صباحكم مسك ومساكم سكر
والله يعينكم علي وعلى مواضيعي
احس اني من زمان ما كتبت أمويضيع صكوه على جبهته بختم التميز <<<<<< مسوي واثق أنا ووجهي
اسئل الله ان يجعلها ( مواضيعي ) خير وبركة .. وان يعم بنفعها العباد والبلاد .
. كما هطلت صباح هذا اليوم امطار غزيرة على مدينة تبوك سال على أثرها وادي الجزل << طلعة ما لامها داعي متأثر بالنشره الجويه كله من جدتي الله يسامحها حط يا اوسكار على القناه الاولى خلنا نشوف الديره ويش حوفها عليها مطرولا لأ ................ربعت غنمنا ولا لأ
7
7
المهم في مره من المرات وانا من صباح الله في العمل>>>>>>>>>>>>>>يعني مهو ذاك الصباح
اللي تقدر تقول عليه بدري تقدر تقول كانت الساعه تشير الى أحدعش أحدعش ونص
وليلتها ما نمت الا متأخر >>>>>>>>>>>>>>صاكها بلوووت
جلست في الدوام الى الساعة 1 الظهر وانا احاول السيطرة على نفسي
بس بصراحة ما قدرت أقاوم النعاس
قلت أخذ لي قيلولة وما احد راح يدري
المهم حطيت رأسي على المكتب ونوووووووووووومة
بلا مراجعين بلا معاملات بلا كلام فاضي
شوي الا وواحد من الزملاء ( شرواكم ) يصحيني : أوسكار ...اوسكار.......هات عشرة ريال
قمت مفجووووووووع >>>>>>>>>>>>>>> كعادتي اذا احد طلب فلوس
وقلت خير ان شاء الله
قال : قطة الغداء
بيني وبينكم يا جماعة الخير انا اشوف ان القطة عادة سعودية سيئه قصدي لك عليها
جيب خمسة وجيب عشرة وهات ريال وباقي لك خمسة وقلق في كل طلعة ونزلة
وترى المسألة مو بخل يعني عندي ادفع الحساب كامل اهون من اننا نضيع نص ساعة في جيب عشرة وهات عشرين <<< ايه هين أدفع الحساب اهون
وعلى طاري القطة عندي فكرة حلوة للي ما يحب يقط
وهي كالتالي : أحتفظ في جيبك بخمسمائة ريال من فئة الـ 500 وكلما جت القطة أخرجها وقول ما عندي صرف
وقتها راح يدفعون أخوياك عنك لسببين : اول شيء عشان ما عندك صرف
والشيء الثاني عشان راح يحسبون انك ولد نعمة >>>>>>> تشيل 500 دفعة وحده في جيبك
وراح يتسابقون على خدمتك
المهم عطيتهم القطه وطالع الجوال الاو خمس مكالمات مسقطة ( لم يتم الرد عليها )
لا وكلها من المدير يعني قرار فصلي راح يوصلني ما فيها كلام
وبعد ان جمع خوينا القطة من زملائي اأتصلوا على المطعم وطلبوا اربع حبات مظبي ويكثر الرز والشطه
المطعم قال اوكيه .. بس السيارة راح تتأخر نص ساعة ولازم ترسلون واحد يأخذ الاكل
طبعا انا اتابع الموقف من بعيد وجالس ادعوا ربي : اللهم حولينا ولا علينا
شوي الا والمدير يناديني : أوسكار تعال
انا : حاضر يا افندم
المدير : روح جيب الغداء
انا : سواق ابوك انا
المدير : يعني نايم طول اليوم .. ومطنش المكالمات .. وجاي تستهبل بعد
انا : ...............مدربي راسي أدور لي عذر
المدير : وترى نظامنا اللي يجيب الغداء يعفى من القطة
أنا : أيه كذا معقوله الأ وين المطعم
وبعد ما دقينا بذاك الغدا خلص الدوام وكلن قضب دربه >>>>>> يا خــــــــــــــــــي تعب ذا اللي يسمونه دوام
وروح للبيت والقاهم العايله مجتمعه على صحن ابو ورده داقين بالكبسه وتنادي علي الوالده : يا وليدي وافق الغدا
وتغد معنا وانا اقول : بس ماني مشتهي
واسمع الوالده تقول : وسمٌي وجوع وليدي أنذبح بهالعمل ما عاد ذاق طعامنا
الا والوالد يقول : أقول صبي لبن اللي يريد الطعام ياكل من مهمد ويصلي على محمد
وفي المغربيه طلعت للأستراحه
وأتفق الشباب في الاستراحة علي طلعت بر وكشته.
