قصيدة مهداه للعميد إبراهيم البلوي

هذه الابيات مهداه لسعادة العميد/إبراهيم بن سليم البلوي

سر ياقلم وأكتب على البوك الابيات =قيفان شعراً تو فكري نضمها
وأخص أنا إبراهيم بالاسـم والذات=قرماً تعـلا العالية من قممها
له سـيرتن فوق النجوم المطلات=بالطيب والأخـلاق قدمه رسمها
هـذاك ابوفارس رفيـق المهمات=كم روس قومن بالمـلاقا دحمها
ربعه رجـال الطيب وهل الشكالات=والضيف يذكر فالليالي كرمهـا
دون الخوي والجـار يقفون وقفات=وأفعولهم بالطيب محداً هضمها
ينصـاه شـعري والبيوت الجزيلات=قيفان من همه بروحه سـقمها
ينخـا عريبن له مكانـه وفزعـات=لاقـام ابوفارس بدعون حسمها
نائب مديـر الفرع راع البطولات=لو الصعايب قدم وجـهه هزمها
حرن يوقع فوق روس الطويلات=من روس قوماً عالياتاً أهممهـا
جعلـه يحل أعقود قيداً صعيبات =وينقل بعيداً هم روحه سـقمها

شعر : نايف الروقي

الله يبيض وجهك يا نايف الروقي

وتسلم

:|hart:| تسلم ابو معدي والله يبيض وجهك
اشهد انك شاعر

تسلم ياعمهوج على هالقصيده ا لجزله ولاهي غريبه الجزاله على عتيبه والروقه بذات والممدوح يستاهل

السلام عليكم ورحمة الله وبركاتة

,
عمهوج بيض الله وجهك
والعميد إبراهيم بن سليم البلوي
رجل كفو وكلاً يشهد له بذالك ويستحق المدح
حقيقة الله يوفقك يا أبو فارس

**صح لسانك والممدوح يستاهل المدح وقول
وفعل
ونعم تاريخ حافل وسيرة عاطرة*

*وشكراً جزيلاً لك*

*فمن لايشكر الناس
لايشكر الله سبحانه وتعالى*

***