قصيدة المطيري الذي يسب منصور البلوي .. ورد شاعرنا محمد عوده القويعاني ( عليه )

هذه قصيدة نشرت بإحد المواقع / لـ الشاعر عبيد البديري

وهي تهجم وسب لـ منصور البلوي

اليكم القصيده

ورد الشاعر الكفو : محمد عوده القويعاني البلوي

يا محمد الفيصل سلايل كحيلان=يا بن الشيوخ اهل الوفاء والكرامه
حفيد مجد (ن) مايقدر بالاثمان=المجد مجدك وأنت قمة سنامه
ابوك وثق منسبك عند سلطان=تاج الملوك اللي رفيع(ن) مقامه
سيد وابن سيد على مر الازمان= سادات بالدنيا ليوم القيامه
المسأله ياسيدي جالها شان=قامت تناهشنا فروخ النعامه
شتان بين الامس واليوم شتان=يامير ياراع الوفاء والشهامه
لامن سكتنا زان وضع الردي زان=سفيه مايخشى كلام الملامه
خلفه حثال المجتمع حقدهم بان=اطيبهم اللي مايقدر كلامه
خسران لو انه من المال شبعان=المال مايرفع رجال الرخامه
كبرت اجنوبه يوم خير الوطن حان=هو مادرى انه صفر لولا عمامه
هذا ليامن الزمن شان ثم شان=تحت ظلالك يهتني في منامه
وانته لك التاريخ والمجد عنوان= وهلالنا يبقا زعيم الزعامه
واختامها يامير ياطير حوران=عزك يدوم وعز غيرك ندامه

رد
الشاعر : محمد عوده القويعاني البلوي

يا عبيد يا راع القوافي والألحان=بديت لك في علم واسمع تمامه
كلام واضح مادخل فيه بهتان=ولا سوّقه راعيه واخلف نظامه
بالمختصر ياعبيد وش فيك بلشان=والسالفه مابين قامه وقامه
محمد الفيصل غني عنك يافلان=مجموع مدحك مايزيده علامه
موثق الجدين في كل ميدان=له منصب وقيمه وجاه وفخامه
ومنصور شيخ ويعتبر ضمن الأعيان=يمناه ما تقصر وذخره حزامه
اللي عطاه الله بلا منّة انسان=واللي تشيله بالمواقف عظامه
ربعه بلي عز ومعزه وشجعان=وقت الرخا ولاّ نهار العسامه
شيوخ جاه وبالميادين فرسان=والعز لاحفاد الصحابه وسامه
واليوم حنا بحكم ذربين الايمان=والامر كله في يديهم زمامه
ال السعود وكل علمٍ فـ برهان=موحدين الصف بعد انقسامه
بين الاكارم ودك تصير شيطان=لا تود خير ولا تمنا سلامه
ياعبيد بعض الهرج للرجل نقصان=خزاه يبقى بوجه راعيه شامه
والاختلاف اللي حصل بين الاخوان=سلطان حلّه باعتدال وصرامه
السالفه هانت وكل امرها هان=وانت بمحلك في طعوس الثمامه
في غيبتك ما احد فقد شيخ فهمان=وفي جيتك ما احد عطاك اهتمامه
ياعبيد رايك مايغيّر بالاوزان=والعلم مسكه يالبديري ختامه
ان جيت ضمن الخيل ما تحسب حصان=ولافيه لك بمزاحم الروس هامه
غلطان في فزعتك هذي وخسران=وكلن يسجلها عليك انهزامه
ليه اشتريت وبعت والدين الاحسان=اتبع حلال الشرع واترك حرامه
خليتها خارج نطاقات الالوان=مدري خباثة قلب ولا غشامه
غلطان باللي قلت غلطان غلطان=لا تزعل المسلم و تجرح صيامه
وكان الطمع جابك ومضمونك لسان=عسا حصل لك ثوب ولاّ عمامه

يعطيك العافيه وصح لسان القويعاني

ومنصور شيخ ويعتبر ضمن الأعيـان

يمنـاه مـا تقصـر وذخـره حزامـه

اللـي عطـاه الله بـلا منّـة انسـان

واللـي تشيلـه بالمواقـف عظامـه

ربعه بلـي عـز ومعـزه وشجعـان

وقـت الرخـا ولاّ نهـار العسـامـه

شيـوخ جـاه وبالمياديـن فـرسـان

والعـز لاحفـاد الصحابـه وسـامـه

أولآ نشكر شاعرنا محمد عوده القويعاني البلوي.

والله القصيده أخرست الحاسد الي بقلبه يكن الحقد.
قصيده قمه ورائعه وأنا أقول والله تكفي لكل من يسب الشيخ منصور.
ألف شكر أخي عايد السميري تقبل شكري
دمت بخير

صح لسان الشاعر القويعاني

ويستاهل أبو ثامر.

والغريب في الأمر يا إخوان , أنني وجدتُ قصيدة المطيري في موقع ( نبض المطر ) وقد كتبها البديري بمعرّفه, وعندما قمت بتنزيل قصيدة الرد للقويعاني , قامت إدارة المنتدى بحذفها , فقلتُ لهم أليس من باب العدل والإنصاف بقاء القصيدتين معا أو حذفهما معا, ولكن لاحياة لمن تنادي فقد حُذفت قصيدة القويعاني مع بقاء قصيدة عبيد البديري.

ومما يستدعي الضحك أيضا , أن الشاعر المطيري يقول أنني لم أصرّح باسم ( منصور البلوي )

وأقول أنا وبالعامية ( بلاش نكذب على بعض ) فمن المقصود إذن بـــ :

( فروخ النعامة , الردي , سفيه , كبرت جنوبه , رجال الرخامة, حثال المجتمع )

وإن كان الشاعر ( عبيد المطيري ) جاهلا بما يكتب , فأود أن أقول له أن هذه القصيدة لم تمس منصور البلوي فحسب وإنما مست القبيلة بأسرها , وإلا فما المقصود بــ قامت تناهشنا فروخ النعامة.

وفي النهاية أود أن أذكركم ببيت المتنبي:

فإذا أتتك مذمتي من ناقصٍ 000 فهي الشهادة لي بأني كاملُ

وإليكم هذا الرابط فاطلعوا عليه , وإن كان وضع الرابط مخالفا لقوانين المنتدى , فلن أغضب لحذفه.

صح لسانك يا محمد القويعاني
كفيت ووفيت انشهد انها مسكته
وما بعد ردك رد ... والله برد حرتي فيه
تسلم والله انك كفو
وشكرا اخي عايد السميري لاهنت

ياعبيد بعض الهرج للرجـل نقصـان

خزاه يبقـى بوجـه راعيـه شامـه

والله أن البيت هذا يسده

سلمت يا أبو عوده عزالله ماقصرت بيض الله وجهك ياالغالي

أبو سالم عزالله أنك كفو وماقصرت في الطرح أنت والشاعر أبو عوده