اللــقيط
.
.
/
الجزء الأول *
ـ ـ ــ ـ ـ ـ ـ ـ ـ ـ ـ
بسم الله الرحمن الرحيم
انا احد المتابعات لقناة بداية منذوال٥سنوات اسأل الله ان يوفق القائمين والعاملين فيها وكل من اعان ع نجاح هذه القناه ودعمها اسأله جل وعلى ان يكتب لهم الاجر والثواب وان يجمعنا واياكم في منابر منور في جنات النعيم اللهم أمين
وفالحقيقه شدني موضوع اللقيط احببت ان اشارك في قصه ليست من وحي الخيال بل واقع تعايشته معهم فأناكنت موظفه في جمعيةالايتام لأرغب فالاطاله فالمقدمه دعوني اسرد حكايتي معهم ..
بـ قلم: بحـور
(الجزء الأول)
اسندت راسي ع الشباك وجلست ابكي بصمت هذا رابع مره اروح للخدمه ولا احصل وظيفه آآآه يارب ياربي تعبت لين متى اظل كذا لاشغل ولامشغله صارلي اربع اسنين قاعده بالبيت اربع اسنين وانا الف لف شركات التجميل لوبنسبه بسيطه راضية اهم شي اشتغل واساعد ابوي بمصروف البيت لفيت للجهه اليسرى اناظر في ابوي يسوق وباله مشغول عارفه يبه انك شايل همنا وتفكر بمستقبلنا تبينا نتوظف ونعتمد ع انفسنا آآخ يايبه تهون يبه تهون الحمدلله احنا احسن من غيرنا
بحور:يبه
ابوي:هلا
بحور:يبه لاتتضايق كل شي قسمه ونصيب ((وعسى أن تكرهو شيئا"وهو خيرا" لكم)) خيره يبه خيره
ابوي:الحمدلله يابنتي الحمدلله
وصلنا البيت نزلني ابوي وراح دخلت وحصلت امي جالسه تقرا القرأن حبيتها ع راسها وسألتني
امي:هاه يابنتي بشري
بحور: لاوالله ماجاني نصيبي للأن
امي:الله يررقكي يابنتي
بحور:ياالله يمه بقوم اخذ دش واجهز الغداء توصيني ع شي
امي:سلامتك يمه حطي مويا بالثلاجه خليهاتبرد جدك الحين تجي واكيد تجي عطشانه
بحور: حاظر يمه
خلصت شغلي و
دخلت غرفتي وجلست ابكي اناماحب ابكي قدام اهلي ابين لهم اني مبسوطه وقويه وراضيه ولا انا من داخلي هموم وهمومي تعبتني لالليلي لليل ولا نهاري نهار ومع كذا ايماني بالله كبير قطع تفكيري صوت جهازي (عنوده تتصل بك)
بحور:هلاعنوده
عنود:السلام عليكم ورحمةالله
بحور:وعليكم السلام حي الله عنوده كيفك عساك طيبه
عنود:الحمدلله بخيرنحمدالله ونشكره هاه طمني وش صارمعك
بحور: ماصار نصيب
عنود :لاحول ولاقوةالا بالله طيب بحور ليش ماتجي عندي بالجمعية
بحور:اي جمعية!
