أوزان القلطة المشهورة

http://mharbi.jeeran.com/655.gif
بسم الله الرحمن الرحيم


إلى الأخوه شعار المحاورة هناك أوزان للقلطة خاصة بها ..
و أحببت أن أوضح لكم بعض هذه الأوزان حتى تعم الفائدة على الجميع ..


*^* ( البحر الطويل ) ..
كقول لويحان فيه :

هاضني مرقاب عديت في عالي فروعه عصر والشمس حيه=ساقني سايق الاقدار لين الساق عـدا براسـه مـن عذابـي
أه واعبرتٍ كنيتها ما أبديتهـا فـي حشـا روحـي خفيـه=مثل عبرة يتيمٍ ينزرونه نـزر والنـزر هضـام الشبابـي

*^* ( الحنيفي )
(( نسبة إلى مبتدع هذه التسمية شاعر يدعى بحنيف أوالحنيفي لقبه ))

من صافي النيه... سـلام رديـه=والملعبه صافيـة والليـل قافيهـا
من خاطرٍ صافي.. حييت يا سنافي=والملعبـة شدهـا ليـاك ترخيهـا

*^* (( المربوع المكسور ))
كقول سليمان بن شريم :

والله إني فوقهم كني علـى مزعافي...مهـرةٍ لعابـه=لي ثلاث سنين يا صقران هذا حوفي .. بندقي مشعابي
أنت يا راعي الغنم قد شافك الشوافي.. جوكم النهابـة=يوم تمشي بالجبال السمر كنك عوفي.. للغنم حلابـي

*^* ( اللويحاني )
كقول لويحان :

ألا يا مال فرقا العين ألا يا مـال فرقـا العيـن=يا بعد الفرق بين الناس يـا خـلاق يـا كافـي
خطاه الزول صورة يحسب الجمعة ضحى الإثنين=يغر الأجنبي زولـه وفـي ملبوسـه الضافـي

*^* ( القصير )
كقولـــه ..

يا سلامي على كل الرجال=ردةٍ خاطـري غنا بـهـا
هبت أرياحها شرق وشمال=والمعاني حسبت أحسابهـا

*^*( المعوســر أو العسيــر )
كقول مرشد البذالي :

1بدا.. منهو حدا.. بالقيل .. وإن تيـه العجفـاوي=ولا.. منى على .. الأصحاب.. نفسٍ تجي دونيـه
2 عدا.. ذيب الندا.. في ليل.. مير احترس يالشاوي=ملا.. الناب العلا.. وإن صاب.. ياخذ لحمتـه نيـه
3 غدا.. قولوا كدا.. ما قيل .. سبعٍ طمع به واوي=ولا..قولوا بلا.. شر شاب.. تطمـع بـه الحنديـه

*^* ( المخو مـــس )
كقـــوله ..

سلام والسلام مني والليلـة الملعـب ينـادي =الليلة الليلة لعبنا ما هبلك يا قلـب الشـرودي
تحيـة وفـاء يــا فاهمـيـن التماثـيـل=
يا ناقلين الطرق عني من جنب الطاروق غادي =إن قالوا العالم تعبنـا أنـا قويـاتٍ عضـودي

*^* ( المســـــودس )
كقول مرشد البذالي :

اسمعوا وافهموا رد الكلام يا سلامي على اللي يفهمون أقوال من قدم شريف الكلام بلا جزا=شاقه الولم.. واغرم يوم جابنه مطاليب حاجات الرفيق من عناله وجـب حقـه وصـار
ما لنا في تشعبات الكمام أنت يا من لكح بالرجم زولٍ زال واستدنا سلاح الشجاعه واعتزا=ثابت العلم.. وأفكر لين تدري طلب قـوم وإلا إنـه صديـق لاتسـرع بتنفيـذ المغـار

*^* ( المنكــــوس )
كقـــــوله

سلام ردية.. لها راس وعيون... سلام ردية=الليلة الليلة .. بها أشكال وألوان.. الليلة الليلة
رده ومثنيه.. على اللي يغنون.. ردة ومثنية=كلن وتحليله.. إلى كان ما كان.. كلن وتحليلة

*^* ( المثــــــومن )
كقولــــه ..

وصلنا سلامك.. ونفهم كلامـك=تبي تركب البرج والبرج عالـي
ترفق وخل المشي يا رجل بالهون=لقيتك لقيتـك.. وأنامـا نسيتـك
تصلي الفروض وتبوق القرايـب=توضيت وإلا مصلي ما توضيت
تضلل علينا .. وحنـا درينـا=قيل لاتكمـل ثمـان الليالـي
تصلون ولا يالربع ما تصلون=عصيت القرابة.. نويت الحرابة
ماهو نافعك لو يقولون تايـب=تقهويت ولا عندنا ما تقهويـت

*^* ( المــــربوط )
(( ربط بكلمة مكرره كقولهم :العالم الله ))

ياسلامي عليكم عد سموّا قبيلـة=قلتها من صميم الجاش والعالم الله
وين راح القبيل اللي ينومس قبيلة=ما ربطنا عليها شاش والعالم الله

** وهذا نظم أخر مربوط ايضا..
(( حيث تكرر جملة : المعني على سطح القمر))

يا شاعر الميدان لوتنخا فـلا تلقـى نصيـر=ادخل ولك مظهار والمعنى على سطح القمر
ترى الجمل عيبٍ عليه رغاه من عقب الهدير=خذلك بها مشوار والمعنى على سطح القمـر

جمع الشاعر ..خالد بن عاصم


http://mharbi.jeeran.com/655.gif