قصيده: ماحيئآالا مداه الموت

س1


هذه القصيده من جديدي فالحياه كلها الام واحزان وهناك مثل عند عامة الناس يقال فيه ماحيئا الا مداه الموت يعني مهما طال العمر فالموت ماعنه مفروايليكم هذه القصيده عسى ان تنال شئا من اعجابكم:-

ماحيئا الامداه الموت=مهما على بالدهر شانه
لوكان بيده عصى جالوت=له يوم تفتر ذرعانه
لوكان لبسه قصب وبشوت=من يدخله دون ديانه
ماينفعه لو يجر الصوت=ماله وناسه اورعانه
لاحط في قبره المنحوت=وردو على القبر تربانه
يصير في مرقده مبهوت=في رحمة الله وغفرانه
لاشك قبل يفوت الفوت=كلا يرجح بميزانه
العمر زهره وثم يفوت=يذبل كما العود واغصانه
شجره ومنها الورق محتوت=والامر لله سبحانه
اللي خلق فالبحور الحوت=عالي على الخلق سلطانه
اللي خلقنا وعطانا القوت=وباسط على الكون جنحانه
دنيا تقلب تقل ريموت=لو اربحت يوم خسرانه
كم واحدا حطته كبوت=تذرف دموعه على اوجانه
وكم واحدا جت تشوته شوت=دنيا لعينه وخوانه
وليا سلمنا من العكروت=ابليس مع زمرة اخوانه
فينا الوفاء والكرم مكبوت=والدين مااتهز عمدانه
بالطيب ياما عمرنا بيوت=بيتا على العز سيسانه
بدوا على جيش والا فروت=نتبع هوى القلب واحزانه
منقبل نعرف عصير التوت=الجار ملزم بجيرانه
وان كان خير الكلام اسكوت=ترى اصدق الشعر عنفانه

وسلامــــــــــــــــــــــتكــــــــــم

صح لسانك
شكرا لك على هاذه القصيده الرائعه ونتمنى لك طولة العمر

أشكرك على هذه الأبيات الجميله وهي بالدرجه الأولى تعتبر تذكير للغافلين عن الموت وسكراته ومابعد الموت لك الشكر شاعرنا المبدع المتميز

أبــ عاطف ــو

قصيدة
حكم X حكم
صح لسانك على الرائع
وننتظر المزيد من التألق
.

,,,,,,,,,,,,,,,,,,,,,,

ابو عاطف

صح لسانك وسلم بنانك على هذهـ القصيده الرائعه

دمت بهذا الشموخ

تحيااتي لك

محمد الرموثي,,

شاعرنا الغالي ابوعاطف 0 وصف وتصوير للدنيا وسرعه زواله مهما كان بها من مغريات ومن ينخدع بها وهي زائله نصيحه غاليه لنا من اخ نصوح وشاعرمتمكن لاعدمنى نصائحك
لك وافر الحب والتقدير دمت بالف خير

اخووك ابوسامي