عنود:جمعية*****حقت الايتام اناسمعت انهم يبون وظيفه وحده من الموظفات اتزوجت ويبغو وحده بمكانها
(بصراحه فرحت حسيت بفرح كانهم قايلين خلص وضفناكي الحمدلله يارب يارب وفقني لماتحبه وترضى يارب انتى ادرى بحالي اكتب لي الخيرفيها)
عنود:أألووو ألووووه بحور وين رحتي
بحور:هلاعنود معاكي سرحت شوي طيب كيف اقدم وايش اسوي وايش طبيعةالشغل
عنود:عادي تعالي بكره الصباح وقدمي ملفك قولي ابغا اي شغله انا دارسه وفاهمه حطوني ادرس الاطفال انتبهي لايحطوك حاظنه صعبه تبديل وترويش ومسؤليه شوي
بحور: يابنت الحلال راضيه بأي شي انشاء الله يقبلوني عاد
عنود:انشاء الله تستاهلي كل خير
بحور:تسلمي عنوده ربي يوفقك انشاء الله
عنود:امين يارب ياالله استأذنك بروح اجهز شي لبنتي فاتن قبل تجي
بحور:الله يخليهالكي ويحفظها
عنود:أمين يارب لاتنسي بحور بكره الصباح تعالي وقدمي
بحور:بأذن الله
عنود:في امان الله
بحور:في امان الله
قفلت منها ونفسيتي مرتاحه حاسه اني راح القى وظيفه عندهم يارب يسرلي يارب
بحور:يووه الساعه١٢بروح اجهزنفسي لصلاه
صليت واتغديت وبعدالغدا جلست اسولف مع اهلي
بحور:محمد
محمد:هلا
بحور:بكره الصباح فاضي ابغاك توديني الجمعية
محمد:اي جمعية
بحور:جمعية******حقت الايتام
عمر:وش عندك فيها
بحور:بنت جارنا قالت فيه وظيفه هناك وابغا اروح اقدم يمكن ربي يكتب لي الخيرفيها
امي:انشاء الله يابنتي ودهاياعمر الصبح معك
عمر:بكره الصباح الساعه تسع القاكي جاهزه انتي وسديم
سديم:ياي وناسه اتوظف انا وانتي مع بعض
بحور:الله وكبر لاتصيرين طماعه حنا نقدم واذا قبلوناخير وبركه
عمر :اهم شي تجهزو بدري
==
في الصباح فتحت عيوني ع صوت امي
امي:بحور سديم قومو ياالله الساعه ٨ قومن تجهزن قومن
مادري كيف نمت من البارح وانا واختي نسولف عن الجمعية سديم سألتني اسأله كثيره يعني بنشوف ايتام
ندرسهم
طب اذا رحنا كيف نتكلم مع الاداره وش نقول لهم
بصراحه سكتها فكم جواب وانا قعدت افكربكلامهالين مانمت
سديم:بحور بحور
بحور: نعم
سديم:قومي عمر صاحي يقول لوتتأخرو دقيقه بيطنشنا ويروح
بحور: لالا خلص بقوم البس واتجهز
سديم :بسرعه
ربع ساعه وخلصت لبس وجهزنا انفسنا اناوسديم وطلعنا مع اخوي للجمعية طول الطريق وانا ادعي الله القى ضالتي عندهم وقفنا ونزلنا رفعت راسي اشوف الجمعية قعدت اطالع المبنى عماره عاديه مثل اغلب العمايربس فرقهاعنهم الافته الي عليها جمعية******الخيرية لفت انتباهي حريم كبار بالسن طلعن وهن شايلات كراتين اعتقد موئن غذائيه معناته اسر محتاجه ولفت نظري اطفال معهم يمكن هذول الايتام مساكين اكيد ابوهم ميت والام تجي هنا لجل تأمن لهم اكلهم((هذا كان تفكيري عن الجمعية))
سديم:يحول بحور ياهوه وين سرحانةانزلي خلصينا
بحور: هاه لاقاعده اشوف الحريم الي قدام
