اي نوع من الاطفال كنت

شخبآركم ؟؟
\\ إن شآء الله على أتمم حآل

أسمعوني ..

لما كنا صغار كانت الدنيا علوم ، لكن لما كنت صغير أي نوع من الأطفال كنت ..

الطفل البريء
في البيت تلاقيه حبوب وطبيعي 1 % ، لكن مع دخوله المدرسة تنمحي شخصيته ، فتكثر الإصابات في وجهه .. لأنه مايدافع عن نفسه .

الطفل العنيد
يطبق نظام البيت بالعكس ، يسوي اللي برأسه ، مايخاف من الماما أو البابا ، لو قلت له هذا خطر لا تقربه عناد فيك يسويه ، ياكثر مايضرب في طفولته ، ومع ذلك عنيد مايغير راية .

الطفل الحنّـان
يستخدم وسيلة الحنة لتلبية رغباته ، له نغمه خاصة في البيت ، تلبى رغباته غصب عنك ، يعانون أهله من الصداع المستمر .

الطفل المادي
هذا الطفل مايرد السلام إلا بفلوس ، تعامله مع أهل البيت مادي بحت ، يستخدمونه لتوصيل طلبات المنزل ، ونقل السوالف وكل شي بحسابه .

الطفل الفتّــان
تلاقي عند هذا النوع جميع أخبار البيت ، يلاقي المتعة في إذلال غيره بالفتنة عليه ، ماله خاتمه ، هذا الطفل حتى لو شريت سكوته بفلوس ، توقع تلقى أخبارك ثاني يوم في الصفحة الرئيسية في الجريدة الرسمية .

الطفل الدلوع
هذا دلوع ماما وبابا ، يكرهونه باقي الأطفال لأنه مرفه وشايف نفسه عليهم ، تلبى رغباته قبل ليطلبها ، شخصيته اتكاليه جداً .

الطفل العله
يزعجك بأسئلته إلي ماتنتهي ، يستفسر من كل شي ، حتى لو عطست ، قالك شلون عطست ، وليش عطست ، وشلون تكونت العطسه ، يحرجك أحياناً ، ويمكن دائماً بأسئلته مره تجاوب عليه ومره تسفهه ، وأكثر الأوقات ماتلقي إجابة لأسئلته لأنك في الحقيقة تجهلها .

الطفل الداج
هذا الطفل مستحيل يجلس في البيت ، يعيش في الشارع أكثر من بيته ، خبره ودليل في كل ممر وطريق ، يعرف طول الشارع بالسنتيمتر ، من الممكن أن يصبح إذا كبر مهندس طرق .

الطفل الملسون
يستانسون أهله على سوالفه ، فصيح جداً ، ويلقط العبارات والمفردات بسرعة مذهله ، يسبب إحراج دائم لأهله ، يمكن يقول كلمة بالغلط للضيوف أو الأقارب ، يتميز أحياناً بقلة الذوق والوقاحة إذا انفعل ، لاينصح باستفزازه أبداً .

الطفل اللزقه
تلقاه مسنتر عند باب البيت ، محد يطلع إلا وهو لأزق معاه ، حتى الضيوف من الممكن تلقاه يلزق فيهم ويطلع معاهم ، ياكثر ماينضرب وخاصه من أخوانه اللي اكبر منه أو أخواته ، لأنه عبارة عن رادار على طلعاتهم ، أحياناً يضطرون يطلعون من شباك البيت للهروب منه ، ولكن للأسف يلاقونه بانتظارهم في السيارة ..ويسألهم ليش تأخروا عليّ .

الطفل الهادي
هذا الطفل ماله صوت ابد ، وين ماتحطه تلقاه ، أحياناً يهملونه أهله لأنهم ناسينه ، وأحياناً يلقى اهتمام زائد من أهله ، لو يموت من الجوع ماتكلم ، في كثير من الأحيان تلقى أهله ناسينه بالسوق أو عند الأقارب أثناء الزيارات .

الطفل القوي
أهله دائماً في إحراج ومشاكل مع الناس ، هرمون الأجرام مرتفع بنسبة عالية في جسمه ، في كل جبهة طفل في منطقتهم تلقى له أثر وتوقيع ، يمثل القائد والفتوه ، يهابونه الأطفال ، يتقرب منه الكبار ويتوددون له حفاظاً على سلامة أطفالهم .

^_^

هلا أخوي مشعل

بس أنت نسيت نوع مهم من الأطفال ما ذكرته ضمن الأنواع

الطفــــــل إلى ما مر بمرحلة الطفولة ليه نسيته هذا أهم نوع .
طبعاً مو يعني الولد انولد وعمره 15 سنة لا .
تحصل أبوه يعامله معاملة رجال كبير يعتمد عليه في كل صغيرة وكبيرة .
وتحصل علومه أكبر منه .ودائماً يقهوي الرجال والدله أكبر منه ومحد يقول له أجلس وأنت تقهوي تحصله جالس بالمجلس مثل الصقار يوم يحط الصقر عند لا يتكلم ولا يتحرك غير أنه يناظر بعيونه الحاضرين وبصمت .
بس المشكلة ما قام يستخدم طفولته غير يوم كبر وصار شايب .
أما هي حوسه شفت كيف انقلبت الموازين .
حتى أن الشياب صاروا يسألوا عنه إذا ما شافوه وهو صغير كأنه شايب وين فلان .
لا يكون ركبه توجعه ولا لايكون ظهره يوجعه .وكأنه شايب .

وشكراً

اخوي مشعل
معليش فيه انواع من اطفالنا لاتنطبق عليهم هاذه الصفات
مثل الهدوء النظافه الذكاء الدلع
البزر تلقاه ورع على رقم جني
تقبل مروري

طرح طيب من رجل يعتبر اميرآ في كل مواضيعه الرائعه .. لذلك لازم ترجع اميرآ للذوق يا ذوق ..اشكرك اخي نايف ولك تحياتي

عزالرفيق ,ماجد سيمان البلوي ,شيهان بلي
اسعدني مروركم العطررر
على الموضوع ,ونقدكم اعجبني
ومشكوووورررين
ش1

اقتباس:

---

المشاركة الأصلية كتبت بواسطة ماجد سليمان البلوي

طرح طيب من رجل يعتبر اميرآ في كل مواضيعه الرائعه .. لذلك لازم ترجع اميرآ للذوق يا ذوق ..اشكرك اخي نايف ولك تحياتي

---

السن له دور
،،،
ابو سعد هذا مشعل ماهو نايف
هههههههههه
،،،،
وفقك الله