صحيح ماجينا عبث لي حلم لكن المشكله / ( إهداء خاص .. الى )
الله ياهذا الطريق .. اغليه لو استجهله= اقول ماخبره وانا .. ماضيعه لو جيت ليل
كم جيت معه وقالو العربان لي وش جيت له= واقول لا .. ليه الغضب .. أنا رجل عابر سبيل
تاهت خطاه ولا لقي .. من يصدقه لو يسئله= هو جاء منين ..؟ وين ذاك ..؟ وليش..؟ ولوين الرحيل..؟
صحيح ماجينا عبث .. لي حلم لكن المشكله= القبيله / واهل الحسد / والظلم / والحظ البخيل
وصحيح اكثر خوفنا من الليال المقبله= نبني علي المجهول رغم .. إن الأمل فيها ضئيل
وسافرت في مركب خيال الى السنين الاوله= والعقل مابين الجنون .. وبين شيئٍ مستحيل
ورجعت افتش وسط ذاتي والعروق الناحله= لقيت جرح بوسط قلب .. يضمهن جسمٍ نحيل
ووقفت متعجب ومستنظر .. مرور القافله= فاتت سنه وانا انتظر .. هالقافله مثل الهبيل
