قصيده من الشاعر / عبدالكريم سليم الصويدر البلوي للأخ / عز الرفيق

ياعبيد

ياعبيد صدقان الرخى مابهم خير *** لا بانت الحاجه بهم يذهبوني
لا بانت الحاجه بهم شكلهم غير*** هذي سميته في جميع العفوني
لا تقول لي ياعبيد هذي مقادير *** أن كان ماهو صح لا تنشدوني
رصتني الحاجه على عوير وصوير *** وانا لعصمان الشوارب زبــــوني
كم لياتاً يا عبيد جوني مسايير *** وافرح ليامن النشاما لفونـــــــي
لا جاني المحتاج مقوي المعاذير *** يخبرني الله والعرب يخبروني
لو ما معي بالجيب خمسة دنانير *** أريد خدمة صاحبي في عيوني
ماني على الدنيا كثير التحاسير *** دنيا تواليها القهر والغبونــــــــــي
دنيا تعشا بالرجال المنـــــــاعير *** كم خيرٍ فيها غطاه الكفوني
شاشوا بها بعض الرجال الدناقير *** ليت العرب من شرهم يسلموني
جماعة الأموال نــــــفاخة الكيـــــر *** ترقص عليهم وارفات الغصوني
عليهم الدنيا تدق المزامير *** دنيا تغر اللـــــــــــي بها يفرحوني
يوم اقبلت عنها عطيت المصادير *** العفو يا منشي صدوق المزوني
رزقي على بالهوا يرزق الطير *** لا راد شيئا قال له كن يكوني
العمر رحلة بعد عدة مشاوير *** رحلة تخللها الرجا والظنوني
والحي لو صكت عليه الطوابير *** ميت وهم في ساقته ميتوني
والقبر علمه عند وال التدابير *** لا بد الاحياء داخله يسكنوني
عبره لمنهم يحسنون التعابير *** أول منازلنا نهار الضعوني
صورت واقعنا من الفكر تصوير *** شاعر واجيد من القريحه فنوني

الشاعر

عبدالكريم سليم الصويدر البلوي

صح لسان الشاعر عبدالكريم الصويدر البلوي

ولاهنت يابو حمد .

أبوعاطف مبدع وشاعر كبير
وبيض الله وجهك أبوحمد على القصيدة

ماني على الدنيا كثير التحاسير *** دنيا تواليها القهر والغبونــــــــــي

فعلا قصيده تحاكي واقعنا الي نعيش فيه...

صح لسان قايلها ومشكور ابو حمد ...

صح لسان والله يعطيك القوه
مشكووووور

عز الله قصييده وصح السانك ابو سليم

بسم الله الرحمن الرحيم

كلمات رائعة ويستاهل ابو سيف كل الإحترام والتقدير لما عرف عنهـ حب الخير للجميع ومواقفه تدل على معدنهـ الأصيل
فشكراً للمادح والممدوح

شكراً ابو حمد على الإختيار

جعل الله الكلمهـ الطيبة في موازين حسناتكم جميعاً

العمر رحلة بعد عدة مشاوير *** رحلة تخللها الرجا والظنوني
والحي لو صكت عليه الطوابير *** ميت وهم في ساقته ميتوني
والقبر علمه عند وال التدابير *** لا بد الاحياء داخله يسكنوني


وصف وتذكير راااائعين

صح لسان الصويدر

وكل الشكرابو حمد

الله الله صــــــح الســـــــآنــه

قصيــده وحكــمه

يعــطيه العآآفيه