أجمل ماقيل في القهوة العربية من اشعار... !!
 |
|
 |
|
اخواني الاعزاء ..... استكمالاً لما ذكره مشكوراً الأخ الرقيقيص عن قصة القهوة(كيف النشاما).. وكذلك ماذكره الأخوان من قصائد وأشعار بالقهوه لبعض شعراء قبيلة بلي يسرني ويسعدني ان اقدم لكم هذه الخلاصة المفيدة والشامله والتي استطعت ان احصل عليها وأنقلها لكم وهي عن اجمل ماقيل في القهوة العربية من قصائد وأشعار وأتمنى ان تحوز على رضاكم :
كانت القهوة العربية ولاتزال رمز للضيافة العربية وهي اول مايقدم للضيف بل ربما تكون بعض البيوت خالية من من الزاد لضيق الحال والعوز ماعدا القهوة وادواتها فهي تعتبر كيف الصفوة وعلية القوم ورمز للكرم وحسن الأستقبال, ولها مكانة خاصه مرتبطة بالتكوين الاجتماعي للقبيله أو الأسرة. فقديما كانت القهوة او الشبه عند كبير الاسره وكلا يحضرمعه مقدار (طبخه) د له من هيل وقهوه كنوع من التضامن مع صاحب المعاميل وتسمى الوزنه ويقوم الشخص بحمس القهوه الحب بعد تنقيتها على النار امام الضيوف اوالحضور معه في المجلس في اداة من حديد( المحماس) ويقوم بتقليبها حتى يتغير لونها الى الاصفرار وتنبعث منها رائحة زكيه وهناك مثلا في شمال الجزيرة العربيه وبادية الشام والعراق يفضلونها محروقة قليلا .
وبعد ذلك يقوم الشخص بتبريدها في اداة خشبيه تسمى (المبرد) ثم تطحن( تدق ) في اناء نحاسي يسمى ( النجر) او الهاون او ( الموجاة ) المهباش عند اهل الشام والاخير مصنوع من الخشب ويتم بعد ذلك تلقيم (الخمره) وهي دلة كبيرة الحجم وبعد ان تغلي جيدا( تقطع) يزلها او يصبها في (المزل) وهي دلة التقديم بعد اضافة البهار او القناد( الهيل -الزعفران-العنبر-العويدي-الزنجبيل) حسب الرغبة او المتوفر لديه ويجعلها على نار هادئه(جمر قليل) حتى تفوح( تفور) مرة واحده ويبدأ في صب الفنجال الأول وذلك حسب الاصول والتقاليد ....
حيث يقول الشيخ/هايس بن مجلاد(ابوضلعين) من عنزه:
قم سو مايجمد على الصين ياذياب = بدلال يشدن البطاط المحاديب
احمس الى من العرق فوقها ذاب = وستدن مايجذب عليك الشراريب
والياانطلق من ثعبته كنه اخضاب= ورس صبغ بكفوف بيض الرعابيب
عده لمن قاد السرايا للاجناب = له مفرس يشبع به الطير والذيب
والثاني اللي ون لفا بيته ركاب = قدام بيته مثل جزر القصاصيب
والثالث اللي ون غشاالزمل ضبضاب= يرخص بعمره دون زمل الرعابيب
**ويقول الشاعر دغيم الظلماوي متفاخرا بشبة النار وتقديم القهوه للطرقيه:
ياكليب شب النار ياكليب شبه= عليك شبه والحطب لك يجابي
وعلي انا ياكليب هيله وحبه = وعليك تقليط الدلال العذابي
الى ان قال:
باغ الى شبيتها بالمشبه = تجذ ب لنا ربع سرات غيابي
بنسرية ياكليب صلف مهبه= متكفكفين وسوقهم بالعقابي
سرات بليل وناطحين مهبه=لانسنست كن به سم دابي
الى ان قال:
مع كبش مصلاح لك الله نجبه= لادبرالهين متين العلابي
**ويروى ان ابن رشيد من امراء حايل قال اريد اختبر صحة كلام الظلماوي وعندما اخبروه ان دغيم شد يبي ينزل في النفود قال لاخوياه ضيفوا الظلماوي الليله وعطوني اخباره, وهو يعلم انهم شادين والمنطقة التي نزلوا بها قليلة الحطب فما كان من الظلماوي عندما رأى الضيوف امر بذبح الكبش واخذ من عمدان (خشب) البيوت الشعر وعشاهم !
