توبة القاضي

..توبةالقاضي
قصيده مر قرنان على كتابتها
ورغم ذالك تظل صادقه
خاصه وان شاعرها عاش في تلك الفتره النقيه
قبل ان تلهي الدنيا الانفس وتستبيح الارواح
محمد العبدالله القاضي رحمه الله رحمةٍ واسعه

:
:

يا محل العفو عفوك ياعظيم=ولطفك اللي كافلٍ كل الانام
ياسميعٍ يابصيرٍ ياعليم=ياقويٍ يامتينٍ يا سلام
يعطوفِ يا رؤفٍ يارحيم=جل شانك متهام ولاترام
بنورك اللي يوم ناجاك الكليم= دك ...,سيناخرموسى ثم قام
موحدٍ يدعيك بالليل البهيم= با التخضع والتضرع بالظلام
خاشعٍ لك خاضعٍ لك مستقيم= اسالك ودعيك باسماك العظام
أن تروف بحال من جسمه سقيم=علته تبراه له خمسة عوام
داوني بدواك من داءٍ اليم= واشفني بشفاك يامن لايضام
مدلهٍ نفسي بتدليه الفطيم=عن لذيذ النوم مع طيب الطعام
ولا لي اشكي غير للرب الحيم= سامك السبع السموات العظام
ذا ومع ذا لوتمادو با النعيم= فان عمر المرء خيره للعدام
كل ابن انثى ولو طاول سليم=لازمٍ يشرب بكاسات الحمام
من عميم احسانك ارحم يا رحيم= يوم نزع الروح وان جاها حمام
والشقيق اللي يوده والرحيم=يستشين بشان تجهيزه قوام
والخشب دنى مع الخام الرخيم= وفصلو له وزرةٍ فوقه احرام
ثم شاله كل شغمومٍ حشيم= مرجلين معجلينٍ با الهمام
ووضعوه بموحشٍ قبرٍ ظليم= ووسدوه اللبن عن ريش النعام
وكشفوا عنه الغطا قبل الهديم= وفككوا عنه العصايب والحزام
ورصفوا فوقه من اللبن الضخيم= وادخلوه واوادعوه بلاكلام
وحدوه بموحشٍ ماله نديم= غير ما قدم من اعمالٍ اقدام
وعقب هذا البعث والهول العظيم=يوم حشر,يوم نشره للانام
يوم يبعث كل ذي عظمٍ رميم= في صعيدٍ للحساب وللخصام
يوم نصبه للصرط المستقيم=لنسل يافث معا حامٍ وسام
حاسرينٍ عابرينٍ به نظيم= ذايصيح وذا يطيح من الزحام
وذا جريح وذا عطيب وذا سليم= وذا يمر مروربرقٍ في غمام
وذا يسر وذا يجر الى الجحيم=وذا الى الفردوس مع باب السلام
وذا يخلد با النعيم اللي مقيم=وذا مسيمٍ في لظى دوم الدوام
كيف من يوقن بهذا يا غشيم=يغلي الدنيا ويغرى بالحطام
وين ابوك ووين جدك يا عديم=وين خالك وين خلك والعمام
وين شبانٍ يهدون العديم=وين شيبانٍ شغاميمٍ كرام
صيرو بقبورهم مثل الهشيم=خامدينٍ هامديتٍ في هدام
تبرم الدنيا وينقض البريم=وخيرها منقضيةٍ مثل الحلام
يا الهي خذ بيد قلب ٍسليم=عن عذابك يوم للخلق ازدحام
من بحر مجدك وجودك يا كريم=نفحةٍ نسعد بها دوم الدوام
انني دست الخطايا من قديم=طالبك صفحك وعفوك لي ختام
الهوى والنفس اغواها الرجيم= ونشر فضلك واسعٍ ذا والسلام

منصور العثماني
شكرا لك على اتحافنا بهذه القصيدة الرائعة
لشاعر يعتبر من اعلام الشعر الشعبي

منصور العثماني
مااروعك ومااروع قلمك دوما مميزنقل جميل واختيار يدل على رقي ذائقتك
صح لسانك ودمت بخير
عبدالله

صح اللسانك واللسان الشاعر محمد القاضي رحمه الله وجعل توبته توبه صادقه.

منصور العثماني شاكر لك.

-----------------
------------
-----

يعطيك العافيه يا شاعرنا
وصح لسانك

واسمع ان اكثر قصائد القاضي غزليه ممكن الافاده

الله يعطيك العافيه
وصح لسان اللي قايلها