][ .. طـوّل غيــابـك .. ][
][ .. طـوّل غيــابـك .. ][
أنا نفسي .. تجاوبني .. عن أسباب الغياب .. وليه ؟ = تشح بفرحتي .. بمواصَلك .. و(إ) تجرّح .. الصوره
كفاني .. من غيابك .. ياغيابي .. عن جِسد .. تكسيه = خفافيش الظلام .. ودق بابك .. وإنطفــى .. نــوره
إذا كان الغياب .. سنين .. أنا متْ .. بغيابك .. فيه = ألا ياكيف .. بتحمّل .. سنين البعد .. وشهـــــوره
تعال .. ويمّم إحساسك .. على ترابي .. ولا تخليه = تعال .. وحنّ لديار ٍ .. بها الأحلام .. منثــــوره
تعال وشوف وش باقي .. من أزهار العتب .. وإسقيه = تعال وحس ّ .. زلزال الغياب .. وطالبك .. زوره
علامي .. كل ماجيت .. آآآتوسّد .. جمرك .. وأطفيه = لقيت الجمر .. رمّد .. والمسافه تموت .. مقهوره
علامي .. كل ما .. أطوي مسافه .. في هواك > آآآتيه = وأشوف إركابي .. (إ) برحلت غلاك .. تموت .. منحوره
علام الدرب .. في رحلت وصالك .. ضاق في جنبيه = علام الليل .. في رحلت وصالك .. زاد ديجوره
شبعنا .. يازماني من جفاه .. وليتنا .. نرضيه = نضحي .. والليالي كـِنّها .. بالحــب .. مسعــوره
ياقلبي ويش أسوي ؟.. أرزع الطيبه .. وأجي أجنيه = وألآقي إيـديّ .. في لحظة .. جناه .. تصير مبتوره
ولا فاد إنتظاري وسط .. صالات الأمل .. أرجيه = وأشبّ الجرح نار .. وأفرج لدمعات .. مأسوره
وأشد الحيل .. في كسر الحواجز .. بيننا .. وأشريه = وأشوف الأجنحه .. لاسافرت له .. تطيح مكسوره
وإذا كان [ الغياب ] .. أرحم عذاب .. لشوفتي يهديه = أنا راضي غيابه .. والعذاب .. تكون له >> دوره
أسعد السحيمي
رد: ][ .. طـوّل غيــابـك .. ][
[center]اسعد السحيمي [/center]
عندما تحضر يحضر معك الإبداع
قصيدة عادت بنا ايام زمان كانت جميلة كجمال قصيدتك
تسلم على الفكر الراقي والكلام العذب
صح لسانك وتقبل اعجابي
رد: ][ .. طـوّل غيــابـك .. ][
الاخ والشاعر والاستاذ / أسعد السحيمي
يا أسعد احس اني ان قلت صح السانك ماوفيت
ويا أسعد لو اني اقول مبدع وجزل ورائع ومتألق احس اني
ظلمتك
الحروف عن التعبير عجزت وانا محرج منك
ولكن ما أملك والا ان اقول عسي الله يوفقك
وكنت اتمني ان اكون اول متصفح
لك تحيتي ومحبتي
سلطان القنيدي
رد: ][ .. طـوّل غيــابـك .. ][
هلا والله
اســعــد
وصح لسانك بلا عدد
رائع بكل حرف
تسلم
عبدالله
رد: ][ .. طـوّل غيــابـك .. ][
طول غيابك يا اسعد
ولكن جبت الغنايم
بهذه القصيده التي تتوهج ابداعا
من اول بيت الى اخرها
تقبل تحياتي
رد: ][ .. طـوّل غيــابـك .. ][
اردت ان اقتبس من القصيده فلم استطع
لانني ساظلم نفسي اولا قبل ان اظلم القصيده
هنا ارتوأت شعرا وابداعا
اسعد السحيمي شكرا للغياب اللذي اخرج لنا هذه الرائعه
وشكرا ليراعك المبدع
تقبل مروري ودمت بخير
