عزي لحالي .. للشاعر المرحوم ساعد الألبد

بسم الله الرحمن الرحيم ..

هذهـ قصيدهـ للشاعر .. ساعد عودهـ الألبد البلوي رحمة الله

قالها عندما قل معه السمع والنظر وهو يعبر عن نفسه ويقول ..

من يوم شوفي راح عزي لحالي = والسمع مايدري عن الحس هو وين
من راح شبه وانتهى حاص تالي = ومع الكبر يصبر على العفن والزين
الشيب عجزني وكثر خمالي = وقاموا يحسبونب حساب المساكين
ماطيب لو كلاً يجيب الدواء لي = حيث إن عمري زاد فوق الثمانين
الشي روح من طوال الليالي = وحنا نطاردهن على العسر واللين
اقفا كما يقفن مزون الخيالي = قفت به الحايه وهبوبها شين
ياسين ياشباً بوقته غدالي = اللي مسنعني مع الناس ياسين
تلبس لنا الدنيا بزين الدلالي = تظف الدلال وتدعج الكحل بالعين
واليا ادبرت تمظغ على كل جالي = وتركي علنا بالظروس الطواحين
وياما أفنت الدنيا رخصٍ وغالي = وياما فنت حيٍ بثر حي مقفين
يامطارد الدنيا مداك الزالي = واليا أنتهت حسبتك ماتزاد يومين

هذا ولكم أطيب المُــنــى ،،

هذهـ القصيدهـ مأخوذهـ من الراوي .. سعود عواد العرادي

الله يعطيك العافيه يا سلمان العرادي قصيدة جزله ومن شاعر جزل

والشكر ايضا للراوي سعود عواد العرادي

دمت بخير يا غلاهم

الله يرحمه ويسكنه الجنه وامواتنا واموات المسلمين

سلمان العرادي


الله يعطيك ألــــــف عافية .. ورحم الله الشاعر رحمة واسعه ..


ودمت كما تحب عزيــــزي

ابو سالم

صح لسانكــ ولسان الشاعر المرحوم ساعد الألبد ..

وسلمت يمينك

,

سلمان العرادي

لاهنت على نقل هذه القصيده الجزله

ورحم الله الشاعر