الشاعر:عطيه بن سعيد المطرفي رحمه الله قال هذه القصيده عندما غزو الرفادات/الشيخ ابراهيم ابن سليمان والشيخ احمد بن سليمان...على قبيلة.....ويبين الشاعر فعل اخصامهم في بداية المعركه..ولكن تماسك الشيوخ مع من بقي معهم..وقتلو العقيد وانكسرت شوكة اخصامهم يقول الشاعر:
مد المديد وشيخنا صار مقداه=ركبو على جرد المهار الاصايل
امصلحاتن للديار المهواه=اللي حموهن ذاهبين الحمايل
اللي خويه لاتقا عنه ينساه=من هوش ربعن فعلهم بالصمايل
الغزو عاب وقامت الخيل تتلاه=لولا ذوي عفنان ماشي مسايل
لحق الامير ولحقت الخيل تتلاه=امقلدين ارماحهم ريش مايل
واللي معادينا ترانا عديناه=يابى الثرا ياهل حميرا القبايل
طاح العقيد وخلو الشمس تنداه=من بندق احمد يوم صارت دبايل
كم طرف عين يوم علمت دفق ماه=يبكونه اللي يم برزا وحايل
شيخا ولد شيخا حباله ترد ماه=امنتعين من الجدود الاوايل
