هذه محاورة بيني وبين الشاعر محمد عوده رفاده في شهر صفر عام 1431ه
آمل ان تنال اعجابكم
القصير
يا بو رغد جينا على حسب الطلب =لأ هل الوفاء شرواك ويهون الصعب
نبغى نبيع ونشتري نصرف ذهب = واللي عقد رووس الحبال ايحلها
سلامي عليكم ياهل الجود والطيب=عدد من يحج البيت في كل عامي
محمد يجيب العلم لا در هم الذيب = ولا ودنا بالعلم برد وسلامي
ابوتركي
يستاهلون الطيب ناس(ن)تفعله=وابورغد وانته تراكم من هله
ولكم مع اهل العرف قدرومنزله=واللي عقد رووس الحبال يحلها
هلامرحبافاهل الوفـا والمواجيبـ =عدد مافطرالمسلم وصلى وصامي
تولم وتلقى العلـم روس المراقيـب=ولا يختلف مرماك والرمي حامي
القصير
يالله عسى فيك البقا يابن الرجال = اللي لهم تاريخهم حق(ن) يقال
وقت اللقا ما عندهم قيلٍ(ن) وقال = واللي عقد رووس الحبال يحلها
أنا وانت بالحاسوب نرسل مكاتيب= على مانبي والنور يجلى الظلامي
ليا دارت الايام تظهر عذاريب = يبين البلا بالمخ وإلا العظامي
اوتركيعساك تبقى يالكريم ابن الكـرام = بني تميم اهل المواقيف العظـام
وان كانها رجعت لسلات الحسام = اللي عقد روس الحبـال يحلهـا
حروف الكتابه للمعاني مناديـب = على العز والتقديـر والحترامـي
خللها بدى من غدر جساس بكليب = تغير نظام وحل غيـره نظامـي
القصير
العام في راس الجبل بوش وبلير = كلٍ على كيفه يقول الوضع غير
من بعدهم بعض العرب ماهو بخير = واللي عقدرووس الحبال يحلها
مضى مامضى وقت العجر والمشاعيب = مضى وقتها والطيـر فالجـو حامـي
وربك يعيد الشمس من بعـد ماتغيـب = يعيد الليالـي بعـد جاهـا العسامـي
ابوتركي
اتـرك بليـر وبـوش عــدوان الـزمـان = مقـصـودهـم بـامــرالله المعـبـودبـان
السرفـالـنـيـروز والا الـمـهـرجــان = واللي عقدروس الحبال يحلها
مضى ما مضى والصدق عكس الاكاذيب = وطيرالعجـم بالجـو عـود عجـامـي
بـدت شمسهـا مافيـه شـك ولاريـب = من الكلمه اللـي مـن رفيـع المقامـي
القصير
كنـا وكنـا ثـم كـنـا مايفـيـد = هذي سوالف ماضيه هـات الجديـد
اللي بذر للـزرع ينظـر للحصيـد = واللي عقد رووس الحبـال يحلهـا
بعد مالفوا زوار سـاروا معازيـب =وراع الذهيبه سار جيعـان ظامـي
عسى شيخنا يسلم عطيب المضاريب = وربي يفكـه مـن قليـل الرحامـي
ابوتركي
البـرق يبـرق والرعـد وســط الخـيـال = والـلـي بلـيـا ســاس تالـيـه الــزوال
هـذا مثـل معـروف مـن مـاض اللـيـال =واللي عقد روس الحبال يحلها
بعدما لفوا زوار يبقون اجانيـب = وراع المطيه ماسك(ن)للخطامي
عسى الله يحفطه وقت فرالدواليب = ويكشف كلام مزورين الكلامـي
القصير
يا للي تفاخر بالسنيـن الماضيـات = ناظربعينك وش حصل لاهل الفرات
حنا رجال اليوم واللي فـات مـات = واللي عقـد رووس الحبـال يحلهـا
جرى سيلها من غرب شال الاطانيب = وشالت عمود البيت هي و الخيامـي
مطرها على شبه الجزيرة تساريـب = بعدما نزل مابين مصـري وشامـي
