ســـ ــكـــ ــر
ب
ن
ا
ت
البسي ثوب العفـــاف المخمــلــي=واعتــلي فــوق المنابـــر فــي ثبـــــات
أشعلــي ليــل المشاعر واشعلــي=قلــب شـاعـر ذاب يا سكـــر نبـــــــات
كل ليـــل ٍ فـي حضــورك ينجلي=كل صبـح ٍ فـي غيــابـك لــي مبــــــات
ان بغيت ِ الصـدق صدري ممتلي=كـم تزاحـــم بــه جروح ٍ وأغنيــــــات
للحـزن فينــي خيــول ٍ تصهـــلــي=ركـضهــا بيــن الضلوع النازفــــــات
اذكرك في ليلـة ٍ وآنــا أعــتـــــلي=مسـرح الابداع وحـــدي يا حيــــــــاة
قلت هزي جذع نخلــي هــلــلــــي=يتســاقط لــك رطبهـــــا حـــاليــــــات
فلـي فــ / حبل المــــوده وأفـتــلي=غــيـّري كــل الصفـــــات الباليــــات
زلزلــي الاوضاع فينــا زلــزلي=ساكــن الايــام حديثـــــه ذكـريـــات
جيـت كـــلــي منـــدفع لا تســـألي= جيــت باحــلام الشباب الماضيـــات
العشق طفــل ٍ نمــــا فــي داخـــلي=أحتضنتــه واكثــر ايامـــي شتــــات
ان بكـا غنيت من قلب ٍ مـــــلــــي=وان ضحك ترقص من افراحه شفــاة
اقبلي مثل السحـــاب المعــتـــلي=وارقصي فوق الجـــروح العــاريات
شاعــرك محتاج ليــل ٍ مخمـــلــي=وأنت ِ كــل الذوق يا سكر بنــــــات
