~ .. الهجوس الي على ـآ ذكرهـ حدآآني .. ~

الهجوس الي على ذكرهـ حدآآآني
جـدد جـروحٍ بقلبـي مستكنـه

شب نيرآن الهوى وسط المحآني
والخواطر في فؤادي مرجهـنه

لين جريت الهجيني في لسآني
سجتي للقاف به فرضٍ وسـنه

يستحق اذكره لو أنه نسأنـي
أسرج الهآجوس لعيونه وآعنه

إن كتبت البيت جآني بيت ثآني
وإن عذلهن خأفقي ما طآوعنه

خأفقي هدآج وبيوتي سوآآني
وإن نحرهن قرقعن قرقآع شنه

عزتي للي من الفرقى يعآني
جض قلبه والليالي عارضنـه

له وليفٍ فاز به مخلوق ثآني
يردف الونات ونـه بعد ونـه

لين قلبه صار لهمومه موآني
سال دمعه لو عن العالم يكنه

مايحسب لدقايق والثواني
باع عمره للهموم الي شرنه

ولو يفكر بالهديم المودمآني
خابـرٍٍ بالاخـره نأرٍٍ وجـنه

الخفوق الي من الفرقى يعآني
وش يسوي بالهموم الي وطنه

بعد ماشيدت في حبه مبآني
بعد ماكـل المشأعر والفنـه

لو كتبت بيوت وآنشدت الاغاني
مأتنسي خأفقي ضحكات سنه





أخوكم الشاعر / حمود خلف دحل الميهوبي ..

الله الله

صح لسانك اخوي حمود

ولاتحرمنا جديدك






ودي و تقديري

الله الله

صح لسانك اخوي حمود

ولاتحرمنا جديدك






ودي و تقديري

أخوي خالد السحيمي .. صح بدنك يالغالي .. وابشر بكل جديد وإن شاء الله نتجمل بالطيب معك ومع الجميع .. لك خالص الشكر والتقدير ..

صـــح لـســانـك........

صـــح لـســانـك........

صصح بدنك يالغالي ولأعدمنا مرورك المميز ..

صح لسانك ماشاء الله عليك