الله يعطيك العافية ،،،،،،،،،،،،،،،،،،،،،،،،،،
بسم الله الرحمن الرحيم
هذه القصيدة بمناسبة دعوة الشيخ / مسعد فرحان الهرفي وعمه الشيخ/ مهجع حسن الهرفي
لشيخ شمل بلي الشيخ/ سليمان بن رفاده
ليوم الخميس بتاريخ 23 / 6 / 1432هـ
]
بسم الله ابدا القاف بسم الله أبداه *** بـسم الله ابـدا قبل قيلاً وقايل
من بعد ذكر الله ابقافاً بديناه *** اخذت من جزل المعاني جزايل
يا مرحبا ما لاح برق ونثر ماه *** من مزنتاً هلة صدوق المخايل
بقدوم شيخاً له معزه وله جاه *** الباشه سليمان إلى سال سايل
زيارتك كل العشيره تمناه **** يا شيخنا يا شيخ شمل القبائل
ابن حسن دعاك وجبت دعواه *** ابو سعود اللي يشيل الثقايل
والشيخ مسعد تبذل الطيب يمناه *** شيخاً ولد شيخاً يحوش النفايل
لضيافتك جهز دلالاً املاه *** وصينيتاً تقلط بها كل حايل
بسم الهروف نقول حياكم الله *** ربعي اهل المعروف واهل الفعايل
تاريخهم معروف ولكل يقرأه *** يوم الملاقا يحتمون الأصائل
ناطا على حد الخطر ما نتداراه *** يوم الليال المغبرات السمايل
واليوم حنا بخير والحمد لله *** في ظل حكماً ما نبي له بدايل
حكم السعود اللي على الحق مبداه ***حكم الشريعة ثابتاً بدلايل
في عهد أبو متعب عسى ما عدمناه ***امطوع الصعبه بكل الوسائل
قولوا معي يا الله يا الله يا الله *** يا الله عساها لبو متعب مهايل
له الولاء منا وسابق عطيناه **** نمشي على عهد الجدود الأوائل
في كل ما نملك والأنفس فديناه *** دون الوطن كن ولعت بالفتايل
ماهزنا من كان شيطانه أغواه ****المغرضين مروجين الرسايل
يا الله أن تحفظ وطنا وتحماه **** وموتي بغيظك يالقلوب الغلايل
وختامها في منتها القاف مبداه **** بسم الله أبدا قبل قيلاً وقايل
.
.
الله يعطيك العافية ،،،،،،،،،،،،،،،،،،،،،،،،،،
صح لسان الشاعر
والله والف نعم بالشيخ مسعد وعمه مهجع
مُنتــــــــــــدى بــــــــــــــلي الرسمــــــــــي
صح لسان الشاعر ........ومشكور صقر بلي
يعطيكــــ العــــــــااااافيه صقر بلي .... وصح لســـــان الشـــــاعر
صح بدنكم جميع والله لايهينكم على المرور
.
.
الذين يشاهدون الموضوع الآن: 1 (0 من الأعضاء و 1 زائر)
المفضلات