(المزون الروايح)

السلام عليكم ورحمه الله وبركاته


اقدم لكم اليوم قصيدهـ رائعه وجميله , من اكثر القصايد التي اسمعها وهي ( المزون الروايح) للشاعر الكبير خلف بن هذال العتيبي اتمنىآ ان تحوز علىآ رضاكم.

هذا مقطع صوتي لها/








أخذت من روحي لروحي نصايح = ثلاث يرضن النفوس الضياقي

جمع الحطب ومعلقات الذبايح = وحذف النشاما للغتر والطواقي

بقفرٍ خلا عشبه بالأزهار فايح = غصن الخزاما له بالآخر مراقي

تلقى أم سالم به تجر النوايح = يطيب مع طير الربيع التلاقي

بين أربعة جدران مانيب طايح = قطع الخرايم جبّرت عظم ساقي

في نون عيني بارق الوسم لايح = كن السحاب تسل فيها السناقي

إن عوّدوا غب المطر للفلايح = مانيب فلاحٍ يعدّل سواقي

عوّدت للي يكسبن المدايح = فيهن طرب قلبي ولذة مذاقي

سود البكار المكرمات المنايح = هاذي ضوت خلفة والأخرى ملاقي

ملحاً تباهت بالصميل يتمايح = تركي على كبد الحسود العراقي

خلوني أقضي باقي العمر سايح = مادام للعمر المطرّف بواقي

أمشي تحت غر المزون الروايح =ه ذا هواي ورغبتي واشتياقي

يرتاح بالي يوم أودّه وأصايح = وأبسط فراشي في مبارك نياقي

أنحاش عن ناسٍ تسوي الفضايح = عاشت بسوء أخلاق كذب ونفاقي

ناسٍ تسرّد للمشاكل شرايح = تثير من بين الأخوان الشقاقي

كل الحياة أحلام والعمر رايح = طرقي بها الدنيا وغيري طراقي




اتمنىآ انها حازت علىآ رضاكم تقبلوا تحياتي ودمتم بود .