قصيدة الشايب وأبنه

بسم الله الرحمن الرحيم


الشايب هو مثيب بن عواد الذيابي العتيبي وكان فيه أمراه من القبيلة أسمها فيحا ذات نسب وجمال وقد كثر الخاطبون لها فتقدم الولد وهو الحميدي بن مثيب لوالده بأن يخطب له تلك المرأة ولكن الشايب أخذ يخطب لنفسه ويرد معارضٍ للشباب بهذه القصيدة :

يابني جابان برقين العمايم **** لو غسلتوا ثوبكم وتصوبنونه

صفة راحت على (فيحا) هدايم *** يركضون وعلمهم ما يقطعونه

شفها الشيّاب وافين الخصايم *** علقوكم ماقفاً ما تحرزونه

فل يا جابان وكل من النعايم *** وأشكر اللي كل الأمه يشكرونه

غيطل الغيطول مكفي الهمايم *** أسترح يابكري اللي يذكرونه

كلما شاف السماره جاك عايم ***ما يجنب لو تغزه في عيونه

ساعته تعلج كما العاج النعايم *** ويتعطر والتعطر فيه بونه

سنحته رجال مذهوب الرسايم *** مار فيه من النساء عرق يخونه

حالقٍ دقنه يبيه أبزير دايم *** ول ياجابان يا حالق دقونه

أشتكنه يا عساكن للثلايم *** ليش مذهبكن عنكن يا خذونه

وهذا جواب الأبن الحميدي على والده :

أتركن العود يا سود اللثايم *** ما وراه من الطمع غير المهونه

لو أحطه فالحجير عن السمايم *** واعذاب من أشتقى يبا يصونه

لو أبيع العود مال العود سايم *** والحكومه للسفر ما ينقلونه


عشقت المجمول منهم فالقدايم *** مرتخي قعوه مغير يوضبونه

تسمعين بحركته وان جاك قايم *** تسمعين حذاه ولاطق شونه

العذارى ما يردن له ملايم *** أرتخى المشقاص مع مالت جفونه

فاتحن عينه ومنه العرق نايم *** لو رفع راسه ترى زنده يخونه

::::::::::::::::::::::

ويبدو أن كثيرا ممن قرأ القصيدة ونقيضتها لا يفهم مفرداتها الضاحكة

جابان :

اليابان في اول ظهور للبضائع اليابانية في اسواق المملكة كانت رديئة مثل بضائع تايوان اليوم ، وكان الناس يقولون للرديء من الأشياء ( طقّة جابان ) أي صنعة اليابان الرديئة

النعايم : مجموعة من النجوم في الجهة الشمالية من السماء ، بالقرب من نجم الجدي ، ويسميها البعض بنات نعش



العود : الشايب

بونه : مشكلة

سود اللثايم : النساء

سنحته : مظهره


..............

تحياتي لكم ,,,

ابو الحارث
شكرا لك على هذه القصائد وشكرا لتوضيحك لبعض المفردات

ابو الحارث
تسلم يمناك على القصه والقصيده

ننتظر جديدك