لابتي يوم الرجاجيل يحمون الدخيل

السلام عليكم ورحمة الله وبركاته

الا هداء الى الشاعر الكبير عبدالكريم الصويدر


والى جميع أعضاء منتدى بلي الغالي والى جميع ساكني تلك الديار الغاليه

قصيده متواضعه أرجوا أن تنال على رضاكم وستحسانكم

يوم هاضت بي هجوسي وفضلت الرحيل=للوناسه رحت للي يلبي من نخاه
أبو محمد جعل عمره مع العالم طويل=العريب اللي عن أكثار فارق مستواه
قال ياابراهيم حمدان معنك بديل=ياخوي الدرب في كل حزه وتجاه
فوق جيباً مشراه الردي ولا البخيل=مشراه اللي الذي لانوى يلحق هواه
دق سلفه حزت الصبح ولا وقت ليل=ومانشد الا عن الطيب وبلوغه مناه
وبتدينا رحلة الصيد مع خطاً طويل=وكل ماجينا مكاناً عرفنا محتواه
مع دياراً جعلها كل ماجفت تسيل=من حقوق خيال يرزم وبرقه من وراه
ديرة اللي بالمواقف لهم جيشاً وخيل=أهل الطولات يوم الرجل يحمي حماه
أحتموها بالبنادق وبالسيف الصقيل=عن أعداها وعن قطاطيع طرق وعن طغاه
لابتي يوم الرجاجيل يحمون الدخيل=بلي بيضان الفعايل عطيبين الرماه
أهل المعروف والجود والمد الجزيل=كم كريماً يبذل الطيب مايبغا جزاه
وكل ماهاضت هجوسي من البدع الجزيل=أتغنا في هل العز يانعم العزاه

اخوي شاهين النوايف صح لسانك وبيض الله وجهك على القصيده الرائعه :|for you|:

صح لسانكـ
وصل الإهداء

لابتي يوم الرجاجيل يحمون الدخيل=بلي بيضان الفعايل عطيبين الرماه

ويستاهل شاعرنا الكبير عبد الكريم الصويدر

لابتي يوم الرجاجيل يحمون الدخيل
بلي بيضان الفعايل عطيبين الرماه
..
أهل المعروف والجود والمد الجزيل
كم كريماً يبذل الطيب مايبغا جزاه




..




الله يبيض وجهك يامحمد



وصح الله لسانك



جيت اتشرف بالتصفح


ويستاهل ابو عاطف الإهداء



ننتظر ردك يا ابو عاطف مالك عن الرد




تحياتي لك يامحمد


ودمت بخير

تسلم
اخوي
شاهين
وصح لسانك
كلمات في منتهى العذوبه والروعه

لاعدمنا ك
وتقبل اعذب التحايا

عبدالله

شاهين النوايف

صح السانك مليوون


ولاهنت


ننتظر رد الشاعر / عبدالكريم الصويدر


دمت بخير