منتظر فزعتكم يالربع

السلام عليكم ورحمة الله وبركاته
ايه الاخوه أسعد الله صباحكم
والله يالربع مدري وش اقول بس وقت الجد يالربع مالي غير الله ثم ربعي والرجال اللي فيها الخير وتبي الخير
طبعا انا عارف يا جماعه اني مكثر عليكم ومزعجكم لكن الشكوى لله المقطوع ماله فزعة يحتريها غير من اهله
يا اخوان تدرون طبعا بالوضع اللي له الحين اربع سنوات " والى الله المشتكى"
ما خليت لا دائره ولاقطاع الا وقدمنا ونشبنا بحلوقهم لكن مامن فايده وكثرت عليا الديون من ورى هالمشاورير والله لو اقولكم الحين كم متدين خلال هالاربع سنوات ان بعضكم غير يبكي لكن منقول غير لاحول ولاقوة الا بالله العلي العظيم
الحين يالربع احمد الله واشكره قرب فرج الله لقينا الرقم الوظيفي اخيرا وخلصنا اوراق البصمات والعمده " في قطاع الحرس الوطني بالرياض" وبقي علينا موعد الكشف الطبي يوم 24/3/1432
تكفون يالربع ابغى فزعتكم بهالمستشفى احمد الله واشكره على الصحه والعافيه مافينا خلاف بس عندي الطول يوم قاسوه بالتجنيد كتبو 155 والمطلوب 160 وقال لي العميد قائد التجنيد يا ولدي من عندنا بنمشيها وبالمستشفى ربنا وربك الله
تكفون يالربع نخيت كل واحد بسمه اللي يعرف احد بعيادات الكشف الطبي في الحرس الوطني " اللي بالرياض بخشم العان"
يفزع لنا بجهده انا عارف والله اني طولتها عليكم وكثير من الناس اللي ضايقتهم بهالموظوع لكن وش اسوي هاذي حيلتي اللي اقدر عليها " والى الله المشتكى"
واكرر اعتذاري لاي ازعاج صدر مني خلال هالسنين
وتقبلو خالص ودي

الله يوفقك ويرزقك يارب .

ومن يعرف احد بالمستشفي لايبخل على الاخ موسى .
وبالتوفيق

اخوي موسى


ابشر والله بالفزعه وانا اخوك


بس بالي مستشفى بالرياض ولاتبوك


انا طالب بالرياض

واطبق في احد المستشفيات الرياض



والزملاء واجدين سواء في الرياض او في تبوك



ولا معلوميه انا ابي ارسالك الجوال في الخاص

الله يعطيك العافيه اخوي فواز ومتقصر
اانا اقصد عيادات الحرس الوطني اللي تسوي الكشف الطبي العسكري اللي بالرياض بجوار كلية الملك خالد العسكريه بمنطقة خشم العان معروفه لهل الرياض اكيد
اما تبوك مفيها مستشفى حرس وطني ولايقبل الكشف من غير هذه العيادات لانه كشف عسكري خاص بالتجنيد

الله يوفقك
وييسر لك امورك
والله ودى ان الوضيفه تكون من نصيبك
وانا متفائل خير في الله اذا لم تاتى هذى يجيك ماهو افضل بااذن الله
ودى اساعدك وانت دائم على بالى
الله يفرجها لك وابحث اذا وجدت احد معرفه باالحرس اتصل عليك فى خلال
اربع وعشرين ساعه
باالتوفيق لك

الله يوفقك

الاخوه
" ابو فادي"
خالد خلف السرحاني"
الاخوه جميعا
والله اني عارف انكم فخر لي ويشهد الله اني اغليكم في الله لله
واؤمن أنه لن يصيبني الا ماكتب الله سوءا قسم الله لي هذه الوظيفه او لم يقسمها فهذا شي مقدر والحمد لله مطلوب من المؤمن الايمان بالقدر خيره وشره
اسأل الله ان يقدم لنا كل خير وييسره ويبعد عنا جميعا كل شر
واشكركم جميعا على مشاعركم الطيبه التي تنم عن اصل قبيلتنا التي نعتز بها ولله الحمد والشكر ولاهو يمستغرب علينا هذا التلاحم اشكركم جميعا من اعماق قلبي
وسألتزم هذه المده مابين موعد الكشف الاستغفار والدعاء والفرج من رب العالمين

اولاً اخوي موسى اذا مكتوبه لك الوظيفه بتاخذها
لو طولك اقل من كذا

لاكن الله يوفقك
ويجيبلك اللي فيه الخير

ونعم بالله " عليه توكلنا وهو أرحم الراحمين"
اخوي توفيق جزاك الله خير فعلا مالنا غير اللي ربي يكتبه

بالتوفيق واسأل الله ان يسهل امرك

أسأل الله لك التوفيق أخوي موسى ويرزقك من حيث لاتحتسب

وإذا كان فيها خير الله يكتبها لك ولا تيأس من رحمة الله

ورزقك بيجيك باذن الله

مكتوب لك قبل تنفخ روحك

والله يسهل أمورك ونتمنى تسعدنا بخبر توظيفك قريب

محبتي لك أيها المكافح

الله يجزاكم جميعا خير على تفاعلكم وربي ييسر الامر

الله ييسر أمرك و يكتب لك الخير

الله يوفقك

الله يوفقك
وييسر لك امرك
ويكتب لك اللي فيه الخير

الله يجزاكم خير ويفرجها من عنده

بالتوفيق أخي الغالي / موسى لبلوي

الله يجزاك خير اخوي نواف

وربك يفرجها ان شاء الله

لا استغني عن دعواتكم في هذا اليوم المبارك تكفون يا اخوان في هذا اليوم ساعة اجابه تكفون لا تبخلو على ابن عمكم يمكن دعوه يرحمنا الله فيها

الله يوفقك اخوي موسى واسال الله ان يسر امورك ...

قلوبنا معاك ياموسى ...

بشرنا بالمستجدات ...