كان فيه أسد يمشي..يمشي..يمشي..
بادرتني وهي تستلقي بجواري على السرير " خالوا .. قل لي حكاية " !
- ملزّمة ؟
- أيوه ملذّمة !
- طيب .. الله يعين ..
كان يا ما كان في قديم الزمان .. كان فيه أسد يمشي يمشي يمشي يمشي .. وبعدين لقي ثعلب وقله : ليش أكلت الدجاجة ؟
قال الثعلب : والله يا سيدي الأسد كنت جوعان جدا ..
قال له الأسد : من اليوم ورايح لو أكلت دجاج ياويلك ..
المهم راح الأسد يمشي يمشي يمشي يمشي ...
التفت إليها .. قد استغرقت في نوم عميق .. يا لي من قصصي بارع .. وين نابليون شكسبير عني ؟!
= = =
الساعة تشير إلى العاشرة والنصف .. والنوم " ماله طاري " !
قمت من سريري .. فشربت قليلا من الماء ..
" يارب وش السواة ؟ "
عدت إلى سريري الكئيب مرة أخرى .. استلقيت عليه .. رميت كل طرف من أطرافي في ناحية من أنحائه !
قلت لنفسي لماذا لا أكمل الحكاية لنفسي .. يمكن أنام مثلما نامت " روضه " !!
يالله ..كان فيه أسد يمشي يمشي يمشششش ..!!
ياخي بالله هذي تسميها حكاية ؟ .. والله شكلها زهقت منك ومن حكاويك .. وقالت أنام أحسن !!
= = =
الساعة تشير إلى الحادية عشرة !!
وبكرة دوام ..
يبدو أن الجو حارٌ قليلا .. يقال أن البرد يسبب انكماش العقل الباطن .. فينكمش العقل الظاهر .. فتنكمش الأطراف .. فيدخل الشخص في غيبوبة يسمونها مجازا النوم !
عمدت إلى جهاز التكييف فزدت درجة البرودة .. " أحووه يالبرد " تلفلفلت بالبطانية .. وغطيت روضة معي ..ياحظظظظك يا روضة .. ليتني أنام مثلك !!
انقلبت ذات اليمين .. وذات الشمال .. وذات اليمين ..وذات الشمال .. لأعلى .. لأسفل .. بشكل عمودي .. بشكل أفقي .. تحكحكت .. هرشت رأسي .. تمغطت .. ما فيش فايدة,وروضه باسطة ذراعيها بالوسيط لو اطلعت عليها لاتمنيت نومها ..!!
" ياربي وش الدبرة ؟ "
ايوووه تذكرت .. يقال في علم النفس الاقتصادي أن من أنجع وسائل جلب النوم هو أن تتخيل أن عندك مجموعة من الأغنام .. وأنك تعدها واحدة تلو الأخرى .. الله يذكر أيام هايدي وبيتر بالخير !!
يالله نعد الغنم .. بسم الله وحدة .. ثنتين .. ثلاث .. أربع .. خمممس .. ست .. سببببب .. آآآآآبوك الحق الشاة .. اطرد ما تطرد .. أطرد ما تطرد .. رقم ثمنية طمرت من هنا .. تسسسسس .. عششششش .. ياخي ردّ الشاة راحت .. آبو الغنم على آبو سيرتها !!
= = =
اووف يا مصيبتي .. الساعة تتمحور عند الثانية عشرة والنصف وأنا جالس أطارد في الغنم !!
نجرب طريقة أخرى .. قرأت في كتاب مدري وشسمه .. أن الاسترخاااء واستنهاق الهواء حتى يصل للمخيخ يتسبب في دغدغة المشاعر .. مما ينتج عنه استرخاء في عضلات المخ .. وبعدها " عينك ما تشوف إلا النور " !
