حماد السحيمي (نهاية رجل شجاع)

	حماد السحيمي (نهاية رجل شجاع) البدايه وكادت ان تكون النهايه قام احد الاصدقاء بدعوتي للافطار عنده وبعد الفطور والسواليف استأذنت من عنده وذهبت للسياره وهيه من نوع فورد وبعد ماركبت السياره ادق سلف الا ماحولك احد دق سلف ولا دقه فك الكبوت حرك البطاريه مافيه كل شي تمام غير اسلف مايدق .الا والجوال يدق ماغير اسمه يشع بجوالي طبعا مخزنه بالجوال(بحبك يا....)ماعلينا الو هلا وغلا حماد اخبار حماد هلا وغلا يا ........كيفك مر تقهوا (حماد لك ولا لذيب وانت تعرف طبعا ان الذيب.........) حماد يخسى الذيب امر تحت امرك وانا اخوك قلته القصه وموقعي غير وابو فيصل يقول خمس دقايق واكون عندك وما جلست خمس دقايق غير و(سوبرمان بلي) مقبل علي قال لي ساطحه ساطحه قلت يا شين اكشف على السياره قال فك الكبوت دق سلف الا والوضع زي ما هوه قال ابو فيصل خلاص عرفت اسبب وفسخ ثوبه (وصار مثل زيتونه حبيبة باباي)وقال ابي كشاف الا وصديقي البقمي معطيه الكشاف المهم اندس ابو فيصل تحت الماكينه تقول (خبز في يد خباز مدخله على النار )ومن تحت السياره هاه يا ابو فيصل بشر قال ابي ليور (الي يسمع يقول في غرفة عمليات)وقام البقمي اعطائه اليور وقام يدق يدق في السلف ومن تحت قال شغل ما يمديه يقول شغل الا وانا راكب في السياره وقمت اشغل على العموم(السياره نزلت على حماد تدرون الوزن له دور غير وحماد يصيح طفي مت طفي والبقمي يقول لي يا ابو عايش طفي المهم طفينا السياره وجينا نطلع حماد وقمت برفع السياره والبقمي http://albluwe.com/~uploaded/675/1192042790.jpg يسحبه مع كراعينه الا وجه ابو فيصل ساير زي وجه الحسن كيتا لاعب الاتحاد من الزيوت والشحم قلت له سلامات يا ابو فيصل قال الله يسلمك بغيت تذبحني يا...... يارجل الحديده الي كانت بعيده وادقها صارت ملزقه في وجهي وابشرك تم غسيل وجه حماد من برادة مويا سبيل عند بيت البقمي وحالته مستقره تحياتي لكم وامل ان تستمتعو بمغامره اخرى مع (الرجل الوطواط حماد مان)

ابو عايش

الله يسعدك ويسعد ايامك كلها ..


ابو سعد انتبه يارجال من ذا الرجل ..

والحمدلله على سلامتك ..



وكل عام وانتم بخير

	أأأأأأأأأأأأأأأة ياقلبي والله ياشباب حتى الفنيلة ماسلمت المهم القصة والله مدري بالذات ابوعايش اذا كان فية شي كأن عندي الحاسة السادسة من غلاتة المهم دقيت على ابوعايش الو الو سلام عليكم وعليكم السلام الا الرجال قام يتبكبك ياولد علامك قال سيارتي خربت قلت خلاص ادخل عند ضيوفك ونا اجيك قال الرجال طيب اثري الرجال مستحي تعرفون الرقيقيص جيعان وصايم ومشطب على الفطرة ماهو مخلي دور ثاني للعائلة المهم مالكم بطوالها لقيت ابوعايش جالس والله يوم شفتة بغيت اهلها يرجال يلعن ابوك يالغلى ترجلت من السيارة الا هو مقبل علي استقبال غير طبيعي اثري الرجال رجلة زالقة بالرصيف وتعرفون توة مفطر مكرونة على شربة على عوام عابكها عبك قلت سلامات قال عيت لاتشتغل قلت طيب كشاف وفتح الكبوت نزلت تحت السيارة والي يعرف سيارة الرقيقص يستغرب بس وزني 53 بالقوة دفيت نفسي لقيت المشكلة قلت لبو عايش شغل وياليتني ماقلت الرجال ركب وشغل ونتو تعرفون الواحد يوم يسمع طقطقت ضلوعة ونا اصرخ يبوعـــــــــــــــــــايش قال اشتغلت اطلع غبي انا تحتها عارف انها اشتغلت لكن والله من الموت لا وشـــــــــــــبـــعـــــــــــــــان المهم طلعت؟ الفنيلة عطتك عمرها وزين اني سلمت ولاعادة من خوة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بس والله غالي وفية مفاجئة لبو عايش عندي وتحدى احد يعرفها قبل نهاية رمضان