وقالو لي يا أوسكار نبيك معنا فيها قلت والله ياجماعة الخير أشتريكم وأشتري أمخاواكم
بس عندي شرطين
قالو هات ما عندك قلت الاول ابي اقول للوالد وحط عنده خبر وان كان عيا فلا حول ولا قوه الا بالله
والثانية أبروح في سيارتي ولا أبي أحد معي ..
قالو أفأ ليه؟
قلت من غير ليه .؟
. قالوا أبشر والوعد بكرة
علمت الوالده وقالت بحفظ الله يا وليدي الا وابو الشباب داخلن معنا في الموضوع
وقال :انت ما عندك غير هالطلعات رح وانا ابوك رح خلني أشوف أخرتها معك .................أن فلحت وانا ابوك اني غير أغز
رايه فوق دوار السنابل وأرشك عند الرتمه
اقول يبا ما تبي احد يساعدك .
المهم . حملت كل شي أشوفه في وجهي من عزبة وعدة وحطب .. صليت الفجر ومشيت ووصلت قبلهم
عند المحطه وجلست أحتري فيهم والحمد لله مافيه أحد تخلف من العيال
ومسكنا الخط
ولا وقفنا الا وحنا منتهين من التعب ونزلنا عفشنا وقشنا واللي قعد يفرش واللي يشب النار
واللي رمى ثوبه وقعد يذ بح ويسلخ
جلسنا أسبوع كنه ليله من الجو الخيالي وانا بعدها ما عاد اقدر أطول رخصتي أنتهت
قلت للربع أنا بمشي لتبوك
قالوا أن مشيت مشينا .. قلت هذا المقصد يوم أجيب سيارتي معي .. أنتم خلكم هنيا وسعوا صدوركم وانا أدل طريقي
قالوا الله يوفقك .. توادعت معهم ومشيت الظهر منهم وكل شي ماشي تمام والسماء تمطر
وبعد مشوار ساعتين .. شبيت النار وبهرت الدلة وعجنت لي حنا >>>> جمريه ........ بس لو اخوي موسى
معطينا وصفة الجمريه على الطريقه العصريه من بدري كان أعلوم بس ما عليه سويتها
على الطريقه الفلكلوريه عجنتها عجنتها ثم سدحتها على الجمر
المهم و أتشوف القبلة علي مغيب النجوم الا و برق يتلامع قلت الله العالم هذا رزق ساقه الله علي هالديرة ..
الله يعطيهم خيرة ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات ..
غاب القمر يا ناس والراس محتاس .... في وسط وادي كل أرضه حصاني
لا جيت أنا أمشى فيه والجيب شاص .... قـام يتمايــل فوق رمـث حدانـــي
شبيت ناري واعتلآ النار محماس .... لعل ضيفي شــم ناري وجانــي
وأنا أنشد هالقصيد وأتحري للخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو او ناس طالعه البر
بس الصياح كنه أرتفع وأرتفع معه الونين وكن أحد يحاول يسكته بالقوة ......
الساعة قربت علي الثلاث الصبح ..
وصوت السيارة ما أنقطع من الحنين .
جمعت العزبة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .
مشيت يم الصوت .. رفعت النور وأشوف سيارة دتسن بيضاءوسط الوادي غاطس في الطين .
يوم شافني قربت منه طفاء النور وجلس في السيارة بدون أي طلب مساعدة
السيارة أمظللة .. اضرب بوري وأشرت بالنور مافيه فايدة وكنه ما يبغاني أساعده
قلت في نفسي علي هواك .. تركته ومشيت
بس قلبي ما طاوعني لأني أشوف البرق قرب .. خفت أن صاب السحاب هالوادي أن تروح هالسيارة بما فيها من ناس .. رجعت له ونزلت وأصيح عليه يالغشيم أنزل نسحب السيارة قبل السيل ما يجي
أنا بيني وبينه قرابت العشرين متر ... بس ألظاهر ما سمعني
أشرت بيدي للسماء وكنه فهم بس ما يبغى ينزل من السيارة
فتح شباك الدتسن شوي وقلت له يا أبن الناس السيل في الطريق أما أنزل
نسحب السيارة أو أبعد عنها لا تروح معها .. أنا قلت هالكلمة
ولا الصياح يوم طلع من السيارة .. فتح الباب ولا وش أشوف
ثلاث بنات في عمر أقل من 25 سنه ولا رجال معهم ولا سواق .. يوم شفتهن قلت لا تخافن
انا الحين مثل اخوكم واجلسن في السيارة .
يا حيلة الله حضي وجا بني للغربلة .
