علمها وطمنها ترى ماني بناسيها .. ولكن حظي العاثر وقف لي ويش اسويبه..؟
المبدع / احمد شاهر
سامحك الله
انت السبب بهذه الاعترافات ..
شكراً لك
اليكم مع التحيه
.........:
1 _ طيف عابر
2 _ بقايا جروح امس
3 _ حظي العاثر
http://www.arab-x.com/uploads/Feb-06/efd805b4ac.gif
...........
على ذكرا بقايا الأمــــــــس =
ومع لحظة غروب الشــمس =
همس بذني غرامك همس= الا ياطيف ياعـــــــــــابر
سألــــــــته وين راح اللي =
ماغيره احدٍ يســـــــــــلي =
عســـــــــى ماهــــــو بمتغلي= على والا رحل هاجـر
وحـــــرت بعالم الأفكار =
وشعشع كوكب الــــتذكـار=
صحيح ان الزمن غدار= فرض امره على الصـــــابر
اخذ مني اعز الناس =
ترك لي همٍ وهـــــوجـاس=
ورحله انتـــــهت باليأس = وليــــلٍ يخدع الســـــــاهر
ورجعت اشكي هموم اليوم=
وانا مالي عن المــقسوم=
سماء حب اكتسا بغـــــيوم =غــــــيومٍ تكسر الخــاطر
ودمـــــعه تتبع لدمعه =
همــــــوم بقلب مجتمعـــــه=
وحظٍ يطفي الشمعـــــــه = بوجهي والزمن غـــــــــابر
بـــــعد ماكنت انا واياه =
رحل واللــي بقت ذكراه=
علـيـــــه اقول اهـ .. وأه =اردد أه واكابــــــــــر
زمــــــاني صرت انا لحالي =
حبيبـــــي وينه الغالي =
تعــــبت وطال مـــــــوالي =الا ياطيف ياعـــــــــــابر
_________
له صورةٍ عيت تفارق خيالي = متربعه على بقايا جروح امس
هي العزاء لامن تذكرت غالي = وهي كل تفكيري ليا غابت الشمس
_________
على شاطئ بحرمقناء.. تعيد النفس ماضيهـــــا= وتفتح صفحة الماضي.. وقلبي ويش اسويبــــــه
جروحي اه لو تــبرا .. ظلام الليل يحييهـــــــــا= يجدد جرحي الدامي .. بعد خفت تصاويبــــــــه
يابحر الحب واللقيا .. دخيلك كيف الاقيــــــــهــا= دخيلك عنه بشرني .. كفا جرحي وتعذيبــــــــــه
دخيلك يابحر قلي.. عسى ماحدٍ فرح فيهـــــــــــا= ترى قلب الشقاء غصنٍ.. سموم الصيف تومي به
دخيلك عطني البسمه.. وعيني لاتبكيــــــــــهـــــا= ترى عيني على الطاري.. ذريف الدمع تسريبـــــه
وعلمها وطمنها .. ترى ماني بناسيهـــــــــــــــــا= ولكن حظي العاثر.. وقف لي ويش اسويبــــــــه
