هـديـــــه متواضعـــه لمشايــخ القبيلــه وافرادهـــا
ياهاجس الشعر جملني لحـل المجـال = استرسل افكاري اللي غنّـت الحانهـا
ابغاك تجمع مابيـن الجهـد والاتكـال = مايكفـي الجهـد كـان الله ماعانهـا
اختار من واردات الفكر زين المقـال = واحسن صياغـة معانيهـا وبنيانهـا
ودي تلبّس بيوت الشعر ثوب الجمـال = من شان مايهون على النفس نسيانهـا
واحذرعن الكلمه اللي مابها راس مـال = اوجز وزنها قبل ما يطيـش ميزانهـا
علم اليقين الموثّـق يبطـل الاحتمـال = والحجه الصادقه مـن قـو برهانهـا
الصدق يهدي طريق البر في كل حـال = والبر يهـدي الـى الجنـه وبيبانهـا
ومن بعدها نطلب المولى عزيز الجلال = يحفظ لنا دارنـا مـن شـر حسدانهـا
نرفع يدانا لمولانـا دعـاء وابتهـال = يحفظ لـذا الـدار عبـدالله وسلطانهـا
سلام من طيب ورد مخالطه طيب فال = للعزوه اللي بنيت القاف من شـا نهـا
ربعي بلي يوم أعد من الرجال الرجال = اعدهم مـن قديـم الوقـت فرسانهـا
اقراء تاريخ العرب يغنيك عن السوأل = تلقـا مواقـف قبيلتنـا وشجعانـهـا
من فجر الاسلام يومن المساعي قـلال = يوم المغازي ظهور الهجن واحصانهـا
لنا مع المصطفى صحبه لها العمر طال = دايـم تجـدد مـع الايـام و الوانهـا
يا كم صلنا وجلنا بالرهـاف الصقـال = ويا كم جبنا ركـاب القـوم برسانهـا
ربعي لهم حزة الشـدات قـو احتمـال = ون دندنـت حربهـم ياقـو دندانهـا
ربعي ذرى مستكن الخوف وقت الخيال = ومكرمـه ضيفهـا وتعـز جيرانهـا
ان شطت الريق ربعي للموارد حبـال = ما ردها الموت تسقي كبـد عطشانهـا
معادن الناس تصقل في نهـار القتـال = يوم اجهـد النفـس طالبهـا وديانهـا
اشيوخنا ترتكي للحمل مثـل الجبـال = وعز القبايـل مـن الله ثـم شيخانهـا
المشكله لونها من الشامخات العضـال = تصغر لمنـه سعـى فيهـا سليمانهـا
لهم مجالس تيزل عن النفوس العـلال = ترتاح نفسـك لمنـك جيـت ديوانهـا
البن الاشقر يفوح بجوف صفر الدلال = الهيل والزعفران اللي بهـا .. زانهـا
يا شيخنا كلنا لـك طاعت ٍ وامتثـال = سفينة الخير تجـري وانـت ربانهـا
و العفـو ياعزوتـي لله كـل الكمـال = وإن كان انا احسنتها من ربي احسانهـا
وسلامتكم : عيد بن قيضي الوابصي البلوي
رد: هـديـــــه متواضعـــه لمشايــخ القبيلــه وافرادهـــا
الكمال لله عز وجل سبحانة ....وسبحانة الذي أحسن صاحبها كرما واخلاقاً وذوقاً وشعراً ...
ابو كرم عزالله أنها كاملة والكامل وجه الله وماهي غريبة عليك المعاني الجزال والشعر الحقيقي الجميل الحذر الذي قليل مانجده في هذا الزمان ...جيت بهذه القصيدة من الماضي البعيد الجزيل ...ماقول الا أحسنتها يابن قيضي احسنتها يابو كرم الله يعطيك العافية ...لك احترامي،،،اخوك فواز بن جبيل
رد: هـديـــــه متواضعـــه لمشايــخ القبيلــه وافرادهـــا
*شكراً من القلب*
*وصح لسانك ..وبارك الله فيك ..
ياشاعرنا القدير والرائع /عيد الوابصي*
*فلك فائق تحياتنا وتقديرنا*
*ودمت بخير وعافية وراحة بال*
****
رد: هـديـــــه متواضعـــه لمشايــخ القبيلــه وافرادهـــا
عيد بن قيضي البلوي ركن من اركان الشعر بعيدآ عن المجاملات شاعر حقيقي وموضوع مستحسن وافكار رائعه بعدة مواضيع مزجتهــا بخصال الشعر وأطيبه والدعاء لولاة الامر والسلام والافتخار بالقبيله وشيخهــا....
هنا اقول بان الجميع يفتخروا بوجود شاعر مثلك.
رد: هـديـــــه متواضعـــه لمشايــخ القبيلــه وافرادهـــا
الآخ عيد بن قيضي
شاعر متمكن- لديك مشكله واحده فقط في معظم مشاركاتك
أتمنى منك الآنتباه لها
تقبل أحترامي وتقديري - وأرجو لك مزيد من التميز
رد: هـديـــــه متواضعـــه لمشايــخ القبيلــه وافرادهـــا
اخوي \ يعطيك العافية على القصيده وصح لسانك واتمنى من جميع اخواني الشعراء عدم البخل على مشايخهم وافراد قبيلتهم بكتاباتهم لان في ذلك توثيقا لهم