عمر:بحور انا انتظركم هنا اذا خلصتو اطلعو لاتتأخرو ساعتين بالكثيرواطلعو
بحور:خلص
مشيت ودخلنا المبنى ممرضيق بعدها المكاتب سألت الاداره
بحور:لوسمحتي فين مكتب المديره
الموظفة:قدامك ع طول بس هي مشغوله الأن خمس دقايق وبتجي اتفظلي اجلسي
جلسنا مدت فنجان قهوه
انا اخذت فنجان بس سديم امتنعت(تستحي)
ابتسمت لسديم اطمنها شايفه ربكتها وخوفها
جت المديره ودخلنا عليها الثنتين انا وسديم
السلام عليكم
المديره:وعليكم السلام هلاحياكم تفظلو
بحور:الله يزيد فظلك أحم
انابحور خريجه دبلوم مهني تخصص تغدية بصراحه اناسمعت ان فيه وظيفه عندكم وجايةاقدم فيها وانا والحمدلله متعلمه وفاهمه وغير كذا اعرف اتعامل مع الاطفال واعرف اجذبهم واخليهم يشاركوني ويفظفظوالي بداخلهم غير كذا بفضل الله وحده احب اتعامل معهم بأساليب جديده وطرق ووسائل انا انفذها
المديره:على عيني وع راسي بس بحور كثيرمن الاخوات جو وقدمو وقالو نفس كلامك نحطهم اسبوع اختبار من ثالث يوم ينسحبوغير كذا الدوام شفتات شفت الصباح يكون من الساعه السابعه صباحا" حتى الساعه الثانيةظهرا"
شفت المساء من الساعه الثانيةظهرا"حتى الساعه التاسعه مساء"
بحور:عادي يااختي شوفي انا بكون صريحه معك اناهدفي الاول ابي وظيفه اعتمد ع نفسي فيها وبنفس الوقت جاية ادور الاجر فيهم يعني موخسرانه شي
المديره:مااختلفنا بس حاليا"مافي وظايف لأن الوظيفه الي كانت متوفره وحده توهاقدمت والان هي بفترةاختبار
بحور:خيره يااختي الحمدلله على كل حال
طيب اختي ممكن تشرحين وضع الجمعية ابعرف ايش تقدم ايش دوركم
المديره:هنا دار للأيتام بالاضافه الى دار الحماية وغير كذا ندعم ونقدم موئن للاسرالمحتاجه
بحور:طيب ايش دورالحاضنات هنا
المديره:الحاضنه تقوم بدور الام وترا يابحور الاطفال هنا اي احد يجيهم ينادوه يمه
بحور:ياحياتي كم طفل هنا
المديره:15 طفل
بحور:اولاد وبنات
المديره :اي نعم 12 ولد
و3بنات
بحور:ياقلبي الله يخليهم اقدر اشوفهم
المديره:اكيد بس حاليا"مافيه الا الصغار الكبارفالمدارس طلاب الروضه ع 11ونص يكونو موجودين تحبي تطلعي معي تشوفي
بحور:ياليت والله
طلعناالدور العلوي وشفت بنات اعتقد هن الحاضنات كلهن سعوديات سلمت عليهن كان عندهن اطفال رضع احسبهم اطفالهن مادققت بالوضع وقفنا قدام غرفه مكتوب عليها النشاط فتحتها المديره كان داخلها طفلين سمر مع مدرستهم اعمارهم متقاربه أعطيهم 5سنوات
الاطفال من شافو المديره نطو من طاولاتهم وجري عليها وقعدت تبوسهم وتكلمهم
المديره: هاه صلاح وفهودي كيفكم اليوم طيبين
صلاح: ايه
فهود :يمه تعالي شوفي رسمتي شوفي طالعي رسمت شمس وبيت
صلاح:حتى انايمه
المديره:الله تجنن حلوه مره وقعدوالأثنين يناظرو فبعض ومبتسمين
وبعدها قالت تعالو سلمو ع ضيوفنا