يلا نجرب .. شهييييييييييييق .. زفيييييييييييييييييير .. شهيييييييييييييييق .. زفييييييييييييييييييير .. كحححححححححححح .. أي استرخاء وأي بطيخ !؟
عدت أتقلب .. وأتقلب .. استعدت تاريخ حياتي مرتين .. والآن ماشي في الثالثة .. والساعة تتجه نحو الواحدة والنصف ..
" مافيه حل " قمت إلى المطبخ .. شربت ملعقة شراب كحة http://www.alsaha.com/Images0/Smily/smile.gif ( نصيحة لا تجربون ) .. ورجعت .. تقعمزت داخل لحافي مع رووضي .. وبعد دقائق معدودة شعرت بالهارب المطارد يداعب أجفاني ..
يا سلاااااام أخيرا سأنام !
= = =
بدأ النوم يتسلل إلى أوصالي .. نظرت إلى الساعة يادوب أراها .. إنها الثانية إلا خمس دقائق .. استسلمت للنوووووم .. لا مجال للأحلام والرؤى .. أنا لا أريد إلا النوم فقط .
" خالووه .. خالووه .. أنتا نايم ؟ " !!!!!!!!!!!!
قالتها وهي تربت بيدها الصغيرة على رأسي !!
فتحت عيني ونظرت إليها شزرا .. : نعم ؟؟
" خالووه .. أنت ما كملت قثة الأثد "
طااااااااااار النوم من جديد .. واستيقظت في الثانية وعشر دقائق لأكمل للآنسة المفترية " قثة الأثد " !!!
كان فيه أسد يمشي يمشي يمشي يمشي يمشي يمشي يمشي يمشي يمشي يمشي يمشي .........
رد: كان فيه أسد يمشي..يمشي..يمشي..
سلمت ياقحطان ونووووم العوافي ............
رد: كان فيه أسد يمشي..يمشي..يمشي..
الله يعطيك العافيه مبدع فعلا
واعجبتني انك تتخيل ان عندك اغنام وتعدها
والله شكلنا بنجرب
رد: كان فيه أسد يمشي..يمشي..يمشي..
اقتباس:
المشاركة الأصلية كتبت بواسطة رفيق المظامي
سلمت ياقحطان ونووووم العوافي ............
الله يسلمك اخي رفيق...ويعافيك شكرا على المرور:)
رد: كان فيه أسد يمشي..يمشي..يمشي..
 |
|
 |
|
رائع فيما طرحت
الله يعطيك العافيه
لك إحترامي
|
|
 |
|
 |
رد: كان فيه أسد يمشي..يمشي..يمشي..
حلوه القصه والاحلى وجود روضه فيها
عن تجربه احسن طريقه لنوم مباشره
الاستغفار كرره وبتنام بسرعه
رد: كان فيه أسد يمشي..يمشي..يمشي..
سلمت على ماطرحت
قثه حلوه
بس ماكملتها وين وصل الاسد <<ههههههههه
..
يعطيك العافيه
رد: كان فيه أسد يمشي..يمشي..يمشي..
الله يسعد روضه
خيالك رائع جدا ماشاء الله تبارك الله
يازين عنزات هايدي وبيتر
يعطيك العافيه ياقحطان
رد: كان فيه أسد يمشي..يمشي..يمشي..
اقتباس:
المشاركة الأصلية كتبت بواسطة سلطان فرحان الفاضلي
الله يعطيك العافيه مبدع فعلا
واعجبتني انك تتخيل ان عندك اغنام وتعدها
والله شكلنا بنجرب
هلا سلطان الله يعافيك أخي
لا تجرب هههه ان مايبى النوم يجيك
انسى...شكرا اخي:||astes||:
رد: كان فيه أسد يمشي..يمشي..يمشي..
اقتباس:
المشاركة الأصلية كتبت بواسطة انوثه مبعثره
سلمت على ماطرحت
قثه حلوه
بس ماكملتها وين وصل الاسد <<ههههههههه
..
يعطيك العافيه
سلمتي أخيه ويامحلى مرورك
بالنسبه للأثد,بعده ماوصل
بعده يمشي يمشي
يمشي:d
