هالملقوف
وان قلت انا اللي داق
بيقول وش ذا النسيب اللي رفع المونه من ليلة الخطبه وقمت وقفّلت الخط بيدي ( بدون ماينتبه )
واخذت سمّاعة التلفون وقعدت احك بها ظهري وقلت لابو نورة والله مدري وش هالحكّة في ظهري
اليوم الدكتورة ( مريم نور ) تقول في قناة الجزيرة ان أحسن شي تحكّون به ظهوركم هو سماعة التلفون لأن
الذبذبات الصوتيه تساعد على شفاء من الحساسيه >>>>>>>>>>>>>>ايه هين
قال : ( عجيييييييييييب ) قلت زين مشت عليه
ثم قال ما عليه البنت مهي مستعدّة هالحين تعال بكرة بعد صلاة العشاء وشفها على كيفك
قلت مقدر لأني معزوم بكره
قال أجل بعده قلت فيه مباراة الهلال والنصر ولازم اتابعها
ويمكن ـ مهوب أكيد ـ يمكن أجي بين الشوطين
قال مايخالف (( قالها من غير نفس )) وجاء بكره و الشوط الأول وأنا على أعصابي بس اشوى
سجل النصر هدفين >>>>>>>>>>>>>> ايام عز النصر مو الحين فشلونا ..........معهم الدور الثاني والا باسحب اسمي
من رابطة المشجعين
) وبعد الهدفين وبردت شوي وهدت أعصابي ويوم انتهى الشوط الأول نقزت لبيت ( ابو نسب )
ورنّيت الجرس ورد عليّ الابو قلت نورة فيه قال : وشّو !
رفعت الكلافه وأنت مابعد خطبتها وشلون أجل اذا تزوجتها قلت أقول : ابو نوره فيه قال: ايه على بالي سمعت شي ثاني
وانبسطت مرّة عشان ابونسب طلع على نياته وفتح الباب وسلّمت عليه .. ثم قلّطني في المجلس وطلع وقعدت شوي وأسمع قرقعت هالكاسات من جديد
قلت : الله يعين على هالسرلانكيّة هي وكاساتها ذبحتني
والله انا ما علي من هالشغاله مريح بالجلسه واشيل الشماغ ورافعن رجلي أنقش بالصدوع اللي فيها ولا دريت
الا بصوت حنون قال لي : تفضل العصير
وانا ارفع راسي الا وهي نوره وانا أرتبش واحاول انزل رجلي وانفض يدي وادور شماغي وتيجي يدي بالصينيه واكب العصير ..................وهي تبخها ضحكه علي
المهم يوم جيت ابخش معها جوّ جا ابوها >>>>> الله لا يحيّي العدو ..
وقعد بينّا من زين الطبايع قال هاه وش رايك قلت بصراحة قويّة مرّة
قال: عمى سنع كلامك لبغيت تتكلم عنها
قلت وشّي
قال نورة ............ قلت لا انا احسبك تسألني عن المبارة ! ! !
قال الله يخلف عليك قلت له ـ استهبل ـ الله يحيّيك على قلّ الكلافة ثمٍ قلت له ابغى أصرفه الله لا يهينك يخالي وش رايك أبغاك تروح تشوف التلفزيون ولا عليك أمر وتعلمنا ان كان الشوط الثاني بدا والا .. لا ، قال قومي يانورة
قلت وانا بعد مصًًر على التصريفه أمّا لو تجيب قهيوة واتقهوى أنا ويّاك كان مايحتاج
قال والله ودي أجيب بس أخاف ماتشتهيها قلت الا والله ابلطّ جد الدلة
قال بس المشكله الشغالة مهي فيه والا اخلّيها تسوّي قهوه قلت وينها ذالفه
قلت له ياخالي ما تلاحظ ان نورة طولت ابروح اشوف عسى ماجاها شي
قال انثبر ابروح انا قلت مايصير استرح الله لايهينك ابروح عنك
قال اقول لك انثبر والا طس
قلت لا .. ابستريح على قولتك الله يسلّمك ثم راح الشايب ينادي نورة جت هي وابوها وقالو المباراة ما بعد بدت قلت زين
واستلمنا الشايب بهالسواليف وأنا اقول له ( اسلم ) كلما سكت شوي وانا مني يمّة قاعدٍ احتري الخطيبه
المهم قلت له ابغى أصرّفه ـ : الظاهر ان المصارعة بدت يخالي قال الله يذكّرك الشهادة واستانست وانبسطت احسبه يبي يروح
لكنّه قال : آنست وشرّفت الله يحييكم انت واهلك الخميس الجاي عشان نتمّم الخطبة
قلت : اوووووه لا.لا .لا المصارعة تجي ليلة الاربعا واحنا في ليلة الثلاثا قال زين بس لا تنسى تسلّم لي على الوالد قلت ( يبلغ ) قلتها بنفسٍ شينه وقمت وانا ما ودي اقوم بس وش اسوّي ويوم جينا بنطلع من المجلس قال لي ابو نورة تفضّل قلت ابد تفضّل انت >>>>>>>>>>> على بالي اخلاق المهم قال لي يرجّال تفضّل قلت باليمين
قال ما يخالف يالله تفضّلي يانورة ولا نورة على يمينه قلت اجل ملزِّم وانا اللي اطلع واقول له اكرمك الله ولأوّني ماذقت عنده ولا جغمة مويه واروح للبيت والقى الوالد ونجلس نتجذاب أطراف الحديث >>>>>>>>>>>>>>>>>>>>>>ترى متعوب عليها هالجمله
وقال : شف يا أوسكار مدام الحين
في العطله بنخلي زواجك بعد اسبوعين >>>>>>>>>>على قبضتهم للرواتب
قلت : خلاص اللي تامرفيه يا الغالي
ويوم الزواج الكل يدهر
وابووووي ماغير يسجل بهالاسامي وياخذ هالضروف ( طبعا انا ماني عارف وش يسوي لكن بعدين عرفت انه ياخذ القوايد من المعازيم ويسجل عاده يعني علشان اللي يعطيك قويده اي كان المبلغ تردها له بزواجه والا بزواج ولده
المهم بعد العشا مادريت الا ابوي واخواني لاقطيني يقولون نبغى نزفك والا اقول لهم : بدري خلونا نريح شوي >>>>>>>>>>اعجبتني المحاوره الشعريه
قالو ابد معصي يالله بس وانا ابد ادربي راسي معهم وراحو معي تقل رايحين حرب وراي هالشله والشبيبه وراي يبون يدخلون معي مهو لله يبون يشخصون
والله ودخلت وجلست شوي على الكوشه اللي مزينينها هذا اللي عرفتها>>>>>>>>>>لأني
دخت واناادور طلب العروس ابغى كوشة سندريلا >>>>>>>>>>> ابوك يا الطلبات
المهم جلسن هالطقاقات يدقن: وكل البلوات خياله وعليهم غزت الرايه ويا زين اوسكار بينهم
ولا فرق الله شملهم وانا تقل جاني حماس يوم سمعتهن يغنن باسمي وانا أخذ حاشي
عليهن بالبشت
وما دري منهو الورع اللي داس على بشتي واجيك طايرن فوق وارضخ واني على زقمي تكصمت اسنوني
واتقلب من وجعهن واتقلب
واتقلب
وانه خير اللهم اجعله خير >>>>>>>>>>>>>حلم
الزبده :
لا أحد يكثر بالسيريلاك >>>>>>>>>>قصدي العشا وطوالي ينام
لازمن لازمن يتعشى وثمن يتمشى