ابو فيصل

الحمدلله على سلامتك من ابو عايش يارجال لو طاح عليك كان مت

وكيف السيارة وابو عايش ..


لازم تصدق هذي مصيبة وفكك الله منها ..


ابو فيصل تسلم تسلم على القصة ..

ههههههههههههههههههههههههههههههههههههههههههه


ابو فيصل راح ضحية ابو عايش

ابوسعد الحمد لله على السلامه . والله انك نشمي وشهم وصبور !!!

ابو عايش لعنبو ابليسك بغيت تقضي على الاّدمي ؟؟

لاومسوي فيها (راوي) ههههههه

ابوسعد الحمدلله على سلامتك

الرقيقيص انتبه هذي جت سلامات

يعني لاتعودها....

الله يعين الفورد على الرقيقيص

كل عام ونتم بخير

السلام عليكم ورحمة الله وبركاته
جلست أضحك وأنا أتخيل الموقف وحماد تحت الفورد وعلى جالس في الفورد ويشغل
لعن أبو أبليسك بغيت تقضي على أبو فيصل يارقيقيص
أنتبه لعمرك لتقضي لك على واحد
وأنت ياحماد لاعاد تتصل على البليه هذا بعد الفطور
ههههههههههههههههههههههههههههه
الحمدالله على سلامتك أبوفيصل تصدق

خلاااص ابو فيصل

ما ..عاد ..فيها ...جمايل ..وفزعات ..الدعوى بغت تلحق العمر ...

اصلا لو شاورتني يا حماد ..كان قلت لك ...

تـــــعذر .. بالدوام ...بالسوق ...معزوم ..اي شي ..

ابشرك ........لي شهرين ..مرتاح ...

ههههههههههههههههههههههههههههههههههههه
ابو فيصل

ههههههههههههههههههههههههههه
ياسلام لو خوي علي صورك وانت تحت السيارة وابو عايش بكل ثقلة نازل عليك

على العموم الحمدلله على سلامتك


وابو عايش لاعاد تركب الا جيب او تريلة!!

اضحكتونا بموقفكم الفكاهي

ابو فيصل ..
الحمد الله على السلامة ..
هذا وهو مايقصد .. اجل كيف لو حطك ببالة :D
اقول يابو فيصل .. نفس كلام ابو نايف ..بس لا تصرفة
حاول تنهي العلاقة ..
وننتظر مقلبك ..
/
ابو عايش ياوحش .. ال مزح ال:mad:

ابو فيصل ماتشوف شر ...

بصراحة

سالفه تدل على معدن حماد الطيب ...

وغلات ابو عايش عند الناس ....


بس انا مستغرب وبقوه كل نحف حماد وفوق هذا نزلت عليه السياره
امممم اهاااا الفطور له دور ...

الحمد لله على السلامه يا ابو فيصل .. طيب وما عدك طيب .,


ابو عااايش . امسح رقمي من جوالك ..

تم اضافة صورة كراعين حماد السحيمي وهوتحت السيارة الى الموضوع

http://albluwe.com/~uploaded/675/1192042790.jpg

اقتباس:

---

المشاركة الأصلية كتبت بواسطة الرقيقيص

تم اضافة صورة كراعين حماد السحيمي وهوتحت السيارة الى الموضوع

http://albluwe.com/~uploaded/675/1192042790.jpg

---

يابو عايش يارجل حرام عليك ..

جيت تقضي على الرجال ..

طيب يالرقيقيص


مصيرك تتصل والله غير ادبر لك شي على كيفك


رمضان وخلص

والشياطين انطلقت ويويلك مني

ياليتني لحقت عليكم وقتها
:haza:

نعيد ذكريات الغالي الغايب

لاتذكرني بالموضوع