كذلك راكان بن حثلين يقول في قصيدته المشهوره:
ياما حلا الفنجال مع سيحة البال=في مجلس مافيه نفس ثقيله
الى ان قال:
يتلون براق سمر يشعل اشعال=تلقا الترابي فايض عقب سيله
يسقي اخسيفاوالثمان ارضهم سال=مرتع معطرة السيوف الصقيله
من حمو ساقان الى السيف همال= وينوش حسنا والرديفه مثيله
الى اخر القصيده.............
**اضافة الى القصيدة المشهوره للشاعر الكبير محمد العبدالله القاضي....
وقصة هذه القصيدة انه في يوم كان الشاعر جالس مع رفا قه وكان معروف بشعر الغزل، فقالوا له ( يا أبو عبد الله )
اذا تقول قصيده من مائه بيت في القهوة لا تذكر فيها بيت واحد من الغزل وان فعلت فلك ( ذبيحة) وفي ذالك الوقت الذبيحة كأنها مر سيدس 500 ، قالهم ( تم ) فبدا بالقصيدة يصف القهوة وحمسها وتبهيرها ويصف الدلال التي تعمل بها وكيفية تقديمها ومن يشربها ولمن تقدم وما شابه ذلك حتى قارب من البيت 95 الخامس والتسعين، هنا أحسوا الجماعة أنهم في خطر ويجب أن يتصرفوا وآلا وقع عليهم ما تم الاتفاق عليه فكانوا عرفين الشاعر انه ليس سهلا
فكانوا قد جهزوا وحده من البنات اللواتي بداءنا بلبس الغطاء والعباة، وقالوا لها إذا اعطيناكي الاشاره مري وهزي
الخلخال وروحي للبيت، هنا وقع الشاعر بالفخ المنصوب له وتحركت قريحة الغزل واتى بالأبيات رقم 30،29،28
طبعا القصيدة 100 بيت ولكن اختصرتها لان الشاهد في القصيدة هـ الثلاثة أبيات الغزلية التي أعطت القصيدة زخم اكبر.
ولكم القصيدة :
1/يا مل قلبٍ0كـل مـا التـم الاشفـاق=من عـام الاول بـه دواكيـك وخفـوق
2/ يجاهد جنودٍ في سواهيـج الاطـراق=ويكشف لـه أسـرارٍ كتمهـا بصنـدوق
3/ إن عن له تذكار الاحبـاب واشتـاق=باله وطـفْ بخاطـره طـاري الشـوق
4/ قرّبت له من غايـة البـن مـا لاق=بالكف ناقيها عن العـذف مـن سـوق
5/ إحمس ثلاثٍ يا نديمي علـى سـاق=ريحه على جمر الغضا يفضـح السـوق
6/ حـذراك والنّيّـه وبالـك والاحـراق=واصحى تصير بحمسـة البـن مطفـوق
7/ إليا اصفر لونه ثم بشّـت بالاعـراق=وبقت كما الياقوت يطـرب لـه المـوق
8/ وعطّت بريـحٍ فاضـحٍ فاخـرٍ فـاق=لا عنبـرٍ ريحـه بالانفـاس منـشـوق
9/ دقّـه بنجـرٍ يسمعـه كـل مشتـاق=راع الهـوى يطـرب ليـا دق بخفـوق
10/ وكتّه بدلـة مولـع ٍ كنهـا سـاق=بلّـورة ٍ منصوبـة ٍتـقـل غـرنـوق
11/ خلّه يفوح وراعي الكيـف يشتـاق=ليا طفح له جوهـره صـح لـه لـوق
12/ أصغر اقموره كالزمـرد بالاشعـاق=وكبارها الطافـح كمـا صافـي المـوق
13/ وزلّه على وضحا بهاخمسة أرنـاق=هيـلٍ ومسمـارٍ بالاسبـاب مسـحـوق
