السلام عليكم ورحمة الله وبركاته
أسعد الله مساءكم وجميع اوقاتكم بكل خير
هي محاولة وصف مشاعري ومشاعر كل مواطن سعودي
تجاه من نتفق جميعاً على طاعته وحبه
خادم الحرمين الشريفين الملك عبد الله بن عبد العزيز
حفظه الله وأعاده إلى أرض الوطن سالماً ومعافى
.
.
.
بشرى السلامة تلقينا خبرها السعيد=على الهوا مباشره بالصوره الحيه
الحمد الله في يومٍ تقل يوم عيد=أضفت على المملكة فرحه عموميّه
شفنا الملك سالم معافى على ما نريد=وبشوق قلنا يا رب تعجّل الجيه
مشاعر أحباب ما توصف لو اكتب وأعيد=ما أقول غير إنها تنساق عفويه
هذا ملكنا عسا عمره طويل ومديد=قلبه على الشعب والشعب الوفي زيه
في صدره الشوق ما عمره يكل ويهيد=على السعوديه وشعب السعوديه
الله معه يوم ودعنا مسافر بعيد=يم الولايات في رحله علاجيه
اللي مع الناس بعده صار مثل الوحيد=وكن الديار أمحلت وأمست خلاويه
معه من قلوبنا موكب يفوق ويزيد=عن موكب أعظم ملك هيبه وشعبيه
الخافي أعمق من الوصف وجزيل القصيد=واللي بدا ما يجي عشرين بالميه
الدعوة الصادقة في تالي الليل أكيد=عن مية مظاهره جوفا وشكليّه
المملكة من سمو أهل وطهارة صعيد=دوله على قمة الأخلاق مبنيه
حنا من اللي مضى نستنتج ونستعيد=بالدين منهج وبالفزعه خصوصيّه
مع الزمن في تعاملنا نكوّن رصيد=ونضيف له في مواقفنا البطوليّه
لله ثم لملكنا والوطن ما نحيد=عن حربة الموت .. والأقدار مقضيه
على الوفاء رجال نحْفظ عهْدنا ما يبيد=ونفوسنا فيه مأموره ومنهيه
ما هو كثير الولاء منا .. ولا هو جديد=من بادي الوقت والنيّه هي النيّه
شعب وقياده ما يفْرقنا القويّ الشديد=في ظل أبو متعب وعلى سنا ضيه
خادم بيوت الله الشهم الكريم الرشيد=يستاهل الحب كله والفدائيه
.
.
.
تحياتي
