دولة(ن) في بطن دولة .

دولة (ن) في بطن دولة

واهني اللي هموم الناس ماتكدرنعاسه
مستريح البال واحداث الليالي ماتهزه
همه بشربه وزاده والشياكة في لباسه
ما نقل هم اليتامى والثكالى وسط غزه
لاطعام ولا لاباس ولا علاج ولا دراسه
يستغيثون العرب بدموعهم في كل حزه
كل معبر من معابرهم مدجج بالحراسه
من عدو(ن) في حصاره كل يومن يستفزه
اوهموهم بالتفاوض واشغلوهم بالرياسه
دولة (ن) في بطن دولة لاقرار ولا معزه
اشهد ان اللي يفاوض مابقت عزه براسه
مايجيب الذل عز ولا يجيب الخوف عزه
عام سبعة وستين انعرف بالانتكاسه
انتكاسه واحدثت وسط العرب عشرين هزه

: صح لسانك و اقول معارضة متواضعة محاوله

عباس وهنيه كل له موال براسه 0 0 وكل منهم لعمه يسجل الولاء والمعزّة

ماهمهم ظلم شعب فلسطين واحساسه 0
0 المهم السلطه وبين المحافل ترزه

جمعهم ابو متعب للصلح ويلين كل مافي راسه 0
0 0 ولمّا خرجو من المملكة كل شيطانه يوزّه

مازالت فلسطين ومقد ساتنا فيها مدنسه ومنداسه

لمّا تجار الاسمنت والكراسي فيها سوى من الضفة او غزّه

شكرا لك على القصيدة تقبل مروري

صح لسانك

لاهنت

حال يرثى له فلسطين العزهـ

قصيده جميله تحاكي واقع مرير
الله يحرر فلسطين
ويرزقنا الصلاه بالمسجد الاقصى

صاحب القصيده انت فارس بالشعر له شان
وليس ذيب على الرعيان

اقتباس:

---

المشاركة الأصلية كتبت بواسطة المنجور

: صح لسانك و اقول معارضة متواضعة محاوله

عباس وهنيه كل له موال براسه 0 0 وكل منهم لعمه يسجل الولاء والمعزّة

ماهمهم ظلم شعب فلسطين واحساسه 0
0 المهم السلطه وبين المحافل ترزه

جمعهم ابو متعب للصلح ويلين كل مافي راسه 0
0 0 ولمّا خرجو من المملكة كل شيطانه يوزّه

مازالت فلسطين ومقد ساتنا فيها مدنسه ومنداسه

لمّا تجار الاسمنت والكراسي فيها سوى من الضفة او غزّه

شكرا لك على القصيدة تقبل مروري

---

صح بدنك هلا وغلا نورت متصفحي وكل عام وانت بخير

اقتباس:

---

المشاركة الأصلية كتبت بواسطة سعود السرحاني

صح لسانك

لاهنت

حال يرثى له فلسطين العزهـ

---

صح بدنك وكل عام وانت بخير