قصيدة رثاء للشيخ بن باز رحمة الله
رثاء الوافي للشيخ بن باز رحمة الله
عز الله انه راح منا فقيده
على الوطن وأكبر فقيده iiللإسلام
موته فتح للحزن صفحة جديده
وصارت دموع العين حبرٍ للأقلام
جدد على الأمة جروحٍ عتيده
اللي يرد الكيد بنحور الأخصام
نبكي وتبكي له ركون iiالعقيده
والعلم وعيون الأرامل والأيتام
شيخٍ بحور العلم نبع iiبوريده
بالدين حجة للشريعة والأحكام
الزهد زاده بالحياة الزهيده
تقوى وحلم وعلم وصيام وقيام
هذا مسيره بالحياة ورصيده
له سيرةٍ بيضا على طول الأعوام
ومن عاش لابد المنايا تصيده
ما فيه مخلوقٍ على وجهها iiدام
سبحان من يفعل على ما يريده
الواحد اللي بالخفيات علاّم
يالله عسى روحه بفضلك شهيده
وتجعل مقامه بين الأبرار الأكرام
راضين بأمرك يامدبّر عبيده
ويالله تصبرنا على جرح iiالأيام
اعزّي الخاطر بكتب القصيده
وبالشيخ اعزّي كل مسلم والإسلام