لفو ورى وشافوني عندالباب وجري لعندي وقعدو يضموني كأنهم يعرفوني من زمان وانامستسلمه لهم
صلاح:يمه ابي حلاوه
كنت ابي ابكي ياعمري عليه اكيد فاقد امه الله يرحمها(هذا كان تفكيري عن الايتام الي هنا يافاقدالأب يافاقدالأم يافاقد الاثنين كلهن)
عادعلي الطفل كلمته
صلاح :يمه ابي حلاوه
فهود:وانابعد ابي مثله
بحور:ياحياتي انامامعي حلاوه
كشرو اثنيناتهم
بحور:هههههه ياقلبي وعدبكره أن شاء الله بجيب حلاوه وشبس وعصير خلاص
شفت ابتسامة الرضاء
فهود:ايه جيبي ليز كبيره خلاص يمه
بحور:خلاص يمه حاضرمن عيوني بس بشرط تجلس مؤدب ومتزعل الابله منك خلاص
فهود:اناحبك يمه انتي قمر
بحور:هههه ياحبيبي انت وصلاح القمر
دق جوالي (عمر يتصل بك)حطيته صامت
وقفت ياالله انابروح بكره اجيكم خلاص
صلاح:خلاص
فهودي :مع السلامه يمه
بحور:مع السلامه
سلمنا ع المديره ونزلنا لاخوي ركبنا السياره
عمر:هاه بشرو
سديم:يو ياعمر يحزنون شفنااثنين ياعمري والله ماسكه نفسي لاصيح عمر تخيل يقولو لبحور يمه
عمر:لاحول ولاقوةالا بالله الله يكون بعونهم
بحور ليش ساكته
بحور:عمر الله يخليك بكره جيبني لهم اناوعدت الاطفال اجيب لهم حلاوه
عمر:انابكره مشغول خلي محمد يوديكم
بحور:خلص
وصلنا البيت وافق محمديودينا وبما اني مصفره ومامعي ولاقرش قعدت احكي لمي وابوي وجدتي عنهم الي عطاني20والي 10والي5حتى عيال اختي اخذت ريالاتهم هههه لايروح فكركم بعيداخذتهابرضاهم يعني حكيت لهم عن اطفال محتاجين وهم ع طول طلعو فلوس نجاحهم وجمعت مبلغ محترم والمغرب نزلت السوبرماركت واخذت معي عيال اختي عشان يختارو معنا واحسسهم بالعمل الي يسووه
خلصنا وتبقى مبلغ شلته اذا خلصت هذي الاغراض بعطي عمرولامحمديروح يشتري لهم
وفالليل نمت ع طول نمت وانافرحانه وانتظر بكره ع احر من الجمر ==================
في الصباح
بحور:سديم سديموه قومي تروحين معي ولاتجلسين
سديم:ايش
بحور:وجعيش
سديم:هاه
بحور:ياحووول وقربت من اذنها قوووومي تروحين معي للجمعية
سديم:وجع صحيني شوي شوي موكذا
بحور:لايالرقيقه قومي بس والله لوحراميةطابين البيت ومشلحينه وساحبين السرير الي تحتك ماتصحي
سديم:قومي بس بروح ابدل الاتعالي بحوراشوف النفسية تمام
بحور:اكيدتمام انتي عارفه كيف احب الاطفال فمابالك بطفال ايتام
سديم:ياالله اطلعي ببدل واطلع لك
لاتنسين العصير الي حاطته من البارح عشان يبرد
بحور:مانسيت ياالله دقايق وانزلي
اخذنا محمد ونزلنا الجمعية قلت له الساعه2تعال قال خلص وراح
ودخلت وسلمت ع الي بالاداره والمديره ودخلت الصاله
فيهاطاولت الطعام واطفال كثار يافطرو اولاد بنات غريبه ماشفتهم البارح
احم سلمت ع المراقبات ونطت بنت صغيره ونزلت لمستواها
عانقتني بقوه كنهاتقول لاتخليني
لامحت سديم متأثره وجت عندي وقبلتها وسألتهاوش اسمك وماردت بالعكس زادت بضمي