14/ مع زعفران ٍ والشمطري اليا انساق=ريحه مع العنبر علـى الطـاق مطبـوق
15/ إليا اجتمـع هـذا وهـذا بتيفـاق=فصبّه كفيت العوق عـن كـل مخلـوق
16/ بفنجال صينٍ صافي عنه الارمـاق=تغضـي وكرسيّـه اخـدان لمعـشـوق
17/ إلى صب فابصر جوهره تقل شبراق=رنق ٍ تصوّر بالحمامـه علـى الطّـوق
18/ شكلٍ غرا الفنجال صبغه كمـا راق=دمٍ لقلـب ٍوانـمـزع مـنـه معـلـوق
19/ خمرٍ ليـا منّـه تساقـى بالاريـاق=وعليه من مـا صافـي الـورد مذلـوق
20/ راعيه كنّه شـاربٍ ريـق تريـاق=كاس الطرب وسرور مـن ذاق لـه ذوق
21/ يحتاج من خمر السكارى ليا فاق=طفلٍ يشـف اشفـاه والعنـق مفهـوق
22/ عبْث(ن) يعيل بحبةٍ منه ما ماق=وهو يضاهـي باهـي البـدر بشعـوق
23/ في وجنتيه ليا غنج بـارقٍ حـاق=عجلٍ رفيفـه بالطهـا الغـرق بطبـوق
24/ سحرٍ كتب من حبر عينيه بـاوراق=خدّيـه صاديـنٍ ونونيـن مـن فـوق
25/ كن العرق بخدودها حـص أرنـاق=نثـرٍ علـى صفحـات بلّـورة الشـوق
26/ اليا تبسم شـع واشـرق بالافـاق=نـورٍ يفـوق البـدر سحـار منطـوق
27/ وبالعنق كن المسك والورس به راق=ما مشخصٍ في صدره الشـاخ مدفـوق
28/ تمشي برفقٍ خايفٍ مدمـج السـاق=يفصم حجولٍ هـزّه الثقـل مـن فـوق
29/ إليا صفت لك ساعةٍ وانت مشتـاق=فاقطف ثمر مـا لاق والعمـر ملحـوق
30 / فليا حضر ما قلت عندي فـالارزاق=بيـدي كريـمٍ كافـل ٍ كـل مخـلـوق
31/ هذا وصلـوا عـد مـا لاح بـراق=أو ما شكـا الفرقـا شفيـقٍ لمشفـوق
**وهذي ايضا للشاعر زيد بن سلامة الخوير:
قال الذي يبدع علـى كـل قافـي=من ضامرٍ ياتـن رْيـامٍ مواليـف
بمنومسة لقم على بكـر صافـي=عليه من شغل ابن سكران توليف
خلّه ليا ماتونـس النـذل غافـي=وقرب دلالٍ مثـل بـطٍّ مهاديـف
بدلال ماعنهن سنا النـار طافـي=بوجار من لادونهن بابهم جيـف
مبرهجٍ تسفـي عليـه السوافـي=من خلْقته ماطق في ركزة السيف
واحمس ولقّم بالعجـل يالسنافـي=بشاميةٍ طرّف لها الجمر تطريـف
حماسها قرمٍ من الغـوش شافـي=دايم يقلبها حريصٍ علـى الكيـف
وزلَّه وصَفَّه عن سريب المصافي=من خوفة أحدٍ قال بالكيف ياحيف
كِنَّه ليا منـه غشاهـا الرّعافـي=نثر الذّهب من فوق لوح المشانيف
وبهارها من يمّـة الهنـد لافـي=في مركبٍ يقداه زجر العواصيـف
وان كان تزمل من طيورٍ هوافـي=بيضٍ فسدّ أفواهها باشقر الليـف
فنجالهـا لاشـف بيـن الأشافـي=لاكن يجذب من شفا شاربه شيف
يبرالها من ميـر فِـجّ الخوافـي=بكايرٍ تِرْمَـهْ سهيـلٍ ليـا شيـف
صبه لمن يثني خـلاف المقافـي=يوم الفرنج يقذِّف الملـح تقذيـف
