السلام عليكم ورحمة الله وبركاته
اخواني أعضاء وزوَار هذا الصرح الشامخ
أقدَم لكم هذه القصيده العزيزه على قلبي واللتي قلتها
شوقاً لـ بنتي ( لمار ) حفظها الله
وذلك حينما كنت أعمل في جدَه ...
حفظ الله لكم آبائكم وأبنائكم ...
القلب لولا ضلوعي فرّ منّي وطار=يـخفق ولا يآصل اللي ياصلنّ الطيور
والشوق يضرب على صبر المتيّم حصار=أيّام , لكن على المشتاق مثل الشهور
ياشوق روحي على شوفة مُحيّا [ لمار ]=شوق ٍ يبيح الغلى المكنون وسط الصدور
يابنتي الحلو بعدكِ فيه طعم المرار=أصبر عن مشاهدك ِ وأنا أشهد إني صبور
لاغبتي الوقت مدري ليل ولا نهار=يـمـوت حتى عقارب ساعتي ماتدور
في قربكِ الجنه وبعدكِ عن أبوكِ نار=وفي ضحكتك ِ وإبتسامكِ نور يغشاه نـور
ياربّة الحسُن ياللي للخواطر عمار=يامنوة الروح ياسرّ الهنا والسرور
بالقلب لكِ منزل وبعروق دمي مسار=فيها ودادك يزيد الروح دفء وشعور
ويلومني خافقي كنّ البطا , لي قرار=هذا وانا مالي بفرقا المحبّين دور
ياقلبي الصبر .. مالك غير صبرك خيار=لا حال بينك وبين اللي تمنّاه سور
مايجيب روس الـكبار إلا دلال الصغار=لأعطاك مولاك بنت ٍ مثل بدر البدور