جت الحاضنه وقالت لها:
ذكرى تعالي افطري
وماردت واستمرت بضمي
بحور:ذكرى حبيبي
تبغيني افطرمعك
(هزت راسهابالموافقه)
ابتسمت للموظفه وقلت لها
بحور:بعد اذنك اقدر استحل مكانك دقايق بس ابتسمت
بسمه:اكيد تفضلي
مشيت وجلست فكرسيها ووجلست ذكرى بحضني وسمينا بالله وقعدت اأكلها
ورفعت راسي اتأمل الي حواليه
جنبي كنت بنوته عسل ملامحهاشرق اسياويه بصراحه وماتضحكو علي خفت اقول ايش اسمك وماتعرف عربي وانحرج ابتسمت لها وكئنهاتنتظر هالابتسامه عشان تكلمني جت لعندي وقالت:ياقمره ياحلوه ياعسله
(ههههه الحمدلله طلعت تعرف عربي ) حبيتها وقلت لها ماشاء الله ايش اسمك
قالت :ريم
بحور:حلو اسمك ياريومه افطرتي
ريم:ايوه
بحور :شاطره حبيتي قولي الحمدلله وغسلي واطلعي فوق الحين بطلع معاكم ونلعب
ريم:حاضرواشرت ع سديم هذي اختك
سديم:ههه صح كيف عرفتي ريم:تشبهون بعض
اشترت لسديم تاخذها وتطلع فوق معهاوتسولف معهاعبال مايفطرو البقية
طلعو فوق ورجعت اشجع ذكرى تفطر واطالع بالبقيه
ولد صغيراسمراني اعطيه3سنين فيه شي يجذب كل الناس له وابتسامته غير
سألت الحاضنه
بحور:ايش اسم الولدالي بحضنك
ام أحمد:نواف
بحور:يهبل بسم الله عليه
ام احمد:ايه كل الي هنايموتو عليه
قطع سواليفنا صوت جري لفيت ورى وشفت الثنائي فهودوصلاح
فهود:عرفتك عرفتك انتي يمه
امس جيتي صح
بحور:هههه صح يابطل
صلاح:صدق يمه جبتي حاجات كثيرات
بحور:ايه صدق من قال لك
صلاح:انا عرفت
فهود:لايمه اقولك من قال لنا
بحور:ايه قول
فهود:هذيك اختك الطويله
بحور:هههههه(وينك ياسديم تجي تسمعي)
بحور:اسمها سديم ياماما
صلاح:ههه اصلن انا اعرف اسمهاهي قالت لنا
فهود:ياالله يمه نبغا ناكل بسرعه
بحور:لحظه ماما اول شي افطرتو
صلاح:ايه احنا وفهدو اول شي خلصنا
بحور طيب اطلعو فوق وانابجي الأن
صلاح :لانبغا نجلس عندك
بحور:ذكرى ماما خلصتي
هزت راسها بأيه
ياالله ماما
الكل :ياالله
طلعنا وجلسنا فوق الاطفال نفسهم فهود وصلاح ونواف وريم وذكرى بحضني
عندي حب فضول اسأل
جت بسمه وجلست جنبي معها قهوه وتمر
وتجمعو الاطفال ع التمره حزنوني والله وجلست اعطيهم والبنات يوزعو عليهم
بحور:بسمه كم صارلك هنا
بسمه:اناجديده هذا اسبوع اختبار لي
بحور:الله يوفقك
بسمه:وانتي
بحور:اناماحصلت وظيفه بس جاية زياره
بسمه:باين عليكي حبيبه
بحور:تسلمي من طيب اصلك
انا احب الاطفال مره وعايلتنا اخرالعنقود سديم ع قولت فهود هذيك الطويله
بسمه:ههههههه حرام لايعقدها
بحور:احسن تستاهل خليني امسك عليهالقب
بسمه:هههه الله يخليكم لبعض
بحور:امين يارب اقول بسمه
بسمه:هلا
بحور:بسمه اناملاحظه ذكرى تمص ايدها وتقطع شعر راسها ليش
بسمه:لاحظت فيها الشي ذا بس ماسألت احد تعرفين توجديده وماعرف الا اسمائهم
بحور:مادري احس ذكرى تعاني من شي
بسمه:مسكينه الله يكون بعونها