ونفَّل بها اللـي للمـروات وافـي=مادوَّر التَّجْرات بـه والمصاريـف
اللي لياغليـت شراهـا جزافـي=مارطّله عنـد الدلاليـل بنصيـف
ياسامـعٍ منـي علـومٍ تشافـي=خذها من اللي نافلٍ كـل عرِّيـف
دنياك لو ضحكت تراهـا بخافـي=يبرم دواليـب الشِّقـا والتكاليـف
إنهب منه من قبل مالعمـر يافـي=صيٌّور ماتقفي ركابـك مواجيـف
صيُّـور عمـرك ناهـجٍ للذلافـي=سمر الليالـي تكملـه بالتتاليـف
صيُّور مايمسي لظى الجمر طافي=دنيا تفـرق كـل ربـعٍ مواليـف
وليا حصل عزٍّ مع الكيـف كافـي=ماني على الدنيا كثير التحاسيـف
**ويقول الشاعر مدوخ المطيري :
البن كيفته عند من يشترونه =والمشكل اللي جابها من بلدها
يا مسوي الفنجال لا تحرقونه =واحذّر من الشعلة تعدى صمدها
حتى يجيك محمر كن لونه =محة جراده طايره من جسدها
مدة على اللي ماضياتٍ طعونه =زبن اللدوح اللي تردا جهدها
ومده على اللي لابته يد هلونه =في ربعة من راح منها حمدها
**و قال سيف الجزيره المشغوني :-
تاوه و محماس و نجر و دلّه = و دلّه من الرسلان مملايه اقناد
و بيت الشعر مبناي من فوق تله = و حظيرة فيها معاميل و عتاد
و الضيف لي يا في الحظيره محله = لي من لفاهم ضيف عاني و قصّاد
يا ما حلا فنيال ذيك المزله = اللي مسوايه على يمر لوقاد
هذي وصوف البدو يا فاهم له = وصف البداوه ليته لنا ينعاد
**قال الشاعر : مشاري بن سلطان بن ربيعان من شيوخ الروقة
من عتيبة..و هو والد الشاعر المشهور ذعار بن ربيعان
و هذه القصيدة من أشهر ما قيل في القهوة:
مانيب هلباجٍ على النوم نعاس
همه طعامه لين كرشه ملاها
ادّرج الدنيا بالأفعال وقياس
نسعد عيونٍ وعين نسحن دواها
لاضاق صدري جبت نجرٍ ومحماس
ودلالٍ بيض غاليٍ مشتراها
قم سو فنجالٍ على خمسة اجناس
احذر تجي حرقه وبالك نياها
خلك لها عن كل عذروب حساس
قيّس لها الطبخه على قد ماها
حتى يجي فنجالها يجل الأعماس
عقب الصلف والسهر مااكبر غلاها
خصص مشاكيلٍ على النار جلاس
حبوس الرجال اللي بعيدٍ مداها
بدوا به اللي للمعادين نطاس
مودع سمان الهجن يثلع حفاها
والثاني اللي يثني العصب بالراس
في ربعة يشبع بها من نصاها
والثالث اللي يحتمي دن الأفراس
لاروحت خيلٍ بخيلٍ حماها
وباقي الملا لو ماتقهويه لاباس
هذارة المجلس قليلٍ حلاها
لانافعٍ ربعه ولاحاش نوماس
ضبّاط مال ولايذّري ذراها
اخواني الاعزاء هذه خلاصة مااستطعت ان اجمعه لكم من اجمل الأشعار والقصائد والتي قيلت في القهوة العربية واتمنى ان تحوز على رضااااااااااااكم وتقبلوا خالص محبتي ...........!!
|
|
 |
|
 |
