نقف على أطلال اماكن نرتبط بها ارتباط الروح بالجسد كيف لانقف وهي تعني لنا الكثير والكثير من ذكريات تعيدنا الى زمن جميل تنفس هوائه رجال عظماء عطروه بالطيب من الاقوال والافعال التي صارت مضربا للأمثال يتناقلها القاصي والداني ... كانوا يحكمون زمانهم ولا يحكمهم ,,, كانوا شمس شارقه غيبتها المنايا ولم يغيبوا عن القلب عليهم من الله الف رحمة ونور ,,,, يحق للشاعر مشهور يوسف السرحاني أن يعبر عن شعوره عند مروره على مكان من تلك الاماكن التي كانوا يكتبون فيها تاريخهم وتاريخ من سبقوهم بفخر واعتزاز .......... هاجت حروف ابو يوسف لتهيج معها مشاعرنا مع مجلس العصر الحزين,,,,,,,,,,,,
للعلم -- تلك الوقفة انجبت قصيدة مجلس العصر الحزين للشاعر مشهور يوسف السرحاني البلوي لعيونكم وعيون منتدانا الرائع طلبته -وكان كريما معي وفقه الله - كي تكون النافذه الاولى لتلك القصيدة هي منتدى بلي ويعتذر للجميع بسبب كثرة الاشغال ولكم كل الحب ,,,,,,,,,,,,,,,,,,,,
=======
مجلس العصر الحزين
هـاجت حروف القصايد من تصـاريف الزمـان = قلت يالله بك نقــــول و ياالهي نستعين
ودي اكتب عن ارجال..وعن زمان..وعن مـكان =جيته بعـيد الـضحيه جدد الــجرح الدفين
كل بيت(ن)كنت امره صــار لي فيه امتحــان = ترجـع الذكــرى ورايه للقديم من السنين
كل شارع..كل مزرع..كل صـــوت من الاذان = من هذاك المسجد اللي من بعيد(ن) لك يبين
كل شايب كان معنا وارتحل مع قوم كــــان = الـمؤذن والامام ومجلس العصر الحـزيـن
يـــوم امره كن قلبي تطعنه حــدب السنان = لاذكـرت اللي جلس به من رجـال(ن) طيبين
لاانكسر ظل الـــعصير وهفهف الغربي وزان = ميلوا للشــايب اللي يعطي الــعلم المبين
يروي علومه بحـــكمة وبـــروية واتزان = بالمغـالط مايخوض وهرجته هرجـة رزين
المثايل والـــقصايد والســـواليف السمان = والفناجيل النـديه من يســار ومـن يمين
والبيوت اللي من اول عامره باهل المكـــان = خالية واللي سكنها عـامل(ن) يرطن رطـين
وين اهلها ؟ ودعوها يوم وقت الموت حــان = ركبوا اظهور المــطايا في اركاب الـراحلين
يــاالهي يــالهي يالله انت المستعــــان = تجبر قلوب(ن) تصـبر يامـــعين انك تعين
كل شيٍٍ غيــــر وجهك يااله الكون فــان = مايدوم الا انت وحدك ياالــه العالميـــن
مــاهو قصور(ن) بربعي فعلهم طيب.. وبـان = عزوتي والــدار فــيهم دايم بعيني تزيـن
الكـرم والطيب فيهم من قديـم ومــن ذوان = لالفيناهم تعنوا مــايتغالــون السميـــن
وقبل ختم القاف عندي همسة(ن) فيها بيــان = لاتصير الدار قفــرا يالرجــــال الفاهمين
قـــالها شاعر يعبر من شعور ومن السـان = والختام ازكى صــلاة لسِيد كل المرسلــين
مشهور يوسف السرحاني عيد الضحية 1426
