نصيحـه للوالـد الشاعـر / أبراهيم السحيمي

السلام عليكم ورحمة الله وبركاتة


هذه القصيده عباره عن نصيحه للوالد / ابراهيم صالح السحيمي


اتمنى ان تصل للذائقه


.................................................. ...

جبت القلم والحبر وأكتب .. بالأبواك = وأرسم على بيض الصحايف .. رساله
انصح عيالي .. مابها شك شكـّاك = ماهو بعيب الرجل .. ينصح عياله
ما أخص فيهم واحد ٍ .. غير ذولاك = ولاني من أللي يغلي واحد .. لحاله
إمسك وصاة ألي على العز .. رباك = كنـّك فهيم .. وعارف ٍ بالرجاله
نصيحتي .. لاتبيع دينك > بدنياك = أد الفرايض .. بالوفا .. والكماله
وآلديك .. برضاهم .. يجي والله رضاك = إليا أسعفك مولاك .. رضاهم عداله
لرضيتهم يابوك .. يرزقك مولاك = من حيث لاتعلم يمينه .. شماله
وانصَح عن النمام .. بالعون ياذاك = يقول قول .. وقال : هذاك قاله
ينقل كلام الزور .. وبالكذب يبلاك = زايد عن أسنانه بكثر .. النذاله
لاتخاوي المحتال .. بالبير يدلاك = بير ٍ وسيع .. وتنقطع بك حباله
لاتخاوي إلا خيار .. لاطحت يرفاك = إليا برك للحمل .. بالعون شاله
لاتخاوي ألي بأوسط الدرب .. خلاك = عند اللوازم .. تايه ٍ به خباله
والكذب / لاتخليه .. بالعسر ملجاك = عد الصحيح ألي وسيع ٍ .. مجاله
درب الردى .. مايصير لمثلك .. وشرواك = راع الردى .. خسران في ماطراله
وراع الجمايل .. لا لفاك .. وتنصـّاك = يازينها يابوك .. رد الجماله
والضيف ضيف الله .. حيـّه .. إلا جاك = عطه ماجوبه بالوفا .. والنفاله
ولاتشرب الدخان .. يالله .. تحماك = يوذي .. وتصبح منه حالتك .. حاله
والمخدرات بشربها .. تهلك إهلاك = تـِفقد قليل العرف .. حاله .. وماله
بوسط الشوارع كنها .. لجة أدياك = سارو على درب الدنس .. والرذاله
وأحرص على دينك > وعرضك > وذكراك = ودرب الرجاله .. ماهو سهل ٍ مناله
ولاينفعك ياكود .. ( حوشك بيمناك ) = تترك حرام المال وتاخذ .. حلاله
كنـّك كثير المال .. كل ٍ تمناك = وأما قليل المال .. محد ٍ صفاله
وإلا مشيت الدرب .. عينك لماطاك = عن الدروب ألي عوجهن .. طواله
حذرك جليس السو .. حذراك حذراك = يجركم .. جر الرشا .. للمحاله
يضحك بوجهك .. ثم يخلف نواياك = يلعب على الحبلين .. فيما بداله
خلك فهيم .. ومنتبه عن خطاياك = والدرب دله .. واضح ٍ بالرساله

للشاعر / ابراهيم صالح السحيمي

صح لسان الشاعر ابراهيم صالح السحيمي قصيده جزله

ويعطيك العافية يا اسعد السحيمي

صح الله لسانك ولسان والدك الشيخ إبراهيم الصالح


ومن شاف شعرك وشعر أبوك يابو ريما مايقول إلا هذا الشبل من ذاك الاسد


أرويتنا شعراً أيها العذب



أطيب المُــنــى ،،


سلمان العرادي

صح لسان الشاعر ابراهيم صالح السحيمي

اشتقنا لجديدك يا اسعد لا تحرمنا منه

تقبل تحياتي واتمنى نقل سلامي لوالدك

أسعد السحيمي







الله ماهذا الابداع ماشاء الله تبارك الله :eek:






واقول أسعد مبدع واثريه ماجاب الابداع من بعيد(هذا اليث من ذاك الضرغام)






نص ممتلئ بالحكم والنصائح المفيدة







محبتي لك

سلطان القنيدي

صح لسانك ولسان والدك

قصيده جزله ونصايح تنوزن بالذهب

تقبل مروري