سحبت من صندوق الجيب الواير وطبيت في الطين الين وصلت سيارتهم ربطت الواير
في الدتسن وقلت لسواقتهن أسمعيني سيارتكم مافيها تماتيك يعني أذا سحبت السياره لا تلفين يمين ولآ يسار .. قالت أبشر .. سحبت ونقطع الواير ورجع علي سيارتي وكسر قزازة االجيب القدامية ودخل علي
وسط الغمارة بس فكني الله منه ..
المهم يوم شفتها مطوله السالفه .. شبيت النار وقلت لهن أجلسن حولها ولا عليكم من شي الآ شي
واحد أنكم تسكتون هالي تصيح لأني ما أقدر أسوي شي وفيه أحد عندي يون أو يصيح ..
قالن ما عليك تامر أمر .. وأنا أحاول في الواير الآ والسواقة طابة معي في الطين
قلت يا بنت الناس استريحي ما عليك من شي أذا أحتجتك ناديتك
قالت عيب علينا حنا بنات أرجال ... أنت ما قصرت أتعبناك ودمرنا سيارتك
قلت أبد ما عليك الغريب للغريب نسيب >>>>>>>>>>>>>> ما كني بديت أخطب
وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي ..
لأوا هني اللي علي الطعس نايـم ... أمجاور نار الدفا من غضاها
قناص أو كشـات فوقـه عـزايم ... ربعـه يدلـونه الي هو نـواها
تركت أنا الديره والجوغـايم ... قاصـد أبي تبوك قلبي نواها
لقيت أنا المزيون والقلب صايم ... عن الحرام اللي أبعد هواهـا
ربطنا السيارة وقلت لها هالمرة لا تركبين في السيارة لأني أخاف الواير ينقطع عكس>>>>>>> واى بلشتنا من هالواير
بس خلي الدتسن فاضي وثبتي الدرقسون وتركيه
السماء أمطرت والبرق فوق الرأس وأنا أتوكل علي الله وأسحبه والحمد لله طلع ومن يوم طلع وركبن في دتسنهن والبرد يطيح علينا .. وأنا صرت في حوسة .
القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .
وأن الجماعة أطلعوا .. قلتلهن الحين طلعتو وقولولي القصة
قالن حنا كاشتين مع أهلنا
اورحنا أنتمشي بالسيارة نحسب الدعوى تمشي وضعنا ولا درينا الا وحنا في هالشعيب
قلت حولكم شي غريب شي يلفت البال قالت اللي تصيح أيه حولنا بعارين وفوقهم سحابه
>>>>>>>>>>>>>>>>الله من زين الوصف لو سكتي كان أزين
ووصف منيا وصف منا تقل خبرت مكان أهلهم
قلت بس عرفته مشينا .. المسافة ماهي بعيدة لكن المصيبة طين وسيل والسواقة أعليمية والموتر تماتيك .. والحمد لله وصلنا بعد وقت موهين .. يوم قربت من أهلهم قلت لهم أهلكم باقي عليهم حول 500 متر الله يوفقكم
أنا بروح مع درب ثاني سبحان الله الواحد يخاف من الظن لا قدر الله ..
قالت السواقة ما قصرت الله يعافيك بس أبي رقم جوالك
قلت لية قالت بس
وأقوم وأعطيها أياه وأنتفارق .. أنا من التعب والجوع وقفت في حدى هالشعيبات
وجلست أشب علي فطوري مع طلعت الشمس .. ما دريت الآ والجيوب والصوالين اللي جاية يمي
.. وقفوا ونزلوا خمسة شباب وقالو لي أنت من طلع الدتسن
قلت نعم .. قالو أمش معنا قلت وين قالو هناك تعرف .
. ركبوني معهم .. وفيه وأحد منهم جمع أغراضي وساق سيارتي الين وصلنا .
. نزلوني ثم دخلوني في وحدة من الخيام فيها شايب عليه أثار الخوف
.. قال يا ولدي أنت من طلع بناتي وبنت أخوي قلت نعم
.. قال وين قلت في المكان الفلاني ..
قال يعني هن صادقات قلت نعم ..
قال وأنت جيبك أندمر قلت نعم
قال يا ولدي والله ما نلحق جزاك ومعروفك ولا ندري كيف نرد معروفك غير أنك تقبل أنه أنزوجك وحده منهن
قلت : لله وبالله وتالله ماخذ أي وحده منهن ................. انت وش تقول ما عاد احد يسوي خير
في هالزمن ............................. أفا ضاعت النخوه بين الناس
7
7
يدك على حق بنزين الطربق
