(سستر)..على شباك مستوصف الحي..!قصيده..!
_____________________
احبتي .. بهذا الصرح الشامخ
.
* إليكم هذه القصيده
وآملي ان تنال رضاكم واعجابكم
.
.
.الأهداء للجميع
واهداء خاص للأخوه العسكريين
وسامحونا على القصور
.
والى القصيده
.
.
(يقول)
.=
(سستر) على شباك مستوصف الحي=بيدينها دفتر على الصبح تقراه
مدري من ايات القبايل لفت هي=بالهند والا بالفلبين مرباه
لا وحلاة اللبس لايق على الزي=شقرا ومربوعه على ماأتمناه
هذي وجيه الرزق يوم اعرضت لي=لا يابعد وجه (.....) وطرياه
تشر لصاحبها واحسب اشرت لي=ضاعت أعلومي يوم يبدي محياه
خفت (العريف) المستلم ينتبه لي =وإلا انسحبت من الخفاره للقياه
قالت وقالت بس مفهم ولا شيء=تقول (وت) اهز راسي واقول آه
قالت حكي واجد وبتلاه (مي بي )=حكي انجليزي مااعرف ويش معناه
ياليتها يوم اهرجت ترجمت لي =والله لعرف اللي تقوله ولا انساه
تضحك علي واحسبن اضحكت لي =رفعت راسي قلت عزاه عزاه
ثم سكرت شباكها ماألتفت لي= وراحت لدفترها مع الصبح تقرا
.=
=* مسلم البويني
ــــــــــــــــــــــــــــــــــــــــــــــــــ ــ
وسلااااااااااااااااااااااااااااااااامتكم
وصحة ابدااااااااااانكم
ــــــــــــــــــــــــــــــــــــــــــــــــــ ـــــــــــــــــــــــــــــــــــ
الشعر
جميل وأنتم الأجمل..!
انتظروني بقصيدة (شد الظعن)
ودمتم ودام بخير وعافيه
ــــــــــــــــــــــــــــــــــــــــــــ
ــــــــــــــــــ
تحيه للأخ الشاعر / عايد السميري
فضلا لا أمرا التنسيق
ودمت اخا غاليا
