للي فقد في دنيته شخص غالـي

للي فقد في دنيته شخص غالـي
وللي نسى طعم الفرح في حياتـه
وللي جرع مر الزمن عقب حالي
وللي ذكر غدر الصديق/وغلاتـه
وللي شكا حمل الهمـوم الثقالـي
ولا شاف من حوله صديقٍ لذاتـه
وللي طعن ظهره قريـبٍ موالـي
وخلاّه يجمع في دروووبه شتاتـه
وللي وثق في شخصٍ أوّل وتالي
وقدم له المعروف وحقـق مناتـه
وخلاّه راقي بمجتمعـه ومثالـي
واعطاه مازاد بوجـوده حلااااتـه
وفي الخاتمه ((ورّاه)) سود الليالي
((وهدّه)) بتطليقه لخيـرة بناتـه
وللي بقلبه بانـيٍ قصـر عالـي
ومزيِّـن أحلامـه بسكـر نباتـه
ودايـم يـردد يالحبيبـه تعالـي
ذوقي عسل حبي وذوقي فراتـه
وأنهدت أحلامه وشاف الهوالـي
يوم ((لعدوّه))زفّوا قلبـه مهاتـه
وللي كثيـر التوصيـه للعيالـي
ولا حصّل اللي قام طبّق وصاتـه
وللي ضرير في زمـان التعالـي
ولا حس به شخصٍ يقدي عصاته
وللي بحياته شاف وقـتٍ خيالـي
ويصيح من همّه وقطّـع لهاتـه
شاف بعربنـا كـل يـومٍ قتالـي
والظلم كايد,,ولا لـه الاّ سكاتـه
شاف القهر والويل شاف الحثالي
يسقوننـا مـر الزمـان وسفاتـه
وماالوم عينه شاف كثر الهبالـي
وياكثر من سوّى بوقتـه سواتـه
وللي جرى له مثل ما قد جرااااالي
وأخبار وقته صكّته يـوم جاتـه
وقالوا رحل عنكم كريم السبالـي
وأعلن بها الدنيا العريضه وفااتـه
الموت حق ولكن اللـي غدااالـي
مثل أُكسجيني في الحياه ونداتـه
عقبـه أنـا يانـاس والله مالـي
غير الدموع وهم وقتـي ورداتـه
من بعد كونٍ واسع بـه مجالـي
أصبح بعين القلب أصغـر فتاتـه
شليت هـمٍ زاد فـوق أحتمالـي
بس((الصبر))مطلوب يارب هاته
لكن عسى المولى عظيم الجلالـي
يسقي تراب ضم ((أبوي)ورفاتـه
الصبر مطلوب على كـل حالـي
وبنلقى بيوم من الفـرح التفاتـه
أحسن مافي الدنيا صفتها الزوالي
والله يعوّض كل شخص بحياتـه

بحر الهوا
الف شكر على القصيده وممكن اسم الشاعر الله لا يهينك

بحر الهوى

صح لسانك

وتقبل تحياتي

بحر الهوى
شكرا لك على القصيده الجميله جداا

الاخ
بحر الهوى
ارجو منك
كتابة اسم صاحب القصيده
و
الكتابه بالاسم الصريح
_____________
* ملاحظه : سوف تحذف القصيده ان لم تذكر اسم قائلها
وهذا حفظ للحقوق
وعليك مراجعة التعليمات الخاصه (بقسم الشعر الشعبيي .. فقره (6 )
على
هذا الرابط
http://www.bluwe.com/bluwe/showthread.php?t=20720

بحر الهوى

قد اكون قاسيا وجافا جداا إذا لم اشعر بهذه الكلمات

وقد اكون غبيا جدا إذا لم امر

فعلا كلمات جميلة قليل ان أقووول صح لسااانك

هذه الكلمة أصبحت مجاملة

واصبحنا نمل منها


لكن قصيدتك هذه أجمل واكبر من ان نمر ونعقب عليها ونقرر نرد او لا نرد

تحياتي تحياتي لك

وهنيئا لي بالتواجد هنا


وتقبل خالص إعجابي بقلمك المعطاء

تحياتي لك

أعذرني على المرور المتاخر